完整藏文原文 · 德格版页 当前仅加载第 56 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆུང་དང་མཆོག་རྣམས་དང་། །འབྲིང་དག་རབ་ཏུ་མཁྱེན་པ་ནི། །དཔལ་ལྡན་རྫོགས་པར་སངས་རྒྱས་པའི། །སྟོབས་གསུམ་པ་ནི་དེ་ཡིན་ནོ། །དབང་པོ་རྣོ་དང་བར་མ་དང་། །ཐ་མའི་ཁྱད་པར་མཁས་པ་ནི། །དྲང་སྲོང་ཆེན་པོ་རྫོགས་སངས་རྒྱས། །སངས་
D133.056.0057a01.01རྒྱས་རྣམས་ཀྱི་སྟོབས་བཞི་པའོ། །ཁམས་རྣམས་སྣ་ཚོགས་རབ་མཁྱེན་ཅིང་། །ཁམས་རྣམས་ཀྱི་ནི་ཕ་རོལ་ཕྱིན། །གནས་འདི་དག་ནི་རང་བྱུང་གི། །སྟོབས་ནི་ལྔ་པ་ཉིད་ཡིན་ནོ། །ཐམས་ཅད་དུ་ནི་འགྲོ་བའི་ལམ། །དེ་དང་དེར་ནི་བགྲོད་པ་སྟེ། །དེ་དག་ཐམས་ཅད་རབ་མཁྱེན་
D133.056.0057a02.01པ། །བསམ་གྱིས་མི་ཁྱབ་སྟོབས་དྲུག་པའོ། །བསམ་གཏན་རྣམ་ཐར་སྙོམས་པར་འཇུག །ཀུན་ནས་ཉོན་མོངས་རབ་མཁྱེན་ཅིང་། །གནས་དང་གནས་མིན་མཁྱེན་པ་ནི། །སྟོབས་བདུན་པ་ཞེས་བྱ་བའོ། །སྔོན་གྱི་བྱེ་བ་ཚུན་ཆད་ཀྱི། །བདག་ནི་སྔོན་ན་གར་གནས་པའི། །སྔོན་
D133.056.0057a03.01གྱི་གནས་རྣམས་རབ་མཁྱེན་པ། །དེ་ནི་སྟོབས་ཀྱང་བརྒྱད་པའོ། །འཆི་འཕོ་དང་ནི་སྐྱེ་བ་མཁྱེན། །མཐོ་རིས་དང་ནི་ངན་སོང་གཟིགས། །མིག་གི་ཕ་རོལ་ཕྱིན་ཐོབ་པ། །འདི་ནི་སྟོབས་ཀྱང་དགུ་པའོ། །གང་དག་ལྷ་འམ་གང་དག་མི། །ཟག་པ་ཐམས་ཅད་ང་ལ་ཟད། །ང་ལ་ཡང་
D133.056.0057a04.01སྲིད་མེད་པ་ནི། །བསམ་གྱིས་མི་ཁྱབ་སྟོབས་བཅུ་པའོ། །འཇིག་རྟེན་མགོན་པོ་སྐྱོབ་མཛད་པ། །རང་བྱུང་རྣམས་ཀྱི་སྟོབས་འདི་དག །ཏིང་འཛིན་འདི་ལ་གནས་ན་ནི། །དེ་དག་ཐམས་ཅད་རྙེད་མི་དཀའ། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་ཉི་ཤུ་པའོ།། །།
D133.056.0057a05.01བཟང་སྐྱོང་བྱང་ཆུབ་སེམས་དཔས་ཏིང་ངེ་འཛིན་འདི་ལ་ཞུགས་ན། དེ་བཞིན་གཤེགས་པའི་མི་འཇིགས་པ་གང་དག་ཐོབ་པར་འགྱུར་བ་དེ་གང་ཞེ་ན། བཟང་སྐྱོང་བྱང་ཆུབ་སེམས་དཔས་ཏིང་ངེ་འཛིན་འདི་ལ་ཞུགས་ན་ཐོབ་པར་འགྱུར་བའི་དེ་བཞིན་གཤེགས་པའི་མི་འཇིགས་པ་ནི་འདི་བཞིའོ། །བཞི་
D133.056.0057a06.01གང་ཞེ་ན། འདི་ལྟ་སྟེ། ང་ཡང་དག་པར་རྫོགས་པར་སངས་རྒྱས་པ་ལ་འདི་ལ་ཆོས་འདི་མངོན་པར་སངས་མ་རྒྱས་སོ་ཞེས་ང་ལ་འཇིག་རྟེན་ན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་ཆོས་དང་འཐུན་པར་ཚིག་ཏུ་བརྗོད་ཅིང་རྒོལ་བར་འགྱུར་བའི་
D133.056.0057a07.01