完整藏文原文 · 德格版页 当前仅加载第 56 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་ཞིང་ཡེ་ཤེས་ཀྱི་རྗེས་སུ་འབྲང་ངོ་། །དེ་བཞིན་གཤེགས་པའི་གསུང་གི་ཕྲིན་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་ངོ་། །དེ་བཞིན་གཤེགས་པའི་ཐུགས་ཀྱི་ཕྲིན་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་ངོ་། །བཟང་
D133.056.0059a01.01སྐྱོང་འདི་དག་ནི་གང་བྱང་ཆུབ་སེམས་དཔས་ཏིང་ངེ་འཛིན་འདི་ལ་གནས་ན་འཐོབ་པར་འགྱུར་བའི་དེ་བཞིན་གཤེགས་པ་རྣམས་ཀྱི་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །གང་ལ་གནས་ནས་དེ་བཞིན་
D133.056.0059a02.01གཤེགས། །ཆོས་ཀྱི་འཁོར་ལོ་བསྐོར་མཛད་པའི། །སངས་རྒྱས་ཀྱི་ནི་མ་འདྲེས་ཆོས། །བཤད་ཀྱིས་ང་ལ་མཉན་པར་བྱོས། །ནམ་གྱི་ནུབ་མོ་རྫོགས་སངས་རྒྱས། །དེ་བཞིན་གཤེགས་པས་བྱང་ཆུབ་བརྙེས། །ནམ་གྱི་ནུབ་མོ་ལེན་མེད་པར། །མྱ་ངན་ལས་ནི་འདས་པར་གྱུར། །
D133.056.0059a03.01དེ་ཡི་བར་དུ་གང་གསུངས་དང་། །གསུང་དང་གསུང་བར་འགྱུར་བའི་རྣམས། །དེ་ཀུན་ཡང་དག་ཇི་བཞིན་ཏེ། །དེ་ནི་མ་འདྲེས་དང་པོའོ། །ང་ལ་འཁྲུལ་པ་ཅུང་ཟད་མེད། །ཅ་ཅོ་ང་ལ་མི་མངའོ། །གསུང་ལ་ཉམས་པ་མི་མངའ་སྟེ། །ང་ལ་ཞུམ་པ་མི་མངའོ། །ང་ལ་བསྙེལ་བ་ཡོད་མ་
D133.056.0059a04.01ཡིན། །ང་ལ་མ་བརྟགས་བཏང་སྙོམས་མེད། །ཆོས་ལ་སྣ་ཚོགས་བྱེད་པ་མེད། །རྟག་ཏུ་མཉམ་པར་བཞག་པ་ཉིད། །ང་ཡི་འདུན་པ་མ་ཉམས་ཤིང་། །བརྩོན་འགྲུས་ཀྱང་ནི་མ་ཉམས་སོ། །ཏིང་འཛིན་ལས་ནི་མི་གཡེང་ཞིང་། །ང་ལ་ཉམས་པ་མི་མངའོ། །ང་ཡི་ཤེས་རབ་
D133.056.0059a05.01ཉམས་པ་མེད། །རྣམ་པར་གྲོལ་བའང་ཉམས་པ་མེད། །ང་ཡི་རྣམ་གྲོལ་ཡེ་ཤེས་མཐོང་། །ང་ལའང་ཉམས་པ་མི་མངའོ། །ང་ནི་འདས་པའི་དུས་ལ་ཡང་། །ཡེ་ཤེས་ཐོགས་པ་མི་མངའོ། །མ་འོངས་པ་ཡི་དུས་ལ་ཡང་། །ང་ལ་སྒྲིབ་པ་མི་མངའོ། །ད་ལྟར་བྱུང་བའི་དུས་ལ་ཡང་། །
D133.056.0059a06.01ང་ལ་ཆགས་པ་མི་མངའོ། །སྐྱོབ་པ་ང་ནི་ཆོས་ཀུན་ལ། །ཡེ་ཤེས་བསྒྲིབས་པ་མེད་པའོ། །ང་ཡི་སྐུ་ཡི་ཕྲིན་ལས་ཀུན། །ཡེ་ཤེས་ཀྱི་ནི་རྗེས་སུ་འབྲེང་། །ང་ཡི་གསུང་ཐུགས་ཕྲིན་ལས་ཀུན། །ཡེ་ཤེས་སྔོན་དུ་འགྲོ་བ་ཡིན། །གང་ལ་གནས་ནས་དེ་བཞིན་གཤེགས། །ཆོས་ཀྱི་
D133.056.0059a07.01