完整藏文原文 · 德格版页 当前仅加载第 89 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་འགྱུར་རོ། །ཞེས་བྱར་མི་རུང་བ་དེ་བཞིན་དུ། ཆོས་ཀྱི་སྐུ་ཡང་སྡུག་བསྔལ་མང་པོ་ཐམས་ཅད་ཡོངས་སུ་ཟད་པར་གྱུར་པའི་ཕྱིར་རྣམ་པར་དག་པ་ཞེས་བརྗོད་ཀྱང་ངོ་བོ་ཉིད་མེད་པར་འགྱུར་རོ་ཞེས་བྱར་མི་རུང་ངོ་། །འདི་ལྟ་སྟེ་དཔེར་ན་སྐྱེས་བུ་ཞིག་གཉིད་
D555.089.0040a01.01ལོག་པའི་རྨི་ལམ་ན་ཆུ་ཆེན་པོས་ཁྱེར་བ་ལས་རྐང་ལག་བསྐྱོད་དེ་ལུས་དང་སེམས་ལེ་ལོ་མ་བྱས་པའི་ཕྱིར་ཆུ་བོ་ཐད་ཀར་བཅད་དེ་ཕ་རོལ་གྱི་འགྲམ་དུ་ཕྱིན་པར་མཐོང་བ་ལས་རྨི་ལམ་སད་ནས་ཆུ་བོ་དང་ཚུ་རོལ་དང་ཕ་རོལ་གྱི་འགྲམ་ཐ་དད་པར་འགྱུར་བ་མི་མཐོང་ཡང་སེམས་མེད་
D555.089.0040a02.01དོ་ཞེས་བྱར་མི་རུང་ངོ་། །འདི་ལྟ་སྟེ་དཔེར་ན་འཁོར་བའི་ཡང་དག་པ་མ་ཡིན་པའི་རྣམ་པར་རྟོག་པ་ཡོངས་སུ་ཟད་ནས་བློ་རྣམ་པར་དག་པར་གྱུར་ཀྱང་བློ་མེད་དོ་ཞེས་བྱར་མི་རུང་བ་དེ་བཞིན་དུ་ཆོས་ཀྱི་དབྱིངས་ཀྱང་ཡང་དག་པ་མ་ཡིན་པའི་རྣམ་པར་རྟོག་པ་ཐམས་ཅད་མི་སྐྱེ་བའི་ཕྱིར་
D555.089.0040a03.01རྣམ་པར་དག་པ་ཞེས་བརྗོད་ཀྱང་སངས་རྒྱས་རྣམས་ཀྱི་ཡང་དག་པའི་ངོ་བོ་ཉིད་མེད་ཅེས་བྱར་མི་རུང་ངོ་། །གཞན་ཡང་རིགས་ཀྱི་བུ་ཆོས་ཀྱི་སྐུ་གང་ཡིན་པ་དེ་ཉོན་མོངས་པའི་སྒྲིབ་པ་རྣམ་པར་དག་པར་གྱུར་པས་ནི་ལོངས་སྤྱོད་རྫོགས་པའི་སྐུ་སྟོན་པར་མཛད་དོ། །ལས་ཀྱི་
D555.089.0040a04.01སྒྲིབ་པ་རྣམ་པར་དག་པར་གྱུར་པས་ནི་སྤྲུལ་པའི་སྐུ་སྟོན་པར་མཛད་དོ། །ཤེས་བྱའི་སྒྲིབ་པ་རྣམ་པར་དག་པར་གྱུར་པའི་ཕྱིར་ནི་ཆོས་ཀྱི་སྐུ་སྟོན་པར་མཛད་དོ། །འདི་ལྟ་སྟེ་དཔེར་ན་ནམ་མཁའ་ལ་བརྟེན་ནས་ནི་གློག་འབྱུང་ལ། གློག་ལ་བརྟེན་ནས་ནི་འོད་འབྱུང་བ་དེ་བཞིན་དུ་
D555.089.0040a05.01ཆོས་ཀྱི་སྐུ་ལ་བརྟེན་པའི་ཕྱིར་ནི་ལོངས་སྤྱོད་རྫོགས་པའི་སྐུ་སྟོན་པར་མཛད་དོ། །ལོངས་སྤྱོད་རྫོགས་པའི་སྐུ་ལ་བརྟེན་ནས་ནི་སྤྲུལ་པའི་སྐུ་སྟོན་པར་མཛད་དོ། །རང་བཞིན་ཡོངས་སུ་དག་པར་གྱུར་པའི་ཕྱིར་ནི་ཆོས་ཀྱི་སྐུ་སྟོན་པར་མཛད་དོ། །ཤེས་རབ་རྣམ་པར་དག་པར་
D555.089.0040a06.01གྱུར་པས་ནི་ལོངས་སྤྱོད་རྫོགས་པའི་སྐུ་སྟོན་པར་མཛད་དོ། །ཏིང་ངེ་འཛིན་རྣམ་པར་དག་པར་གྱུར་པས་ནི་སྤྲུལ་པའི་སྐུ་སྟོན་པར་མཛད་དོ། །དེ་གསུམ་རྣམ་པར་དག་པར་གྱུར་པ་གང་ཡིན་པ་དེ་ནི་ཆོས་ཀྱི་དེ་བཞིན་ཉིད་དང་ཐ་མི་དད་དེ། དེ་བཞིན་ཉིད་དང་རོ་གཅིག་པའི་
D555.089.0040a07.01