完整藏文原文 · 德格版页 当前仅加载第 89 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་ཚངས་པའི་རྒྱལ་པོ་ཆེན་པོ་བཅོམ་ལྡན་འདས་ཀྱིས་ཇི་སྐད་གསུངས་པ་ལྟར་ན་འདི་ནི་ཡང་དག་པར་ཤིན་ཏུ་ཟབ་པ་ཡིན་པས་སོ་སོའི་སྐྱེ་བོ་ཐམས་ཅད་ཀྱིས་དེའི་དོན་ཤེས་པར་མི་འགྱུར་གྱི་འདི་ནི་འཕགས་པའི་སྤྱོད་ཡུལ་ཡིན་པས་ཤིན་ཏུ་གྱ་ནོམ་ཞིང་ཤེས་པར་དཀའ་
D555.089.0080a01.01བ་ཡིན་ནོ། །གལ་ཏེ་དེང་བདག་གིས་ཆོས་འདི་ལ་བརྟེན་ནས་བདེ་བར་གནས་པར་ཐོབ་པ་བདེན་ཏེ་མི་རྫུན་པར་གྱུར་ན་དུས་ངན་པའི་སྙིགས་མ་ལྔའི་སེམས་ཅན་ཚད་མེད་གྲངས་མེད། མཐའ་མེད་པ་ཐམས་ཅད་གསེར་གྱི་ཁ་དོག་ཏུ་གྱུར་ནས་མཚན་སུམ་ཅུ་རྩ་གཉིས་དང་ལྡན་ཏེ་
D555.089.0080a02.01སྐྱེས་པ་ཡང་མ་ཡིན་བུད་མེད་ཀྱང་མ་ཡིན་པར་གྱུར་ནས་རིན་པོ་ཆེའི་པདྨ་ལ་འདུག་སྟེ་བདེ་བ་ཚད་མེད་པ་མྱོང་བ་དང་། ལྷའི་མེ་ཏོག་དམ་པའི་ཆར་མངོན་པར་འབབ་པ་དང་། ལྷའི་རོལ་མོའི་ཆ་བྱད་རྣམས་མ་དཀྲོལ་བར་རང་སྒྲ་འབྱུང་བ་དང་། མཆོད་པའི་ཡོ་བྱད་ཐམས་ཅད་ཕུན་
D555.089.0080a03.01སུམ་ཚོགས་པར་གྱུར་ཅིག །ཅེས་དེའི་ཚེ་རིགས་ཀྱི་ལྷ་མོས་དེ་སྐད་ཅེས་སྨྲས་མ་ཐག་ཏུ་དུས་ངན་པའི་སྙིགས་མ་ལྔའི་སེམས་ཅན་ཇི་སྙེད་པ་ཐམས་ཅད་གསེར་གྱི་ཁ་དོག་ཏུ་གྱུར་ནས་སྐྱེས་བུ་ཆེན་པོའི་མཚན་དང་ལྡན་ཏེ་སྐྱེས་པ་ཡང་མ་ཡིན་བུད་མེད་ཀྱང་མ་ཡིན་པར་གྱུར་ནས་རིན་པོ་
D555.089.0080a04.01ཆེའི་པདྨ་ལ་འདུག་སྟེ་བདེ་བ་ཚད་མེད་པ་དག་ལ་ལོངས་སྤྱོད་པར་གྱུར་པས་གཞན་འཕྲུལ་དབང་བྱེད་ཀྱི་ལྷའི་གཞལ་མེད་ཁང་ཇི་ལྟ་བ་བཞིན་དུ་ངན་འགྲོ་རྣམས་ཀྱང་མེད་དེ། རིན་པོ་ཆེའི་ལྗོན་ཤིང་ཕྲེད་དུ་དཀྲིས་ཤིང་རིན་པོ་ཆེ་སྣ་བདུན་གྱི་མེ་ཏོག་གིས་འཇིག་རྟེན་གྱི་ཁམས་ཀུན་ཏུ་
D555.089.0080a05.01གང་བར་གྱུར་ཏོ། །གཞན་ཡང་ལྷའི་རིན་པོ་ཆེ་སྣ་བདུན་གྱི་མེ་ཏོག་གི་ཆར་ཡང་མངོན་པར་ཕབ། ལྷའི་རོལ་མོ་རྣམས་ཀྱང་བྱས་ཏེ། རིགས་ཀྱི་ལྷ་མོ་ཡིད་བཞིན་རིན་ཆེན་འོད་འཕྲོ་ཡང་བུད་མེད་ཀྱི་ལུས་ཡོངས་སུ་བསྒྱུར་ནས་ཚངས་པའི་ལྷའི་ལུས་སུ་གྱུར་ཏོ། །དེ་ནས་ཚངས་པའི་
D555.089.0080a06.01རྒྱལ་པོ་ཆེན་པོས་བྱང་ཆུབ་སེམས་དཔའ་ཡིད་བཞིན་རིན་ཆེན་འོད་འཕྲོ་ལ་འདི་སྐད་ཅེས་སྨྲས་སོ། །ཁྱོད་ཇི་ལྟར་བྱང་ཆུབ་ཀྱི་སྤྱད་པ་ཡོངས་སུ་སྤྱོད་པར་བྱེད། སྨྲས་པ། ཀྱེ་ཚངས་པའི་རྒྱལ་པོ་གལ་ཏེ་ཆུའི་ཟླ་བ་བྱང་ཆུབ་ཀྱི་སྤྱད་པ་སྤྱོད་པར་བྱེད་ན་བདག་ཀྱང་བྱང་ཆུབ་ཀྱི་སྤྱད་པ་
D555.089.0080a07.01