完整藏文原文 · 德格版页 当前仅加载第 89 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་གྱི་ལྷ་མོ་ཆེན་མོ་དང་། །འདི་ལ་སོགས་པ་ལྷ་ཡི་གཙོ། །སོ་སོར་ལྷ་ཚོགས་ཁྲིད་ནས་ནི། །སངས་རྒྱས་རྣམས་ལ་མཆོད་པར་བྱེད། །དཀོན་མཆོག་ཆོས་ནི་བསམ་མི་ཁྱབ། །རྟག་པར་དགའ་བའི་སེམས་ཀྱིས་ནི། །མདོ་སྡེ་ལ་ནི་བཀུར་སྟི་
D555.089.0126a01.01བྱེད། །འདི་ལ་སོགས་པའི་ལྷ་མང་པོ། །ཐམས་ཅད་ལྷན་ཅིག་འགྲོགས་ནས་ནི། །བསོད་ནམས་སྒྲུབ་པ་རྣམ་བལྟས་ནས། །ལྷན་ཅིག་འདི་སྐད་སྨྲ་བར་བྱེད། །སེམས་ཅན་འདི་དག་རབ་ཏུ་ལྟོས། །བསོད་ནམས་ཡོན་ཏན་ཆེ་ལྡན་ཞིང་། །དགེ་རྩ་བརྩོན་འགྲུས་
D555.089.0126a02.01སྟོབས་ཀྱིས་ནི། །བདག་ཅག་ལྷ་གནས་སྐྱེ་འགྱུར་ཟེར། །མདོ་སྡེ་ཟབ་མོ་མཉན་པའི་ཕྱིར། །གུས་པའི་སེམས་ཀྱིས་དེར་འོངས་ནས། །ཡང་དག་ཆོས་ནི་བཀུར་བའི་ཕྱིར། །ཆོས་ཀྱི་མཆོད་རྟེན་མཆོད་པར་བྱེད། །སེམས་ཅན་ཀུན་ལ་སྙིང་བརྩེ་བས། །ཕན་པ་ཆེན་པོ་
D555.089.0126a03.01བྱེད་པས་ན། །མདོ་སྡེ་ཟབ་མོ་འདི་དག་གི། །ཆོས་ཀྱི་རིན་ཆེན་སྣོད་ཀྱང་བྱེད། །ཆོས་ཀྱི་སྒོ་འདིར་གང་ཞུགས་པ། །ཆོས་ཉིད་ལ་ནི་འཇུག་འགྱུར་བས། །མདོ་སྡེ་གསེར་འོད་དམ་པ་འདི། །རྩེ་གཅིག་སེམས་ཀྱིས་མཉན་པར་བྱ། །སངས་རྒྱས་བརྒྱ་སྟོང་ཚད་མེད་ལ། །
D555.089.0126a04.01གང་ཟག་དེ་དག་མཆོད་པས་ན། །དགེ་བའི་རྩ་བ་དེ་དབང་གིས། །མདོ་སྡེ་འདི་ནི་ཐོས་པ་ཡིན། །འདི་ལྟར་ལྷ་ཡི་བདག་པོ་དང་། །ལྷ་མོ་སྤོབས་པ་ཆེན་མོ་དང་། །དཔལ་གྱི་ལྷ་མོ་དེ་དང་ནི། །རྒྱལ་ཆེན་རིས་བཞིའི་ལྷ་རྣམས་དང་། །གནོད་སྦྱིན་འཁོར་ནི་གྲངས་མེད་པ། །
D555.089.0126a05.01དཔའ་ཞིང་རྫུ་འཕྲུལ་ལྡན་པ་རྣམས། །སོ་སོར་ཕྱོགས་བཞི་དག་ནས་ནི། །རྟག་ཏུ་འོངས་ནས་སྐྱོབ་པར་བྱེད། །ཉི་ཟླ་བརྒྱ་བྱིན་ལྷ་དབང་དང་། །རླུང་དང་ཆུ་དང་མེ་ཡི་ལྷ། །ཁྱབ་འཇུག་དང་ནི་ཕྲག་ཆེན་དང་། །གཤིན་རྗེ་སྤོབས་པ་ལྷ་མོ་དང་། །འཇིག་རྟེན་མགོན་པོ་ལ་
D555.089.0126a06.01སོགས་པ། །རབ་དཔལ་གཟི་ལྡན་ཐམས་ཅད་ཀུན། །མདོ་སྡེ་འཛིན་པ་སྲུང་བྱེད་པས། །ཉིན་མཚན་རྟག་པར་ཡོང་མི་འབྲལ། །གནོད་སྦྱིན་རྒྱལ་པོ་སྟོབས་པོ་ཆེ། །མཐུ་ཆེན་དང་ནི་དབང་ཕྱུག་དང་། །གཙོ་བོ་ཡང་དག་ཤེས་ལ་སོགས། །གནོད་སྦྱིན་ཉི་ཤུ་རྩ་བརྒྱད་
D555.089.0126a07.01