完整藏文原文 · 德格版页 当前仅加载第 89 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་རྫོགས་པར་བྱེད་པ་ཞེས་བྱའོ། །རིགས་ཀྱི་བུ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་རྣམ་པ་ལྔ་ལ་བརྟེན་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ལྔ་གང་ཞེ་ན། རྟག་པར་སངས་རྒྱས་དང་བྱང་ཆུབ་སེམས་དཔའ་དང་། གསལ་
D555.089.0063b01.01ཞིང་ཐབས་མཁས་པ་ཐམས་ཅད་ལ་མཆོད་ཅིང་ཉེ་བར་བརྟེན་ནས་ཡོངས་སུ་སྐྱོ་བ་མི་སྐྱེད་ཅིང་རྒྱབ་ཀྱིས་ཕྱོགས་པར་མི་བྱེད་པ་དང་། དེ་བཞིན་གཤེགས་པ་རྣམས་ཀྱིས་ཆོས་ཟབ་མོ་བཤད་པ་དེ་དག་སེམས་ཀྱིས་རྟག་ཏུ་ཐོས་པར་མོས་ཤིང་ཡོངས་སུ་མི་སྐྱོ་བ་དང་། ཆོག་པའི་བསམ་
D555.089.0063b02.01པ་མེད་པ་དང་། དོན་དམ་པ་དང་། ཀུན་རྫོབ་ཀྱི་ཤེས་རབ་དམ་པས་རབ་ཏུ་རྣམ་པར་འབྱེད་པར་མོས་པ་དང་། བསྒོམས་པས་སྤང་བར་བྱ་བའི་ཉོན་མོངས་པ་ཐམས་ཅད་མྱུར་དུ་སྤོང་བ་དང་། འཇིག་རྟེན་པའི་མཁྱུད་དཔྱད་དང་། རིག་པའི་གནས་ལྔའི་ཆོས་ཐམས་ཅད་མངོན་
D555.089.0063b03.01པར་རྟོགས་པ་གང་ཡིན་པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཞེས་བྱའོ། །རིགས་ཀྱི་བུ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་རྣམ་པ་ལྔ་ལ་
D555.089.0063b04.01བརྟེན་ནས་ཐབས་མཁས་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ལྔ་གང་ཞེ་ན། སེམས་ཅན་ཐམས་ཅད་ཀྱི་མོས་པ་དང་། ཉོན་མོངས་པ་དང་། སེམས་ཀྱི་སྤྱོད་པའི་བྱེ་བྲག་ཐམས་ཅད་རྟོགས་པར་ཁོང་དུ་ཆུད་པ་དང་། ཆོས་ཚད་མེད་པ་རྣམས་ཀྱི་གཉེན་པོའི་
D555.089.0063b05.01སྒོ་ཐམས་ཅད་སེམས་ཀྱིས་གསལ་བར་རྟོགས་པ་དང་། བྱམས་པ་དང་། སྙིང་རྗེ་ཆེན་པོའི་ཏིང་ངེ་འཛིན་ལས་འབྱུང་ཞིང་འཇུག་པ་དག་ལ་རང་དབང་ཐོབ་པ་དང་། ཕ་རོལ་ཏུ་ཕྱིན་པ་རྣམས་བསྒོམས་ནས་ཡོངས་སུ་སྨིན་ཅིང་ཕུན་སུམ་ཚོགས་པར་བྱ་བར་མོས་པ་དང་།
D555.089.0063b06.01སངས་རྒྱས་ཀྱི་ཆོས་ཐམས་ཅད་མ་ལུས་པར་ཡོངས་སུ་བསྡུས་ནས་མངོན་པར་རྟོགས་པར་སྨོན་པ་གང་ཡིན་པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐབས་མཁས་པ་ཡེ་ཤེས་དམ་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་
D555.089.0063b07.01