完整藏文原文 · 德格版页 当前仅加载第 56 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་འདི་ལྟ་བུ་འདི་ཡང་དག་པར་བསྟན་པ་དང་། རྣམ་པར་དབྱེ་བ་དང་། ཡང་དག་པར་བསྒྲགས་པར་བྱ་བ་ཡང་ནུས་པར་འགྱུར་རོ། །བཟང་སྐྱོང་བྱང་ཆུབ་སེམས་དཔའ་རྣམས་ལ་བརྩོན་འགྲུས་ཀྱི་གནས་འདི་དག་ནི་ཡོད་དེ། བྱང་ཆུབ་སེམས་དཔའ་རྣམས་བརྩོན་འགྲུས་ཀྱི་བྱིན་
D133.056.0068b01.01གྱི་རླབས་ཀྱིས། སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་སྨིན་པར་བྱ་བའི་ཕྱིར་སྨོན་ལམ་ལ་འཇུག་པར་འགྱུར་རོ། །བཟང་སྐྱོང་གང་ཞིག་ཕྱི་མའི་ཚེ་ཕྱི་མའི་དུས་དེར་ཆོས་འདི་དག་འཇོག་པར་བྱེད། ཡང་དག་པར་འཛིན་པར་འགྱུར་བའི་རིགས་ཀྱི་བུའམ་རིགས་ཀྱི་བུ་མོ་དེ་དག་ནི།
D133.056.0068b02.01སེམས་ཅན་ཐམས་ཅད་ལ་ཕན་པ་དང་། སེམས་ཅན་ཐམས་ཅད་ཡོངས་སུ་གཟུང་བ་དང་། སེམས་ཅན་ཐམས་ཅད་ཡང་དག་པར་གཟུང་བའི་ཕྱིར་ཞུགས་པ་ཡིན་ཏེ། དེ་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཡོངས་སུ་གཟུང་བར་
D133.056.0068b03.01འགྱུར་རོ། །བྱང་ཆུབ་སེམས་དཔའ་དེ་འཇིག་རྟེན་གྱི་ཁམས་གཞན་ན་འདུག་ཀྱང་འཇིག་རྟེན་གྱི་ཁམས་གཞན་ན་བཞུགས་པའི་སངས་རྒྱས་བཅོམ་ལྡན་འདས་རྣམས་ཀྱིས་དགོངས་པར་འགྱུར་རོ། །དེ་ནི་ཆོས་འདོད་པ་དང་། ཆོས་དོན་དུ་གཉེར་བ་དང་། ཆོས་བསྒྲུབ་པའི་ཕྱིར་ཕྱི་མའི་ཚེ་ཕྱི་
D133.056.0068b04.01མའི་དུས་ན་ཏིང་ངེ་འཛིན་འདིའི་ཕྱིར་བརྩོན་པར་འགྱུར་རོ། །གང་དག་ཕྱི་མའི་ཚེ་ཕྱི་མའི་དུས་ན་ཆོས་ཀྱི་རྣམ་གྲངས་འདི་ལྟ་བུ་འདི་འཛིན་པར་འགྱུར་བ་དེ་དག་ནི་བྱང་ཆུབ་སེམས་དཔའི་ཆོས་རྣམས་དང་། བྱང་ཆུབ་སེམས་དཔའི་ནོར་རྣམས་ཀྱིས་ཡང་དག་པར་གཟུང་བར་འགྱུར་རོ། །གང་དག་
D133.056.0068b05.01ཕྱི་མའི་ཚེ་ཕྱི་མིའི་དུས་ན་ཆོས་འདི་ལྟ་བུ་འདི་དག་ཡོངས་སུ་གཟུང་བའི་ཕྱིར་གནས་པར་འགྱུར་བ་དེ་དག་ནི་དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་དང་། སངས་རྒྱས་ཀྱི་ཆོས་ཐམས་ཅད་ཀྱང་མྱུར་དུ་འཛིན་པར་འགྱུར་རོ། །
D133.056.0068b06.01དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །གང་ཞིག་བརྟན་པ་ཆོས་སེམས་པ། །ཕྱི་མའི་དུས་སུ་གྱུར་པ་ན། །དམ་ཆོས་གཟུང་ཕྱིར་གནས་གྱུར་པ། །དེ་དག་ལ་ནི་གཟུངས་འདི་བཤད། །གང་དག་དམ་ཆོས་རིན་ཆེན་ཕྱིར། །འཇིགས་པ་མེད་པ་
D133.056.0068b07.01