完整藏文原文 · 德格版页 当前仅加载第 89 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །གལ་ཏེ་ཉེས་མཐོང་མི་འགོག་ན། །ཆོས་མིན་རབ་ཏུ་འཕེལ་འགྱུར་བས། །རྒྱལ་པོ་དེ་ཡི་ཡུལ་ཁམས་སུ། །གཡོ་སྒྱུ་མང་དུ་འཕེལ་བར་འགྱུར། །རྒྱལ་པོས་ཉེས་བྱེད་མཐོང་བ་ལ། །གལ་ཏེ་ཟློག་པར་མི་བྱེད་ན། །སུམ་ཅུ་རྩ་གསུམ་ལྷ་འཁོར་རྣམས། །
D555.089.0120b01.01ཐམས་ཅད་ཁོང་ཁྲོའི་སེམས་སྐྱེ་འགྱུར། །རྒྱུ་དེས་རྒྱལ་ཁྲིམས་ཉམས་འགྱུར་ཞིང་། །གཡོ་སྒྱུ་འཇིག་རྟེན་འཕེལ་འགྱུར་བས། །ཕ་རོལ་དགྲ་འཁོར་དག་གིས་ནི། །ཡུལ་དེ་བཅོམ་ནས་འཇིག་པར་བྱེད། །གནས་པའི་ཁྱིམ་དང་ཡོ་བྱད་དང་། ནོར་བསགས་
D555.089.0120b02.01ཐམས་ཅད་སྟོར་བར་འགྱུར། །གཡོ་སྒྱུ་སྣ་ཚོགས་སྐྱེས་པས་ན། །ཕན་ཚུན་གཅིག་ལ་གཅིག་ཀྱང་འཕྲོག །ཡང་དག་ཆོས་ཀྱིས་རྒྱལ་ཐོབ་ཀྱང་། །ཆོས་བཞིན་དུ་ནི་མི་སྤྱོད་པས། །ཡུལ་མི་ཐམས་ཅད་འཐོར་འགྱུར་ཏེ། །གླང་པོས་པདྨའི་རྫིང་བརྫིས་འདྲ། །
D555.089.0120b03.01རླུང་དྲག་ལྡང་ལ་དུས་ཀྱང་མེད། །མི་འཕྲོད་ཆར་ནི་དུས་མིན་འབབ། །རྒྱུ་སྐར་ལྟས་ངན་མང་པོ་སྟོན། །ཉི་ཟླ་གཅན་ཟིན་འོད་ཀྱང་མེད། །རྒྱལ་པོས་ཡང་དག་ཆོས་སྤངས་པས། །འབྲུ་རྣམས་མེ་ཏོག་འབྲས་བུ་དང་། ལོ་ཏོག་ཐམས་ཅད་མི་སྨིན་ཅིང་། །ཡུལ་ན་
D555.089.0120b04.01མུ་གེ་འབྱུང་བར་འགྱུར། །རྒྱལ་པོས་ཡང་དག་ཆོས་སྤངས་ནས། །སྡིག་ཆོས་མི་ནི་སྟོན་བྱེད་ན། །གཞལ་མེད་ཁང་གནས་ལྷ་རྣམས་ཀྱིས། །མཐོང་ནས་མྱ་ངན་སྐྱེ་བར་འགྱུར། །ལྷ་རྒྱལ་འཁོར་བཅས་དེ་དག་གིས། །འདི་སྐད་དུ་ནི་སྨྲ་བར་འགྱུར། །རྒྱལ་
D555.089.0120b05.01འདིས་ཆོས་མིན་རབ་སྤྱད་ནས། །སྡིག་པའི་གྲོགས་པོ་བསྟེན་པས་ན། །རྒྱལ་སྲིད་ཡུན་རིང་བརྟན་མི་འགྱུར། །ལྷ་རྣམས་ཐམས་ཅད་རབ་མི་དགའ། །དེ་དག་ཁྲོས་པར་གྱུར་པའི་ཕྱིར། །ཡུལ་དེ་འཇིག་པར་འགྱུར་ཞེས་ཟེར། །ཆོས་མིན་མི་ནི་རབ་བརྟེན་པས། །
D555.089.0120b06.01ཡུལ་ཁམས་འཕེལ་བར་འགྱུར་བས་ན། །འཐབ་རྩོད་གཡོ་སྒྱུ་མང་པོར་འགྱུར། །རིམས་ནད་སྡུག་བསྔལ་མང་པོ་སྐྱེ། །ལྷ་ཡི་བདག་པོ་སྲུང་མི་བྱེད། །ལྷ་གཞན་ཐམས་ཅད་སྤོང་བར་བྱེད། །དེ་ཡི་ཡུལ་ནི་རང་ཞིག་ནས། །རྒྱལ་པོ་སྡུག་བསྔལ་མྱོང་བར་
D555.089.0120b07.01