完整藏文原文 · 德格版页 当前仅加载第 56 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་སྐྱོང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེའང་དུག་གིས་མི་ཚུགས། མཚོན་གྱིས་མི་ཚུགས། ཆུས་འཆི་བར་མི་བྱེད། མེས་མི་འཚིག །རྒྱལ་པོ་གླགས་ལྟ་བ་དག་གིས་གླགས་མི་རྙེད་དོ། །བཟང་སྐྱོང་གཞན་ཡང་གལ་ཏེ་བསྐལ་པས་སྲེག་པ་བྱུང་
D133.056.0039b01.01བར་གྱུར་ཏེ། ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ཡང་མེའི་ཕུང་པོ་དེའི་ནང་དུ་མཆོངས་ན། མེའི་ཕུང་པོ་དེ་ཞི་བར་འགྱུར་རོ། །འདི་ལྟ་སྟེ་དཔེར་ན་ཆུའི་བུམ་པ་ཆེན་པོས་ནི་མེའི་ཕུང་པོ་ཞི་བར་བྱེད་དོ། །བཟང་སྐྱོང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་
D133.056.0039b02.01དེ་ནི་སྔོན་གྱི་ལས་ཀྱི་རྣམ་པར་སྨིན་པ་མ་གཏོགས་པར་རྒྱལ་པོའམ། ཆོམ་རྐུན་ནམ། མེའམ། ཆུའམ། སྐྱེ་བོའམ། ཀླུའམ། རོ་ལངས་སམ། གནོད་སྦྱིན་ནམ། སྲིན་པོའམ། སེང་གེའམ། སྟག་གམ། ཁྱིའམ། ཝའམ། སྤྱང་ཀིའམ། མིའམ། མི་
D133.056.0039b03.01མ་ཡིན་པའམ། {ཡི་དགས་,ཡི་དྭགས་}སམ། གྲུལ་བུམ་གྱིས་བར་ཆད་བྱེད་ན་ལུས་སམ། སྲོག་གམ། ལྷུང་བཟེད་དམ། གོས་སམ། ཚངས་པར་སྤྱོད་པའམ། འཆད་པའམ། ཁ་ཏོན་བྱེད་པའམ། བསམ་གཏན་ནམ་ཚུལ་བཞིན་ཡིད་ལ་བྱེད་པའི་བར་ཆད་བྱེད་པ་དེ་ནི་གནས་མ་ཡིན་སྐབས་མ་ཡིན་ཏེ་དེ་ནི་
D133.056.0039b04.01གནས་མེད་དོ། །བཟང་སྐྱོང་ཏིང་ངེ་འཛིན་འདི་འཛིན་པའི་དགེ་སློང་དེ་སྔོན་གྱི་ལས་ཀྱི་རྣམ་པར་སྨིན་པ་མ་གཏོགས་པར་མིག་ནད་ཀྱིས་འདེབས་པའམ། རྣ་ནད་ཀྱིས་འདེབས་པའམ། སྣ་ནད་ཀྱིས་འདེབས་པའམ། ལྕེ་ནད་ཀྱིས་འདེབས་པའམ། ལུས་ནད་ཀྱིས་འདེབས་པའམ།
D133.056.0039b05.01སེམས་ནད་ཀྱིས་འདེབས་པའམ། དེ་དག་ལས་གཞན་པའི་ནད་ཀྱི་རྣམ་པས་བྱང་ཆུབ་སེམས་དཔའ་དེའི་འཚོ་བ་འགོག་པར་བྱེད་པ་ནི་གནས་མ་ཡིན་སྐབས་མ་ཡིན་ཏེ་དེ་ནི་གནས་མེད་དོ། །བཟང་སྐྱོང་གཞན་ཡང་ཏིང་ངེ་འཛིན་འདི་འཛིན་པའི་བྱང་ཆུབ་སེམས་དཔའ་དེ་ལ་ལྷ་རྣམས་ཀྱང་སྲུང་
D133.056.0039b06.01ངོ་། །ཀླུ་རྣམས་ཀྱང་སྲུང་ངོ་། །གནོད་སྦྱིན་རྣམས་ཀྱང་སྲུང་ངོ་། །དྲི་ཟ་རྣམས་ཀྱང་སྲུང་ངོ་། །མི་རྣམས་ཀྱང་སྲུང་ངོ་། །མི་མ་ཡིན་པ་རྣམས་ཀྱང་སྲུང་ངོ་། །ལྷ་མ་ཡིན་རྣམས་ཀྱང་སྲུང་ངོ་། །ནམ་མཁའ་ལྡིང་རྣམས་ཀྱང་སྲུང་ངོ་། །མི་འམ་ཅི་རྣམས་ཀྱང་སྲུང་ངོ་། །ལྟོ་འཕྱེ་ཆེན་པོ་རྣམས་ཀྱང་
D133.056.0039b07.01