完整藏文原文 · 德格版页 当前仅加载第 89 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ནམ་མཁའ་དག་ལ་བཞུགས། །ཤེལ་མཆོག་དམ་པའི་དྲ་བས་གསེར་སྐུ་བསྒྲིབས། །འོད་ཟེར་སྣ་ཚོགས་དག་གིས་རབ་ཏུ་བརྒྱན། །འཁོར་བའི་སྡུག་བསྔལ་ཆུ་བོའི་ནང་དུ་ནི། །རྒ་ནད་མྱ་ངན་ཆུ་ཡིས་དེད་པས་ན། །དེ་འདྲའི་སྡུག་བསྔལ་རྒྱ་མཚོ་བཟོད་དཀའ་བ། །
D555.089.0046a01.01སངས་རྒྱས་ཉི་མའི་འོད་ཀྱིས་གཏན་དུ་བསྐམས། །དེང་བདག་སྟོང་གསུམ་འཇིག་རྟེན་རྨད་བྱུང་གཙོ། །ཐམས་ཅད་མཁྱེན་པ་སྤྱི་བཏུད་ཕྱག་འཚལ་ལོ། །འོད་ཟེར་རབ་གསལ་གསེར་མདོག་འདྲ་བའི་སྐུ། །དཔེ་བྱད་དམ་པ་སྣ་ཚོགས་དག་གིས་བརྒྱན། །ཇི་ལྟར་རྒྱ་མཚོའི་ཆུ་ཚད་
D555.089.0046a02.01ཤེས་དཀའ་ཞིང་། །ས་ཆེན་རྡུལ་ནི་བགྲང་དུ་མ་མཆིས་དང་། །ཇི་ལྟར་རི་རབ་སྲང་གྲངས་གཞལ་དཀའ་ཞིང་། །ནམ་མཁའ་དག་ལ་མུ་མཐའ་མ་མཆིས་ལྟར། །སངས་རྒྱས་རྣམས་ཀྱི་ཡོན་ཏན་དེ་བཞིན་ཏེ། །སེམས་ཅན་ཐམས་ཅད་ཀུན་གྱིས་རིག་མི་འགྱུར། །བསྐལ་པ་
D555.089.0046a03.01ཚད་མེད་སྙེད་དུ་རབ་བསམས་ཀྱང་། །ཡོན་ཏན་རྒྱ་མཚོའི་ཕ་མཐའ་རྟོགས་མི་འགྱུར། །ས་ཆེན་འདི་ཡི་རི་བྲག་ཇི་སྙེད་པ། །རྡུལ་ཕྲན་བཞིན་དུ་གསེས་ཀྱང་བརྩིར་རུང་ཞིང་། །རྒྱ་མཚོའི་ཆབ་ནི་སྤུ་རྩེས་གཞལ་རུང་ཡང་། །སངས་རྒྱས་ཡོན་ཏན་བགྲང་བར་རྔོ་མི་ཐོགས། །
D555.089.0046a04.01སེམས་ཅན་ཐམས་ཅད་ལྷན་ཅིག་འདུས་ནས་ནི། །བཅོམ་ལྡན་གྲགས་པའི་ཆོས་ནི་ཐམས་ཅད་དང་། །མཚན་བཟང་རྣམ་དག་དཀོན་མཆོག་བསྔགས་བརྗོད་ཀྱང་། །དེ་ཡི་ཕ་མཐའ་དཔག་པར་ཡོངས་མི་འགྱུར། །བདག་གི་དགེ་བའི་ལས་མང་ཅི་མཆིས་པས། །མྱུར་
D555.089.0046a05.01དུ་བླ་ན་མ་མཆིས་གཙོ་གྲུབ་ནས། །ཡང་དག་ཆོས་བཤད་སྐྱེ་དགུ་ཕན་བཏགས་ཏེ། །ཐམས་ཅད་སྡུག་བསྔལ་མང་ལས་ཐར་བགྱིད་ཤོག །བདུད་ཀྱི་དམག་ཚོགས་སྟོབས་ཆེན་རབ་བཏུལ་ནས། །བླ་མེད་དམ་ཆོས་འཁོར་ལོ་བསྐོར་བར་ཤོག །བསྐལ་པ་གྲངས་མེད་བསམ་མི་
D555.089.0046a06.01ཁྱབ་གནས་ནས། །བདུད་རྩིའི་རོ་ཡིས་སེམས་ཅན་ཚིམ་བགྱིད་ཤོག །འདས་པའི་རྒྱལ་བ་རྣམས་ནི་ཇི་ལྟ་བཞིན། །ཕ་རོལ་ཕྱིན་དྲུག་ཡོངས་སུ་རྫོགས་བགྱིད་ཤོག །འདོད་ཆགས་ཞེ་སྡང་གཏི་མུག་ཞི་གྱུར་ནས། །ཉོན་མོངས་བཏུལ་ཏེ་སྡུག་བསྔལ་བསལ་བར་ཤོག །བདག་
D555.089.0046a07.01