完整藏文原文 · 德格版页 当前仅加载第 89 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བསམ་གྱིས་མི་ཁྱབ་པའི་སྨོན་ལམ་མཆོག་ཡོངས་སུ་རྫོགས་པར་འགྱུར་བས་ཡང་བྱང་ཆུབ་ཏུ་སེམས་བསྐྱེད་ནས། སོ་སོ་ནས་རང་གི་གོས་ཕུད་དེ་བྱང་ཆུབ་སེམས་དཔའ་ལ་མཆོད་པ་བྱས་ནས་མཆོག་ཏུ་བརྩོན་པའི་སེམས་བླ་ན་མེད་པ་བསྐྱེད་དེ། སྨོན་ལམ་འདི་སྐད་དུ་བདག་
D555.089.0082b01.01ཅག་བསོད་ནམས་ཀྱི་དགེ་བའི་རྩ་བ་ཅི་བསགས་པ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ཡོངས་སུ་བསྔོའོ། །ཞེས་སྨོན་ལམ་བཏབ་བོ། །ཚངས་པའི་རྒྱལ་པོ་དགེ་སློང་མང་པོ་འདི་དག་ནི་བསོད་ནམས་འདི་ལ་བརྟེན་ནས་ཇི་སྐད་བསྟན་
D555.089.0082b02.01པ་བཞིན་དུ་མངོན་པར་བསྒྲུབས་པས་བསྐལ་པ་ཆེན་པོ་དགུ་བཅུ་འདས་ནས་ཁོང་དུ་ཆུད་ཅིང་གོ་བར་འགྱུར་བས་འཁོར་བ་ལས་ངེས་པར་འབྱང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་དགེ་སློང་མང་པོ་དེ་དག་ལ་ཁྱེད་བསྐལ་པ་གྲངས་མེད་པ་སུམ་ཅུ་འདས་ནས་མངོན་
D555.089.0082b03.01པར་རྫོགས་པར་འཚང་རྒྱ་བར་འགྱུར་ཏེ། བསྐལ་པའི་མིང་ནི་རྒྱལ་བར་དཀའ་བའི་འོད་ཀྱི་རྒྱལ་པོ་ཞེས་བྱའོ། །ཞིང་གི་མིང་ནི་དྲི་མ་མེད་པའི་འོད་ཅེས་བྱ་སྟེ། དུས་གཅིག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བས་
D555.089.0082b04.01ཐམས་ཅད་མིང་མཐུན་པར་སྨོན་ལམ་གྱི་བཀོད་པས་བརྒྱན་པའི་རྒྱལ་པོ་ཞེས་བྱ་བར་འགྱུར་ཞིང་མཚན་རྣམ་པ་བཅུ་དང་ལྡན་པར་འགྱུར་རོ་ཞེས་ལུང་བསྟན་ཏོ། །ཚངས་པའི་རྒྱལ་པོ་གསེར་འོད་དམ་པ་ཤིན་ཏུ་གྱ་ནོམ་པའི་མདོ་སྡེ་འདི་གང་གིས་ཡང་དག་པར་མཉན་ནས་
D555.089.0082b05.01ཡོངས་སུ་འཛིན་པར་བྱེད་ན་གཟི་བྱིན་ཆེན་པོའི་སྟོབས་དང་ལྡན་པར་འགྱུར་བས་གང་ལ་ལ་ཞིག་གིས་བསྐལ་པ་ཆེན་པོ་བརྒྱ་སྟོང་དུ་མའི་བར་དུ་ཐབས་དང་མི་ལྡན་པར་ཕ་རོལ་ཏུ་ཕྱིན་པ་དྲུག་ཡོངས་སུ་སྤྱད་པ་ལས་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་གསེར་
D555.089.0082b06.01འོད་དམ་པའི་མདོ་སྡེ་འདི་ཡི་གེར་བྲིས་ནས་ཟླ་བ་ཕྱེད་ཕྱེད་ཅིང་སེམས་རྩེ་གཅིག་ཏུ་ཀློག་གམ། ཁ་ཏོན་དུ་འདོན་པར་བྱེད་ན་འདིའི་བསོད་ནམས་གང་ཡིན་པ་དེ་སྔ་མའི་བསོད་ནམས་དང་བསྐྲུན་ན་བརྒྱའི་ཆར་ཡང་ཉེ་བར་མི་འགྲོ་བ་ནས་བགྲང་བ་དང་དཔེ་དང་རྒྱུའི་བར་དུ་ཡང་ཉེ་བར་
D555.089.0082b07.01