完整藏文原文 · 德格版页 当前仅加载第 89 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཐལ་མོ་སྦྱར་ཏེ་མགོ་བོས་རིང་བསྲེལ་ལ་ཕྱག་བྱས་ནས། སྔོན་ཆད་ནམ་ཡང་དེ་ལྟ་བུ་མ་བྱུང་ངོ་ཞེས་བསྔགས་པ་བརྗོད་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་མདུན་དུ་འཕགས་ཏེ། བཅོམ་ལྡན་འདས་ཀྱི་ཞབས་ལ་ཕྱག་བྱས་ནས་བཅོམ་ལྡན་འདས་ལ་འདི་སྐད་
D555.089.0138b01.01ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་སྟོན་པ་ཆེན་པོ་ནི་ཐམས་ཅད་ལས་མངོན་པར་འཕགས་པ་ལགས་པས་སེམས་ཅན་ཀུན་གྱིས་བསྙེན་བཀུར་བགྱི་བ་ལགས་ན། རྒྱུ་དང་རྐྱེན་གང་གི་སླད་དུ་ལུས་ཀྱི་རུས་པ་འདི་ལ་ཕྱག་མཛད་ལགས། བཅོམ་ལྡན་འདས་
D555.089.0138b02.01ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ང་ནི་རུས་པ་འདིའི་རྒྱུས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་པས་སྔོན་གྱི་དྲིན་བསབ་པའི་ཕྱིར་དེང་ངས་ཕྱག་བྱས་པ་ཡིན་ནོ། །ཡང་ཚེ་དང་ལྡན་པ་ཀུན་
D555.089.0138b03.01དགའ་བོ་ལ་བཀའ་སྩལ་པ། ངས་དེང་ཁྱོད་དང་འཁོར་མང་པོའི་ཐེ་ཙོམ་དང་སོམ་ཉི་བཅད་པའི་ཕྱིར་རིང་བསྲེལ་འདིའི་སྔོན་གྱི་རྒྱུ་དང་རྐྱེན་གང་ཡིན་པ་ཡང་དག་པར་བཤད་ཀྱིས་ཁྱེད་ཅག་ལེགས་པར་ཡིད་ལ་བྱོས་ལ་སེམས་རྩེ་གཅིག་ཏུ་ཉོན་ཅིག །ཚེ་དང་ལྡན་པ་ཀུན་དགའ་བོས་
D555.089.0138b04.01གསོལ་བ། བདག་ཅག་ཤིན་ཏུ་ཐོས་པར་མོས་ལགས་ན་རྣམ་པར་ཕྱེ་སྟེ་བཀས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་སྔོན་བྱུང་བ་འདས་པའི་དུས་ཀྱི་ཚེ་ཡུལ་གཅིག་གི་རྒྱལ་པོ་ཤིང་རྟ་ཆེན་པོ་ཞེས་བྱ་བ་ཤིན་ཏུ་ཕྱུག་ཅིང་ནོར་མང་བ།
D555.089.0138b05.01བང་མཛོད་རྒྱས་པ། དམག་གི་དཔུང་རབ་ཏུ་དཔའ་བ། མང་པོ་ཀུན་གྱིས་བཀུར་ཞིང་ངག་ཉན་པ། རྟག་པར་ཡང་དག་པའི་ཆོས་ཀྱིས་སྐྱེ་བོ་འདུལ་བ། མི་རྣམས་དར་ཞིང་རྒྱས་པ། ཕྱིར་རྒོལ་བའི་དགྲ་མེད་པ་ཞིག་ཡོད་དེ། བཙུན་མོ་དམ་པ་བྱད་བཞིན་ཤིན་ཏུ་སྡུག་ཅིང་
D555.089.0138b06.01མཛེས་པ། མང་པོ་ཀུན་གྱིས་བལྟ་བར་མོས་པའི་བུ་གསུམ་ཡོད་དེ། བུ་ཆེན་པོའི་མིང་ནི་སྒྲ་ཆེན་པོ་ཞེས་བྱའོ། །བུ་འབྲིང་པོའི་མིང་ནི་ལྷ་ཆེན་པོ་ཞེས་བྱའོ། །བུ་ཐ་{ཆུངས་ཀྱི་,ཆུང་གི་}མིང་ནི་སེམས་ཅན་ཆེན་པོ་ཞེས་བྱའོ། །དེའི་ཚེ་རྒྱལ་པོ་ཆེན་པོ་དེ་རྩེ་ཞིང་ལྟད་མོ་བལྟ་བའི་ཕྱིར་རི་
D555.089.0138b07.01