完整藏文原文 · 德格版页 当前仅加载第 89 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་སྩལ་ནས་ཡོངས་སུ་རྫོགས་པར་བགྱིད་དོ། །གཞན་ཡང་མདོ་སྡེའི་རྒྱལ་པོ་མཆོག་དམ་པ་འདི་གང་དུ་གནས་པ་དེར་སེམས་ཅན་རྣམས་ལ་རྒྱ་ཆེར་སྤེལ་ཞིང་མྱུར་དུ་ནུབ་པར་མི་འགྱུར་བར་བགྱིད་ལགས་སོ། །དེའི་ཚེ་བཅོམ་ལྡན་འདས་ཀྱིས་འཁོར་
D555.089.0099a01.01མང་པོའི་ནང་དུ་ཆོས་འདི་བསྟན་པ་ན་སེམས་ཅན་ཚད་མེད་པ་སྙེད་ཤེས་རབ་ཆེན་པོའི་སྤོབས་པ་ཐོབ་ནས་བསོད་ནམས་ཀྱི་ཕུང་པོ་ཚད་མེད་པ་སྙེད་ཡོངས་སུ་བསྡུས་ཏེ་མྱ་ངན་གྱི་གནོད་པ་དང་བྲལ་ནས་རབ་ཏུ་དགའ་བའི་སེམས་ཐོབ་པར་གྱུར་པས་བསྟན་བཅོས་སྣ་ཚོགས་ལ་རབ་ཏུ་
D555.089.0099a02.01མཁས་པ་དང་། ངེས་པར་འབྱུང་བའི་ལམ་ཐོབ་ནས་ཕྱིར་མི་ལྡོག་པར་གྱུར་པས་མྱུར་དུ་བྱང་ཆུབ་མངོན་པར་རྟོགས་པར་གྱུར་ཏོ། །གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་ལས་རྒྱལ་པོ་ཆེན་པོ་བཞི་པོ་དག་གིས་ཡུལ་བསྲུང་བའི་ལེའུ་སྟེ་བཅུ་
D555.089.0099a03.01གཉིས་པའོ།། །།གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ། བམ་པོ་བདུན་པ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཆོས་ཀྱི་རྣམ་གྲངས་མངོན་པར་ཞེན་པ་མེད་པའི་
D555.089.0099a04.01གཟུངས་ཞེས་བྱ་བ་ཡོད་དེ། དེ་ནི་བྱང་ཆུབ་སེམས་དཔའ་རྣམས་ཀྱིས་མངོན་པར་བསྒྲུབ་པར་བྱ་བའི་ཆོས། འདས་པའི་བྱང་ཆུབ་སེམས་དཔའ་རྣམས་ཀྱིས་ཡོངས་སུ་བཟུང་བ། བྱང་ཆུབ་སེམས་དཔའ་རྣམས་ཀྱི་མར་གྱུར་པ་ཡིན་ནོ། །ཞེས་བཀའ་སྩལ་པ་དང་།
D555.089.0099a05.01བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་ཞེས་བགྱི་བ་གང་གི་ཚིག་དང་དོན་གང་ཞིག་ལགས། བཅོམ་ལྡན་འདས་གཟུངས་ཞེས་བགྱི་བ་ནི་ཕྱོགས་དང་གནས་མ་ལགས་པ། ཕྱོགས་དང་གནས་མ་ལགས་པ་
D555.089.0099a06.01ཡང་མ་ལགས་སོ་ཞེས་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱོད་ཐེག་པ་ཆེན་པོ་ལ་ཡང་དག་པར་གཞོལ་ཞིང་། ཐེག་པ་ཆེན་པོ་ལ་མངོན་པར་ཡིད་ཆེས་ནས། ཐེག་པ་ཆེན་པོ་ལ་བླ་མར་བྱས་
D555.089.0099a07.01