完整藏文原文 · 德格版页 当前仅加载第 89 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་སྤྱོད་ཡུལ་ཐམས་ཅད་ལ་ཐོགས་པ་མེད་ཅིང་གནས་ཐམས་ཅད་དུ་རང་དབང་ཐོབ་ནས་དབང་བསྐུར་བའི་སར་ཕྱིན་པར་བྱེད་པའི་ཕྱིར་འདི་ནི་བཅུ་པ་ཡེ་ཤེས་ཀྱི་ཕ་རོལ་ཏུ་ཕྱིན་པའི་རྒྱུ་ཞེས་བྱ་སྟེ། འདི་ལྟ་བུའི་རྒྱུ་བཅུ་ལ་ཁྱེད་ཀྱིས་རབ་ཏུ་བརྩོན་པས་བསླབ་པར་བྱའོ། །རིགས་ཀྱི་བུ་བྱང་
D555.089.0062b01.01ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་རྣམ་པ་ལྔ་ལ་བརྟེན་ནས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ལྔ་གང་ཞེ་ན། དད་པའི་དབང་པོ་དང་། སྙིང་རྗེ་དང་། འདོད་པ་ཡོངས་སུ་ཚོལ་བའི་སེམས་མེད་པ་དང་། སེམས་ཅན་ཐམས་
D555.089.0062b02.01ཅད་ཡོངས་སུ་སྡུད་པ་དང་། ཐམས་ཅད་མཁྱེན་པའི་ཡེ་ཤེས་ཡོངས་སུ་ཚོལ་བ་གང་ཡིན་པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཞེས་བྱའོ། །རིགས་ཀྱི་བུ་ཡང་བྱང་ཆུབ་སེམས་
D555.089.0062b03.01དཔའ་སེམས་དཔའ་ཆེན་པོ་རྣམས་ནི་ཆོས་རྣམ་པ་ལྔ་ལ་བརྟེན་ནས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ལྔ་གང་ཞེ་ན། ལས་རྣམ་པ་གསུམ་ཡོངས་སུ་དག་པར་གྱུར་པ་དང་། སེམས་ཅན་ཐམས་ཅད་ཀྱི་ཉོན་མོངས་པའི་རྒྱུ་དང་རྐྱེན་མངོན་པར་འདུ་
D555.089.0062b04.01མི་བྱེད་པ་དང་། ངན་འགྲོའི་སྒོ་རྣམས་གཅོད་ཅིང་བདེ་འགྲོའི་སྒོ་འབྱེད་པ་དང་། ཉན་ཐོས་དང་རང་སངས་རྒྱས་ཀྱིས་ལས་ཡང་དག་པར་འདའ་བ་དང་། བསོད་ནམས་ཐམས་ཅད་ཡོངས་སུ་རྫོགས་པར་བྱེད་པ་གང་ཡིན་པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་
D555.089.0062b05.01དཔའ་སེམས་དཔའ་ཆེན་པོ་རྣམས་ཀྱི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཞེས་བྱའོ། །རིགས་ཀྱི་བུ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་རྣམ་པ་ལྔ་ལ་བརྟེན་ནས་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །
D555.089.0062b06.01ལྔ་གང་ཞེ་ན། འདོད་ཆགས་དང་། ཞེ་སྡང་གི་ཉོན་མོངས་པ་གདུལ་བར་ནུས་པ་དང་། ལུས་དང་སྲོག་ལ་ཕངས་པ་མེད་པར་བདེ་བ་ཡོངས་སུ་མི་ཚོལ་ཞིང་འདུ་ཤེས་ཉེ་བར་ཞི་བར་བྱེད་པ་དང་། སྔོན་གྱི་ལས་ལ་བསམས་ནས་སྡུག་བསྔལ་དང་ཕྲད་པར་གྱུར་ན་ཡང་དང་དུ་ལེན་
D555.089.0062b07.01