完整藏文原文 · 德格版页 当前仅加载第 89 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་ཡོངས་སུ་བསྐོར་བ། ཆོས་ཀྱི་འཁོར་ལོ་འཛིན་ཅིང་གསལ་བར་མཛད་པ། ཆོས་ཀྱི་ཆར་ཆེན་པོ་ཕབ་པ། ཆོས་ཀྱི་རྔ་ཆེན་པོ་བརྡུང་བ། ཆོས་ཀྱི་དུང་ཆེན་པོ་བུས་པ། ཆོས་ཀྱི་རྒྱལ་མཚན་ཆེན་པོ་བཙུགས་པ། ཆོས་ཀྱི་སྒྲོན་མ་ཆེན་པོ་འཛིན་པ། ཐམས་
D555.089.0049a01.01ཅད་སེམས་ཅན་རྣམས་ལ་སྨན་ཅིང་བདེ་བར་མཛད་པའི་སླད་དུ་རྟག་པར་ཆོས་ཀྱི་སྦྱིན་པ་གཏོང་བ། སྐྱེ་དགུ་རྨོངས་པ་རྣམས་དྲངས་ནས་འབྲས་བུ་ཆེན་པོ་ཐོབ་པ་ལ་བཀོད་དེ། རྟག་ཏུ་བདེ་བ་མངོན་སུམ་དུ་མཛད་པར་བཞེད་པ་དེ་ལྟ་བུའི་སངས་རྒྱས་བཅོམ་ལྡན་འདས་རྣམས་ལ་
D555.089.0049a02.01སྐྱབས་སུ་མཆི་སྟེ་མགོ་བོས་ཕྱག་འཚལ་ལོ། །སངས་རྒྱས་བཅོམ་ལྡན་འདས་གང་དག་ཡང་དག་པའི་ཤེས་རབ་དང་། ཡང་དག་པའི་སྤྱན་དང་། ཡང་དག་པའི་མཁྱེན་པ་དང་། ཡང་དག་པའི་མཉམ་པས་སེམས་ཅན་གྱི་དགེ་སྡིག་གི་ལས་མཁྱེན་ཅིང་གཟིགས་པ་
D555.089.0049a03.01ཐམས་ཅད་ལ་ལུས་དང་ངག་དང་ཡིད་ཀྱིས་སེམས་རྩེ་གཅིག་ཏུ་སྤྱི་བོས་བཏུད་དེ་གུས་པར་ཕྱག་འཚལ་ལོ། །བདག་གིས་ཐོག་མ་མ་མཆིས་པའི་དུས་ནས་སྡིག་པའི་རྗེས་སུ་འབྲངས་ཏེ་སེམས་ཅན་རྣམས་དང་ལྷན་ཅིག་ཏུ་ལས་ཀྱི་སྒྲིབ་པ་ཁ་ན་མ་ཐོ་བ་བགྱིས་པ་དང་། འདོད་
D555.089.0049a04.01ཆགས་དང་། ཞེ་སྡང་དང་། གཏི་མུག་གིས་ཀུན་དུ་དཀྲིས་ཤིང་བཅིངས་པས་སངས་རྒྱས་མ་འཚལ་བའི་དུས་དང་། ཆོས་མ་འཚལ་བའི་དུས་དང་། དགེ་འདུན་མ་འཚལ་བའི་དུས་ན་དགེ་སྡིག་མ་འཚལ་བའི་དབང་གིས་ལུས་དང་ངག་དང་ཡིད་ཀྱི་སྒོ་ནས་
D555.089.0049a05.01མཚམས་མ་མཆིས་པ་ངན་སེམས་ཀྱིས་དེ་བཞིན་གཤེགས་པའི་སྐུ་ལ་མཚལ་ཕྱུང་བ་དང་། ཡང་དག་པའི་ཆོས་ལ་སྐུར་པ་བཏབ་པའམ། དགེ་འདུན་མཐུན་པའི་དབྱེན་བགྱིས་པ་དང་། དགྲ་བཅོམ་པ་བཀུམ་པའམ། ཕ་མ་བཀུམ་བའམ། ལུས་ཀྱི་རྣམ་པ་
D555.089.0049a06.01གསུམ་དང་། ངག་གི་རྣམ་པ་བཞི་དང་། ཡིད་ཀྱི་སྤྱོད་པ་རྣམ་པ་གསུམ་གྱི་དབང་གིས་མི་དགེ་བ་བཅུའི་ལས་བདག་ཉིད་ཀྱིས་བགྱིས་པ་དང་། གཞན་བགྱིད་དུ་སྩལ་བ་དང་། གཞན་བགྱིད་པ་ལ་རྗེས་སུ་ཡི་རང་བ་དང་། དགེ་བའི་གང་ཟག་རྣམས་ལ་ནན་གྱིས་སྐུར་པ་
D555.089.0049a07.01