完整藏文原文 · 德格版页 当前仅加载第 89 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལོངས་སྤྱོད་མཆོག་ལ་ཡོངས་སུ་ལོངས་སྤྱོད་པར་འགྱུར་ལགས་སོ། །དེ་ལྟར་འབྲས་བུ་རྣམ་པར་སྨིན་པ་མཆོག་དམ་པ་ཐོབ་ནས་ཀྱང་སྐལ་བ་མཆོག་གང་ལགས་པ་དེས་དཀོན་མཆོག་གསུམ་ལ་མཆོད་ཅིང་བདག་ལ་ཡང་སྩལ་བར་བགྱིའོ། །ཆོས་ཀྱི་
D555.089.0114a01.01འདུས་པ་རྒྱ་ཆེར་བཤམས་ནས་བཟའ་བ་དང་བཏུང་བ་རྣམས་སྦྱར་ཏེ། སྤོས་དང་མེ་ཏོག་གཅལ་དུ་བཀྲམ་ནས་མཆོད་པར་བགྱིའོ། །མཆོད་པ་བགྱིས་ནས་མཆོད་པར་བགྱིས་པའི་ཟས་ལྷག་མ་ཅི་མཆིས་པ་བཙོངས་ཏེ། རིན་བླངས་ནས་ཡང་མཆོད་པར་བགྱིད་ན་བདག་ནམ་འཚོའི་
D555.089.0114a02.01བར་དུ་རྟག་ཏུ་དེ་ན་གནས་ནས་གང་ཟག་དེ་ལ་བསྲུང་ཞིང་བསྐྱབ་པ་དང་། ཕོངས་ཤིང་བྲེལ་བ་མ་མཆིས་པ་དང་སྨོན་པ་རྣམས་ཡིད་བཞིན་དུ་འགྲུབ་པར་བགྱིད་དོ། །དུས་དུས་སུ་དབུལ་ཕོངས་པ་རྣམས་ལ་ཡང་སྩལ་བར་བགྱི་ཞིང་བདག་གཅིག་པུའི་ཆེད་དུ་སེར་སྣས་ཕངས་པར་མི་
D555.089.0114a03.01བགྱིའོ། །རྟག་པར་མདོ་སྡེ་འདི་བཀླགས་ནས་རྒྱུན་འཆད་པ་མ་མཆིས་པར་མཆོད་པར་བགྱི་སྟེ། བསོད་ནམས་ཅི་མཆིས་པ་དེ་ཡང་ཐམས་ཅད་ལ་གཏོང་ཞིང་བྱང་ཆུབ་ཏུ་ཡོངས་སུ་བསྔོས་ནས་འཁོར་བ་ལས་ངེས་པར་འབྱུང་ཞིང་མྱུར་དུ་རྣམ་པར་གྲོལ་བ་ཐོབ་པར་འགྱུར་བར་སྨོན་པར་
D555.089.0114a04.01བགྱིའོ། །དེ་ནས་བཅོམ་ལྡན་འདས་ཀྱིས་དཔལ་གྱི་ལྷ་མོ་ལ་ཁྱོད་ཀྱིས་དེ་ལྟར་མདོ་སྡེ་འདི་རྒྱ་ཆེར་སྤེལ་ནས་བདག་དང་གཞན་གཉིས་ཀ་ལ་ཕན་པ་བསམ་གྱིས་མི་ཁྱབ་པ་བྱས་པ་ལེགས་སོ་ལེགས་སོ་ཞེས་བསྔགས་པ་བརྗོད་པར་གྱུར་ཏོ། །གསེར་འོད་དམ་པ་མཆོག་ཏུ་རྣམ་པར་
D555.089.0114a05.01རྒྱལ་བ་མདོ་སྡེའི་རྒྱལ་པོ་ལས་དཔལ་གྱི་ལྷ་མོ་ཆེན་མོས་ནོར་འཕེལ་བར་བྱེད་པའི་ལེའུ་སྟེ་བཅུ་བདུན་པའོ།། །།དེ་ནས་སའི་ལྷ་མོ་བརྟན་མ་འཁོར་མང་པོའི་ནང་ནས་སྟན་ལས་ལངས་ཏེ་གུས་པས་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D555.089.0114a06.01བཅོམ་ལྡན་འདས་གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་འདི་ད་ལྟར་རམ། སླད་མའི་དུས་ཀྱི་ཚེ་གལ་ཏེ་གྲོང་ངམ། གྲོང་ཁྱེར་རམ། གྲོང་རྡལ་ལམ། རྒྱལ་པོའི་ཕོ་བྲང་ངམ། དགོན་པའི་གནས་སམ། རི་འམ། ཕུག་གམ། ནགས་ཚལ་དག་
D555.089.0114a07.01