完整藏文原文 · 德格版页 当前仅加载第 89 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ཡོད་མིན་ངོ་བོ་ཉིད་སྟོང་ཡང་། །ཚུལ་བཞིན་མ་ཡིན་རྣམ་པར་རྟོག་པ་བསྐྱེད། །ང་ཡིས་ཉོན་མོངས་ཐམས་ཅད་རབ་སྤངས་ནས། །རྟག་པར་ཡང་དག་ཡེ་ཤེས་མངོན་རྒྱུ་བས། །ལྔ་ཕུང་ཁང་ཁྱིམ་ཐམས་ཅད་སྟོང་རྟོགས་ནས། །བྱང་ཆུབ་ཡང་དག་གནས་ནི་བཙལ་
D555.089.0077b01.01བ་ཡིན། །ང་ཡིས་བདུད་རྩི་གྲོང་ཆེན་སྒོ་ཕྱེ་ནས། །གྱ་ནོམ་བདུད་རྩི་སྣོད་ནི་བསྟན་པ་ཡིན། །ཡང་དག་བདུད་རྩི་རོ་ནི་བརྙེས་ནས་ཀྱང་། །རྟག་པར་བདུད་རྩི་སྐྱེ་དགུ་སྦྱིན་པ་བཏང་། །ངས་ནི་ཆོས་ཀྱི་རྔ་ཆེན་དམ་པ་བརྡུངས། །ངས་ནི་ཆོས་ཀྱི་དུང་ཆེན་མཆོག་
D555.089.0077b02.01ཀྱང་བུས། །ངས་ནི་ཆོས་ཀྱི་སྒྲོན་ཆེན་རབ་ཀྱང་སྦར། །ངས་ནི་ཆོས་ཀྱི་ཆར་ཆེན་དམ་པ་ཕབ། །ཉོན་མོངས་དགྲ་རྣམས་རབ་ཏུ་ཕམ་བྱས་ཏེ། །བླ་མེད་ཆོས་ཀྱི་རྒྱལ་མཚན་ཆེན་པོ་བསྒྲེང་། །འཁོར་བའི་མཚོ་ལས་སྐྱེ་དགུ་རྨོངས་པ་བཟླས། །ང་ཡིས་ངན་འགྲོ་
D555.089.0077b03.01གསུམ་གྱི་སྒོ་ཡང་བཅད། །ཉོན་མོངས་འབར་མེས་སེམས་ཅན་རབ་བསྲེགས་ཏེ། །མགོན་དང་སྐྱབས་བྱེད་མེད་པ་དག་ལ་ནི། །རབ་བསིལ་བདུད་རྩིའི་དེ་དག་ཚིམ་བྱས་ནས། །ལུས་དང་སེམས་ཀྱི་གདུང་བ་ཞི་བར་བྱས། །དེས་ན་ངས་ནི་བསྐལ་པ་ཚད་མེད་སྙེད། །
D555.089.0077b04.01དེ་བཞིན་གཤེགས་པ་རྣམས་ལ་གུས་མཆོད་བྱས། །ཚུལ་ཁྲིམས་རབ་བསྲུངས་བྱང་ཆུབ་གཞོལ་ནས་ནི། །ཆོས་སྐུ་བདེ་བའི་གནས་སུ་བཙལ་བ་ཡིན། །གཞན་ལ་མིག་དང་རྐང་ལག་རྣ་བ་དང་། །བུ་དང་ཆུང་མ་བྲན་བཏང་ཕངས་པ་མེད། །ནོར་དང་རིན་ཆེན་
D555.089.0077b05.01བདུན་གྱི་རྒྱན་ཕྲེང་དག །སློང་བ་དག་ལ་ཐམས་ཅད་ཡོངས་སུ་བཏང་། །བཟོད་སོགས་ཕ་རོལ་ཕྱིན་པ་ཀུན་བསྒོམས་པས། །ས་བཅུ་ཡོངས་རྫོགས་ཡང་དག་མངོན་སངས་རྒྱས། །དེ་ཕྱིར་ང་ནི་ཐམས་ཅད་མཁྱེན་བརྗོད་ཀྱང་། །སེམས་ཅན་གང་ཡང་གཞལ་བར་ནུས་པ་མེད། །
D555.089.0077b06.01གལ་ཏེ་སྟོང་གསུམ་སྟོང་ཆེན་འཇིག་རྟེན་ཁམས། །ས་ཆེན་འདི་ལས་སྐྱེས་པའི་དངོས་རྣམས་དང་། །ནགས་ཚལ་ལྗོན་ཤིང་སཱ་ལུ་ཏིལ་རྣམས་དང་། །འོད་མ་ལ་སོགས་ཡལ་ག་ཇི་སྙེད་པ། །འདི་ལ་སོགས་པའི་དངོས་པོ་བཅད་གཏུབས་ཏེ། ཐམས་ཅད་རྡུལ་ཕྲན་ཕྱེ་མར་བྱས་
D555.089.0077b07.01