完整藏文原文 · 德格版页 当前仅加载第 56 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་བམ། རྣམ་པར་གྲོལ་བའམ། རྣམ་པར་གྲོལ་བའི་ཡེ་ཤེས་མཐོང་བ་ཟག་པ་མེད་པ་ཡིན་པར་ལྟ་སྨོས་ཀྱང་ཅི་དགོས། བཟང་སྐྱོང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཆོས་ཐམས་ཅད་ཀྱང་ཟག་པ་མེད་པའོ། །དེ་བཞིན་
D133.056.0025b01.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་དམ་པའི་ཆོས་གང་བཤད་པའམ། འཆད་པའམ། འཆང་བར་འགྱུར་བའི་ཆོས་དེ་ཡང་ཟག་པ་མེད་པ་སྟེ། བྱིས་པ་མི་མཁས་པ་རྣམས་ཀྱིས་མི་ཤེས་ཀྱི། མཁས་པ་རྣམས་ཀྱིས་ཡང་དག་པར་རྟོགས་
D133.056.0025b02.01སོ། །བཟང་སྐྱོང་དེའི་ཚེ་ན་བྱང་ཆུབ་སེམས་དཔས་འདི་ལྟར་བསླབ་པར་བྱ་སྟེ། ཅི་ལུས་ཀྱིས་བྱང་ཆུབ་མངོན་པར་འཚང་རྒྱའམ། འོན་ཏེ་ཤེས་རབ་ཀྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་སྙམ་དུ་བསླབ་པར་བྱའོ། །བཟང་སྐྱོང་དེ་ལ་བྱང་ཆུབ་སེམས་དཔའ་སེམས་
D133.056.0025b03.01དཔའ་ཆེན་པོས་འདི་ལྟར་ལུས་ཀྱིས་ཀྱང་བྱང་ཆུབ་མངོན་པར་འཚང་མི་རྒྱ། ཤེས་རབ་ཀྱིས་ཀྱང་མ་ཡིན་ནོ་སྙམ་དུ་བསླབ་པར་བྱའོ། །དེ་ཅིའི་ཕྱིར་ཞེ་ན། ཤེས་རབ་དེ་ནི་ཟག་པ་མེད་ཅིང་རྣམ་པ་ཐམས་ཅད་དུ་ཡོངས་སུ་བཙལ་ཀྱང་མི་དམིགས་ཏེ། དེ་དེའི་རྒྱུས་བྱང་ཆུབ་བཙལ་བ་ལ་བཏང་
D133.056.0025b04.01སྙོམས་སུ་འགྱུར་རོ། །དེ་ཅིའི་ཕྱིར་ཞེ་ན། བྱང་ཆུབ་དེ་ཡང་ཟག་པ་མེད་ཅིང་རྣམ་པ་ཐམས་ཅད་དུ་ཡོངས་སུ་བཙལ་ཀྱང་མི་དམིགས་སོ། །དེས་རང་གིས་ལུས་དང་། རང་གིས་སེམས་ཡོངས་སུ་བཙལ་ཀྱང་མི་དམིགས་སོ། །དེས་དེ་ལྟར་ཆོས་ཐམས་ཅད་ཡོངས་སུ་བཙལ་ཀྱང་མི་དམིགས་
D133.056.0025b05.01སོ། །སུ་ཞིག་བྱང་ཆུབ་མངོན་པར་རྫོགས་པར་འཚང་རྒྱ་ཞེས་ཀྱང་མི་དམིགས་སོ། །གང་གིས་བྱང་ཆུབ་མངོན་པར་འཚང་རྒྱ་ཞེས་ཀྱང་མི་དམིགས་སོ། །ཅི་ཞིག་བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་ཞེས་ཀྱང་མི་དམིགས་ཤིང་མི་མཐོང་ངོ་། །དེ་ཆོས་ཐམས་ཅད་ལ་དེ་ལྟར་རྣམ་པར་
D133.056.0025b06.01ལྟ་བ་ན་ཡང་དག་པར་མི་མཐོང་ངོ་། །དེ་ཆོས་ཐམས་ཅད་རང་བཞིན་གྱིས་ཞི་བར་ཡང་དག་པར་རྗེས་སུ་མི་མཐོང་ཡང་དེ་དག་རང་བཞིན་གྱིས་ཞི་བ་ནི་མ་ཡིན་ནོ། །དེ་ཅིའི་ཕྱིར་ཞེ་ན། གང་མ་སྐྱེས་པ་དེ་ནི་མ་ཞི་བའི་ཕྱིར་རོ། །དེ་མ་སྐྱེས་པ་ཞི་བའི་ཆོས་ཐམས་ཅད་ལ་ཞི་བའི་ཆོས་རྣམས་སུ་རྟོག་གོ །
D133.056.0025b07.01