完整藏文原文 · 德格版页 当前仅加载第 89 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་ཀྱིས་ནི། །བདག་གིས་བཤགས་པ་བཞེས་སུ་གསོལ། །བདག་གིས་བསྐལ་པ་མང་པོར་ནི། །ལས་ངན་མང་པོ་བགྱིས་པས་ན། །དེ་ཡི་དབང་གིས་སྡུག་བསྔལ་མྱོང་། །ཐུགས་རྗེས་བྱང་བར་མཛད་པར་སྨོན། །བདག་གིས་ལས་ངན་མང་
D555.089.0045a01.01བགྱིས་པ། །རྟག་ཏུ་མྱ་ངན་འཇིགས་སེམས་སྐྱེས། །སྤྱོད་ལམ་བཞི་པོ་ཀུན་ཏུ་ཡང་། །དགའ་བའི་འདུ་ཤེས་ཡོད་མ་མཆིས། །སངས་རྒྱས་ཐུགས་རྗེ་ཆེན་པོ་ལྡན། །སེམས་ཅན་འཇིགས་པ་སེལ་མཛད་ན། །བདག་གིས་བཤགས་པ་བཞེས་ནས་ནི། །མྱ་
D555.089.0045a02.01ངན་སྡུག་བསྔལ་བྲལ་བར་སྨོན། །བདག་ལ་ཉོན་མོངས་སྒྲིབ་པ་དང་། །རྣམ་སྨིན་ལས་ནི་ཅི་མཆིས་པ། །ཐུགས་རྗེ་ཆེན་པོའི་ཆབ་ཀྱིས་ནི། །རབ་བཀྲུས་བྱང་བར་མཛད་པར་སྨོན། །བདག་གིས་སྔོན་ཆད་སྡིག་པ་དང་། །ད་ལྟར་ལས་ངན་བགྱིས་པ་རྣམས། །
D555.089.0045a03.01རྩེ་གཅིག་སེམས་ཀྱིས་མནོལ་བཤགས་ན། །ཐམས་ཅད་རབ་ཏུ་བྱང་བར་ཤོག །མ་འོངས་པ་ཡི་ལས་ངན་རྣམས། །བསྡམས་ཏེ་སློང་བར་ཡོང་མི་བགྱིད། །གལ་ཏེ་འགལ་བ་མཆིས་ན་ཡང་། །ནམས་ཀྱང་འཆབ་པར་ཡོང་མི་བགྱིད། །ལུས་གསུམ་
D555.089.0045a04.01ངག་གི་རྣམ་པ་བཞི། །ཡིད་ཀྱི་ལས་ནི་རྣམ་པ་གསུམ། །སེམས་ཅན་རྣམས་ནི་འཆིང་བགྱིད་པས། །ཐོག་མ་མེད་ནས་རྒྱུན་མི་འཆད། །སྤྱོད་པ་འདི་གསུམ་དབང་གིས་ན། །མི་དགེ་ལས་བཅུ་བགྱིས་གྱུར་པས། །དེ་འདྲའི་ནོངས་པ་མང་པོ་རྣམས། །དེ་དག་
D555.089.0045a05.01ཐམས་ཅད་སོ་སོར་བཤགས། །བདག་གིས་ལས་ངན་མང་བགྱིས་པས། །སྡུག་བསྔལ་རྣམ་སྨིན་རང་ཉིད་མྱོང་། །སངས་རྒྱས་རྣམས་ཀྱི་སྤྱན་སྔར་ནི། །བསམ་པ་ཐག་པས་སོ་སོར་བཤགས། །འཛམ་བུའི་གླིང་ནི་འདི་དག་དང་། །འཇིག་རྟེན་ཁམས་ནི་གཞན་
D555.089.0045a06.01དག་ཏུ། །དགེ་བའི་ལས་མང་ཅི་མཆིས་པ། །དེང་བདག་ཐམས་ཅད་ཡི་རང་ངོ་། །མི་དགེ་ལས་བཅུ་རབ་སྤངས་ནས། །དགེ་བཅུ་ལམ་ནི་མངོན་བསྒྲུབས་ཏེ། །ས་བཅུ་དག་ལ་རབ་གནས་ནས། །ཕྱོགས་བཅུའི་སངས་རྒྱས་རྟག་མཐོང་སྨོན། །བདག་གིས་
D555.089.0045a07.01