完整藏文原文 · 德格版页 当前仅加载第 56 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པར་འགྱུར། །འདུས་པར་གྱུར་ནས་སངས་རྒྱས་གང་འགྱུར་བ། །དེ་དག་ཕན་པའི་ཕྱིར་ནི་སྙིང་བརྩེ་ལ། །བླ་མེད་ཞི་ལམ་ཚོལ་ཞིང་གུས་པར་བྱེད། །དེ་དག་བསྐལ་པ་གཅིག་ལ་འདུས་གྱུར་ཏེ། །རྐང་གཉིས་གཙོ་ལ་མཆོད་པ་དག་བྱས་ནས། །བླ་ན་མེད་པའི་རྡུལ་
D133.056.0038a01.01མེད་བྱང་ཆུབ་ཕྱིར། །འཕགས་པ་ཟང་ཟིང་མེད་པའི་བཟོད་འཐོབ་འགྱུར། །དེ་དག་ན་ཡང་དེ་བཞིན་ཆོས་འཛིན་པ། །ཕྱི་མའི་དུས་དང་དེ་བཞིན་བར་མའི་དུས། །དེ་ན་ཚངས་པར་སྤྱོད་པ་འདི་སྤྱད་ནས། །ཚེ་དཔག་མེད་པའི་སངས་རྒྱས་མཉེས་པར་བྱེད། །བསྐལ་པ་བཟང་པོ་
D133.056.0038a02.01འདི་ལ་ཇི་སྙེད་ཀྱི། འཇིག་རྟེན་དོན་མཛད་འོད་མཛད་འབྱུང་བ་དག །དེ་དག་གི་ཡང་ཆོས་ཀྱི་ཚུལ་འཛིན་པ། །དུས་གསུམ་ལ་ནི་གནས་པའི་དཔའ་བོའོ། །མ་འོངས་སངས་རྒྱས་བྱེ་བ་ཕྲག་མང་པོ། །བསམ་གྱིས་མི་ཁྱབ་གང་དག་ཚད་མེད་པ། །དེ་ལ་དེས་ནི་རྒྱ་ཆེ་མཆོད་བྱས་
D133.056.0038a03.01ནས། །སངས་རྒྱས་བྱང་ཆུབ་ལ་ནི་མཉེས་བྱེད་འགྱུར། །བྱང་ཆུབ་ཞི་ལ་དེ་དག་རེག་པར་འགྱུར། །དེ་ལ་འདུས་ནས་གུས་པར་བྱེད་པར་འགྱུར། །བསྐལ་པ་ཁྲག་ཁྲིག་མང་པོ་འདས་གྱུར་པ། །དེ་སྲིད་ན་ནི་ས་བོན་དངོས་པོར་འགྱུར། །ཁྱིམ་གྱི་བདག་པོ་བཟང་སྐྱོང་འདི་དང་ནི། །
D133.056.0038a04.01རིན་ཆེན་འབྱུང་བའི་རིན་ཆེན་འབྱུང་གནས་དང་། །དེད་དཔོན་བཟང་དང་ཕུག་སྦས་བྲམ་ཟེའི་ཁྱེའུ། །སངས་རྒྱས་གང་གཱའི་བྱེ་སྙེད་མཐོང་བར་འགྱུར། །དེ་དག་དེ་རྣམས་དང་ནི་དེ་བས་ཀྱང་། །སངས་རྒྱས་བྱེ་བ་མང་པོའི་ཆོས་འཛིན་པ། །བསྐལ་པ་བྱེ་བ་མང་པོ་དེ་ཡི་ཚད། །བརྗོད་
D133.056.0038a05.01པར་བྱ་ཞིང་མཐའ་རྟོགས་མི་ནུས་སོ། །སེམས་ཅན་ཆེན་པོ་གང་གིས་རྨི་ལམ་ནའང་། །དཔའ་བོ་འདི་དག་གི་ནི་མིང་དང་ཐབས། །ཐོས་པ་དེ་དག་རྒྱལ་བ་ཆེན་པོར་འགྱུར། །གང་དག་མཐོང་ངམ་ཡང་ན་ཐོས་ནས་ཀྱང་། འདོད་པར་བྱེད་དམ་ཡང་ན་དང་བྱེད་ན། །ཐམས་ཅད་བྱང་ཆུབ་
D133.056.0038a06.01འགྱུར་བར་ཐེ་ཚོམ་མེད། །དེ་ལ་བསྙེན་བཀུར་བྱེད་པ་སྨོས་ཅི་དགོས། །བསམ་གྱིས་མི་ཁྱབ་ཆོས་འདི་ཡོངས་སུ་འཛིན། །མིང་དང་དེ་བཞིན་ཚེ་ཡང་བསམ་མི་ཁྱབ། །སྣང་བ་བསམ་མེད་ཡོན་ཏན་བསམ་མི་ཁྱབ། །ཤེས་རབ་ཡེ་ཤེས་དེ་བཞིན་བསམ་མི་ཁྱབ། །བླ་ན་མེད་པའི་བྱང་ཆུབ་
D133.056.0038a07.01