完整藏文原文 · 德格版页 当前仅加载第 89 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་རྒྱས་པར་འགྱུར། སེམས་ལ་སེར་སྣའི་འཇུངས་པ་མེད་ཅིང་རྟག་པར་སྦྱིན་པ་གཏོང་བར་འགྱུར། དགེ་བ་བཅུའི་ལས་ཀྱི་ལམ་དང་ལྡན་པར་འགྱུར། མི་རྣམས་ཚེ་འཕོས་པར་གྱུར་ན་ཡང་ཕལ་ཆེར་མཐོ་རིས་སུ་སྐྱེ་བར་འགྱུར་བས་ལྷའི་འཁོར་རྣམས་རབ་ཏུ་འཕེལ་བར་
D555.089.0087b01.01འགྱུར་བར་རིག་པར་བྱའོ། །རྒྱལ་པོ་ཆེན་པོ་དག་མ་འོངས་པའི་དུས་ན་མིའི་རྒྱལ་པོ་གང་ལ་ལ་ཞིག །མདོ་སྡེ་འདི་མཉན་ཏེ་ཡོངས་སུ་བསྲུངས་ནས་གུས་པས་མཆོད་པ་བྱེད་པ་དང་། མདོ་སྡེ་འཛིན་པའི་འཁོར་བཞི་པོ་དག་ལ་བླ་མར་བྱེད་ཅིང་བསྔགས་པ་བརྗོད་པར་འདོད་པ་དང་། གཞན་
D555.089.0087b02.01ཡང་ཁྱེད་འཁོར་དང་བཅས་པ་དང་། གནོད་སྦྱིན་གྱི་འཁོར་བརྒྱ་སྟོང་ཚད་མེད་པ་སྙེད་ལ་ཕན་པ་དང་། བདེ་བས་ཕན་འདོགས་པར་འདོད་ན་དེའི་ཕྱིར་རྒྱལ་པོ་དེས་རྟག་པར་མདོ་སྡེའི་རྒྱལ་པོ་དམ་པ་འདི་མཉན་ནས་ཡོངས་སུ་གཟུང་བར་བྱས་ཏེ། ཡང་དག་པའི་ཆོས་ཀྱི་ཆུ་བདུད་རྩིའི་རོ་མཆོག་དམ་པ་འདི་
D555.089.0087b03.01ཐོས་པའི་དབང་གིས་ཁྱེད་ལ་སོགས་པའི་ལུས་དང་སེམས་ཀྱི་མཐུ་སྟོབས་འཕེལ་བར་བྱེད་པས་བརྩོན་འགྲུས་དང་ལྡན་ཞིང་དཔའ་བ་དང་། བསོད་ནམས་དང་གཟི་བྱིན་རྣམས་རབ་ཏུ་རྒྱས་པར་འགྱུར་རོ། །མིའི་རྒྱལ་པོ་དེ་དག་གལ་ཏེ་སེམས་རྩེ་གཅིག་ཏུ་མདོ་སྡེ་འདི་མཉན་ནས་ཡོངས་སུ་འཛིན་
D555.089.0087b04.01པར་བྱེད་ན་དེ་ནི་ཡངས་ཤིང་རྒྱ་ཆེ་བ་དང་། ཤིན་ཏུ་དཀོན་པའི་མཆོད་པས་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ང་ལ་མཆོད་པ་བྱེད་པར་འགྱུར་ཏེ། གང་གིས་ང་ལ་མཆོད་པ་བྱས་པ་གང་ཡིན་པ་དེ་ནི་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་
D555.089.0087b05.01བྱེ་བ་ཁྲག་ཁྲིག་བརྒྱ་སྟོང་མང་པོ་རྣམས་ལ་མཆོད་པ་བྱས་པར་འགྱུར་རོ། །གང་གིས་དུས་གསུམ་གྱི་སངས་རྒྱས་རྣམས་ལ་མཆོད་པ་བྱས་ནས་བསམ་གྱིས་མི་ཁྱབ་པའི་བསོད་ནམས་ཀྱི་ཕུང་པོ་ཚད་མེད་པ་སྙེད་འཐོབ་པར་འགྱུར་བས། རྒྱུ་དང་རྐྱེན་དེས་ན་ཁྱེད་ལ་སོགས་པས་རྒྱལ་པོ་དེ་
D555.089.0087b06.01དང་། བཙུན་མོ་དང་། སླས་དང་། འཁོར་རྣམས་ཡོངས་སུ་བསྲུངས་ནས་གནོད་ཅིང་ཉམ་ང་བ་མེད་པར་བྱས་ཏེ། ཕོ་བྲང་བསྲུང་བའི་ལྷ་རྣམས་ཀྱང་རྟག་ཏུ་བདེ་བའི་ལོངས་སྤྱོད་མྱོང་བ་ལ་འགོད་པར་བྱེད་ན། བསོད་ནམས་བསམ་གྱིས་མི་ཁྱབ་པ་དང་ལྡན་པར་འགྱུར། ཡུལ་དེ་
D555.089.0087b07.01