完整藏文原文 · 德格版页 当前仅加载第 56 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ལྷ་རྣམས་ཀྱི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། ལྷའི་བུ་མཚམས་{བཟངས་,བཟང་}དང་། རྒྱལ་པོ་ཆེན་པོ་བཞི་རྣམས་ཀྱིས་མི་མང་པོ་ཡང་སྤྲུལ་ཏེ། སྐྱོ་བ་སྐྱེ་བའི་ཚུལ་དུ་ཁྱིམ་བདག་དེ་རྣམས་ལ་བྱང་ཆུབ་ཀྱི་ཕན་གདགས་པ་དང་། ཡོངས་སུ་སྨིན་པར་བྱ་
D133.056.0046a01.01བའི་ཕྱིར་བརྩོན་པར་བྱེད་པར་གྱུར་ཏོ། །དེ་ནས་བྱང་ཆུབ་སེམས་དཔའ་བཟང་སྐྱོང་དང་། ལིང་ཙ་བཱི་གཞོན་ནུ་རིན་ཆེན་འབྱུང་གནས་དེ་དག་དང་། ཁྱིམ་བདག་གཞན་དག་ཀྱང་རང་རང་གི་གཉེན་རྣམས་དང་ལྷན་ཅིག་ཏུ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ཐམས་ཅད་དང་ལྡན་པར་ཕྱག་དར་བྱ་བ་རྣམས་ཀྱང་
D133.056.0046a02.01ཕྱག་དར་ལེགས་པར་བྱས། དར་གྱི་ལྡ་ལྡི་ནི་བྲེས། སྤོས་ཀྱི་སྣོད་ཀྱིས་ནི་བདུགས། མེ་ཏོག་གི་སིལ་མས་ནི་འཐོར་དུ་བཙུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་རང་གི་གཉེན་དང་བཅས་པས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོའང་བརྒྱན། རོ་བརྒྱ་དང་ལྡན་པའི་
D133.056.0046a03.01བཤོས་ཀྱང་སྦྱར་ཏེ། དེའི་མཚན་མོ་འདས་ནས་གཉེན་རྣམས་ཀྱིས་བསྐོར་ཅིང་མདུན་དུ་བདར་ཏེ་ལྷན་ཅིག་ཏུ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ།
D133.056.0046a04.01བཙུན་པ་བཅོམ་ལྡན་འདས་བཤོས་ཀྱི་དུས་ལ་བབ་པོ། །བཙུན་པ་བཅོམ་ལྡན་འདས་བཤོས་ཀྱི་ཚོད་ལ་བབ་པོ། །བཤོས་ནི་སྦྱར་ལགས་ཏེ་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། ཞེས་གདུགས་ཚོད་ལ་བབ་པར་གསོལ་ཏོ། །དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་
D133.056.0046a05.01ཆོས་གོས་དང་ཤམ་ཐབས་བནབས། ལྷུང་བཟེད་བསྣམས་ནས། དགེ་སློང་གི་དགེ་འདུན་དང་ཐབས་ཅིག །དགེ་སློང་མའི་དགེ་འདུན་དང་ཐབས་ཅིག །དགེ་བསྙེན་དང་། དགེ་བསྙེན་མའི་འཁོར་རྣམས་དང་ཡང་ཐབས་ཅིག་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་
D133.056.0046a06.01སེམས་དཔའ་ཆེན་པོ་བཟང་སྐྱོང་གི་ཁྱིམ་ག་ལ་བ་དེར་གཤེགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཇི་ལྟ་བུའི་རྫུ་འཕྲུལ་མངོན་པར་མཛད་པ་མངོན་པར་མཛད་པས། བདག་གི་ཁྱིམ་འདི་ཡངས་ཤིང་རྒྱ་ཆེ་
D133.056.0046a07.01