完整藏文原文 · 德格版页 当前仅加载第 56 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བདག་ཏུ་ལྟ་བ་དང་། སེམས་ཅན་དུ་ལྟ་བ་དང་། སྲོག་ཏུ་ལྟ་བ་དང་། གང་ཟག་ཏུ་ལྟ་བར་འགྱུར་རོ། །དེ་ཉིད་ཕུང་པོར་ལྟ་བ་དང་། ཁམས་སུ་ལྟ་བ་དང་། སྐྱེ་མཆེད་དུ་ལྟ་བ་དང་། མཚན་མར་ལྟ་བ་དང་། དངོས་པོར་ལྟ་བ་དང་། རྒྱུར་ལྟ་བ་དང་། རྐྱེན་དུ་ལྟ་བ་དང་། དམིགས་པ་
D133.056.0051b01.01འཛིན་པར་འགྱུར་རོ། །དེ་ཅིའི་ཕྱིར་ཞེ་ན། བཟང་སྐྱོང་ཆོས་ཐམས་ཅད་ནི་རང་བཞིན་གྱིས་སྟོང་པ། ཆོས་ཐམས་ཅད་ནི་མཚན་མ་མེད་པ། མི་གཟུང་བ། གཟུང་བ་མེད་པར་བྱང་ཆུབ་སེམས་དཔས་མཐོང་སྟེ། དེ་དག་ཆོས་ཐམས་ཅད་མི་དམིགས་སོ། །རློམ་སེམས་སུ་མི་བྱེད་དོ། །མི་
D133.056.0051b02.01མཐོང་ངོ་། །ཇི་ལྟར་མི་དམིགས་ཤིང་རློམ་སེམས་སུ་མི་བྱེད་ལ་མི་མཐོང་ཞེ་ན། བཟང་སྐྱོང་འདི་ལྟ་སྟེ། དཔེར་ན་གཞན་མུ་སྟེགས་ཅན་ནམ། གཞན་མུ་སྟེགས་ཅན་གྱི་ཉན་ཐོས་བདག་ཏུ་འདུ་ཤེས་པ་ལ་གནས་པ། སེམས་ཅན་དང་། སྲོག་དང་། གང་ཟག་ཏུ་འདུ་ཤེས་པ་ལ་གནས་པ་
D133.056.0051b03.01ཆོས་ཐམས་ཅད་དུ་འདུ་ཤེས་པ་ལ་གནས་པ། ཆོས་རྣམས་ལ་དམིགས་ཤིང་། རློམ་སེམས་སུ་བྱེད་པ། མཐོང་བར་བྱེད་པ་དེ་ལྟར་བཟང་སྐྱོང་བྱང་ཆུབ་སེམས་དཔས་མི་མཐོང་ངོ་། །བཟང་སྐྱོང་ཡང་བྱང་ཆུབ་སེམས་དཔས་ཇི་ལྟར་མཐོང་ཞེ་ན། བཟང་སྐྱོང་འདི་ལྟ་སྟེ་དཔེར་ན། དེ་བཞིན་
D133.056.0051b04.01གཤེགས་པ་དང་། ཕྱིར་མི་ལྡོག་པའི་བྱང་ཆུབ་སེམས་དཔའ་རྣམས་དང་། རང་སངས་རྒྱས་རྣམས་དང་། ཉན་ཐོས་དགྲ་བཅོམ་པ་རྣམས་ཀྱིས་ཆོས་ཐམས་ཅད་མཐོང་བ་དེ་བཞིན་དུ། བཟང་སྐྱོང་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་བལྟ་བར་བྱའོ། །དེ་མཐོང་
D133.056.0051b05.01ནས་མངོན་པར་དགའ་བར་མི་བྱའོ། །མངོན་པར་དགའ་བ་མེད་པས་དགའ་བ་ཅན་དུ་མི་འགྱུར་ཞིང་དགའ་བ་དང་བྲལ་ཏེ་དགའ་བ་ཡང་དག་པར་བཅོམ་པའི་བྱང་ཆུབ་སེམས་དཔའ་ནི་ཏིང་ངེ་འཛིན་འདི་སྒོམ་མོ། །བཟང་སྐྱོང་འདི་ལྟ་སྟེ་དཔེར་ན། ནམ་མཁའ་གཟུགས་མེད་པ། བསྟན་དུ་མེད་
D133.056.0051b06.01པ། གནས་པ་མེད་པ། ཤིན་ཏུ་རྣམ་པར་དག་པ། ཉོན་མོངས་པ་མེད་པ་དེ་བཞིན་དུ། བྱང་ཆུབ་སེམས་དཔས་ཆོས་ཐམས་ཅད་ལ་བལྟ་སྟེ། འདུས་བྱས་དང་། འདུས་མ་བྱས་ཀྱི་ཆོས་རྣམས་ལ་དེའི་མིག་ཐོགས་པ་མེད་པར་འགྱུར་རོ། །བྱང་ཆུབ་སེམས་དཔའ་མིག་ཐོགས་པ་མེད་
D133.056.0051b07.01