完整藏文原文 · 德格版页 当前仅加载第 89 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཚངས་པའི་རྒྱལ་པོ་ཆེན་པོ་འདུག་པའི་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་ནས་གུས་པར་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས་སངས་རྒྱས་ལ་འདི་སྐད་ཅེས་
D555.089.0071a01.01གསོལ་ཏོ། །བཅོམ་ལྡན་འདས་གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་དཀོན་ཞིང་དཔག་ཏུ་མེད་པ་འདི་ཐོག་མ་དང་བར་མ་དང་ཐ་མར་དགེ་གཞུང་དང་ཚིག་འབྲུ་བཟང་པོ་སངས་རྒྱས་ཀྱི་ཆོས་ཐམས་ཅད་གྲུབ་པར་ནུས་པ་འདི་འཛིན་ཅིང་འཆང་བའི་
D555.089.0071a02.01མི་ནི་སངས་རྒྱས་ཐམས་ཅད་ལ་ལན་གློན་པ་ཞེས་བགྱིའོ། །སངས་རྒྱས་ཀྱིས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེ་དེ་བཞིན་ཏེ། དེ་དེ་བཞིན་ནོ། །ཁྱེད་ཀྱིས་སྨྲས་པ་བཞིན་ཏེ། རིགས་ཀྱི་བུ་མདོ་སྡེ་འདི་མཉན་ཅིང་ཐོས་པ་ནི་ཀུན་ཀྱང་བླ་ན་མེད་པ་ཡང་
D555.089.0071a03.01དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་གོ། །དེ་ཅིའི་ཕྱིར་ཞེ་ན། རིགས་ཀྱི་བུ་མདོ་སྡེ་འདིས་ནི་ཕྱིར་མི་ལྡོག་པའི་སའི་བྱང་ཆུབ་སེམས་དཔའ་མཆོག་གི་དགེ་བའི་རྩ་བ་སྨིན་ཅིང་གྲུབ་པར་ནུས་སོ། །འདི་ནི་མཆོག་གི་ཆོས་ཀྱི་ཕྱག་རྒྱའོ། །འདི་ནི་མདོ་སྡེ་ཐམས་
D555.089.0071a04.01ཅད་ཀྱི་རྒྱལ་པོ་སྟེ། མཉན་ཅིང་ཐོས་པ་དང་། འཆང་ཞིང་འཛིན་པ་དང་། ཀློག་ཅིང་འདོན་པར་བྱའོ། །དེ་ཅིའི་ཕྱིར་ཞེ་ན། རིགས་ཀྱི་བུ་སྐྱེ་བོ་རྣམས་དགེ་བའི་རྩ་བ་མ་སྐྱེད་པ། དགེ་བའི་རྩ་བ་མ་སྨིན་པ། སངས་རྒྱས་རྣམས་ལ་མ་བསྙེན་པས་ནི་མཆོག་གི་མདོ་སྡེ་
D555.089.0071a05.01འདི་མཉན་ཅིང་ཐོས་པར་མི་ནུས་སོ། །རིགས་ཀྱི་བུའམ། རིགས་ཀྱི་བུ་མོ་ལ་ལས་ཉན་ཅིང་འཆང་ན་སྡིག་པ་མི་དགེ་བའི་ལས་ཀྱི་སྒྲིབ་པ་ཐམས་ཅད་བྱང་ཞིང་ཟད་ནས་མཆོག་ཏུ་རྣམ་པར་དག་ཅིང་རྟག་པར་སངས་རྒྱས་མཐོང་ནས་སངས་རྒྱས་རྣམས་དང་། དགེ་བའི་
D555.089.0071a06.01བཤེས་གཉེན་མཆོག་ཏུ་སྤྱོད་པའི་མིང་དང་མི་འབྲལ་ཞིང་རྟག་པར་དམ་པའི་ཆོས་ཐོས་ནས་ཕྱིར་མི་ལྡོག་པའི་ས་ལ་གནས་པ་དང་། མཆོག་གི་གཟུངས་ཀྱི་སྒོ་མི་ཟད་མི་འགྲིབ་པར་ཐོབ་པར་འགྱུར་ཏེ། འདི་ལྟ་སྟེ། རྒྱ་མཚོའི་ཕྱག་རྒྱ་མཆོག་གི་ཡོན་ཏན་འབྱུང་བའི་
D555.089.0071a07.01