完整藏文原文 · 德格版页 当前仅加载第 89 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏོ། །དེ་ནས་ཚོང་དཔོན་གྱི་བུ་ཆུ་འབེབས་སེམས་ཅན་བརྒྱ་སྟོང་ཚད་མེད་པ་དེ་དག་ནད་ཀྱི་སྡུག་བསྔལ་མྱོང་བར་གྱུར་པ་མཐོང་བ་དང་། སྙིང་རྗེ་ཆེན་པོའི་སེམས་བསྐྱེད་ནས་འདི་སྙམ་དུ་སེམས་ཅན་ཚད་མེད་པ་འདི་སྙེད་སྡུག་བསྔལ་མི་བཟད་པས་ཉོན་མོངས་པར་གྱུར་ཏེ། བདག་གི་ཕ་
D555.089.0130b01.01ཚོང་དཔོན་སྨན་དཔྱད་ལ་ཤིན་ཏུ་མཁས་ཤིང་ཤེས་པའི་ཡན་ལག་བརྒྱད་ལེགས་པར་ཁོང་དུ་ཆུད་དེ། འབྱུང་བ་ཆེན་པོ་བཞི་འཕེལ་ཞིང་འགྲིབ་པ་ལས་བྱུང་བའི་ནད་སྣ་ཚོགས་གསོ་བར་ནུས་ཀྱང་རྒས་འཁོགས་པས་ལུས་ཀྱི་ཉམ་ཆུང་ཞིང་དམའ་བ་དང་། འཁར་བ་ལ་བརྟེན་ནས་
D555.089.0130b02.01གདོད་འགྲོ་བས་གྲོང་དང་། གྲོང་ཁྱེར་དང་། གྲོང་རྡལ་རྣམས་སུ་སོང་ནས་ནད་ཀྱི་སྡུག་བསྔལ་རྣམས་ཡོངས་སུ་སྐྱོབ་པར་བྱེད་མི་ནུས་ལ། དེང་སེམས་ཅན་བརྒྱ་སྟོང་ཚད་མེད་པ་སྙེད་ནི་ནད་ཚབས་ཆེན་པོས་ཐེབས་པས་ཡོངས་སུ་སྐྱོབ་པར་ནུས་པ་མེད་ན། དེང་བདག་ཕ་སྨན་པ་
D555.089.0130b03.01ཆེན་པོའི་དྲུང་དུ་སོང་ལ་ནད་གསོ་བའི་སྨན་དཔྱད་གསང་བ་དྲིས་ཏེ། གལ་ཏེ་ཤེས་པར་གྱུར་ན་གྲོང་དང་། གྲོང་ཁྱེར་དང་། གྲོང་རྡལ་དག་ཏུ་སོང་ལ་སེམས་ཅན་རྣམས་ཀྱི་ནད་རྣམ་པ་སྣ་ཚོགས་གསོས་ཏེ་ཡུན་རིང་པོར་བདེ་བ་མྱོང་བར་བྱའོ་སྙམ་མོ། །དེ་ནས་ཚོང་དཔོན་གྱི་བུས་
D555.089.0130b04.01དེ་སྙམ་དུ་བསམས་ནས་ཕའི་ཐད་དུ་སོང་སྟེ། རྐང་པ་ལ་མགོ་བོས་གཏུགས་ནས་ཕྱག་བྱས་ཏེ་གུས་པས་ཐལ་མོ་སྦྱར་ནས་ཕྱོགས་གཅིག་ཏུ་འཁོད་དེ། ཚིགས་སུ་བཅད་པ་འདི་དག་གིས་ཕ་ལ་འདི་སྐད་ཅེས་དྲིས་སོ། །བདག་ནི་སེམས་ཅན་བསྐྱབ་པའི་སླད། །སྨན་དཔྱད་
D555.089.0130b05.01རྣམས་ནི་ཞུ་ལགས་ན། །བྱམས་པའི་ཡབ་ཀྱིས་བརྩེར་དགོངས་ཏེ། །བདག་ལ་བཀས་ནི་བཤད་དུ་གསོལ། །ཇི་ལྟར་ལུས་ནི་འཇིག་པ་ན། །འབྱུང་ཆེན་རྣམས་ནི་འཕེལ་འགྲིབ་འགྱུར། །གཞན་ཡང་དུས་ནི་གང་གི་ཚེ། །ནད་མང་རྣམས་ནི་སྐྱེ་འགྱུར་ལགས། །
D555.089.0130b06.01ཇི་ལྟར་ཟས་སྐོམ་འཚལ་འགྱུར་ན། །བདེ་བ་དག་ནི་མྱོང་འགྱུར་ཞིང་། །ལུས་ཀྱི་ནང་གི་མེ་ཡི་མཐུ། །ཉམས་ཤིང་གནོད་པར་མི་འགྱུར་ལགས། །སེམས་ཅན་ནད་ནི་བཞི་མཆིས་ཏེ། །རླུང་དང་མཁྲིས་པ་བད་ཀན་དང་། །ཀུན་འདུས་པ་ཡི་ནད་ལགས་ན། །དེ་དག་ཇི་
D555.089.0130b07.01