完整藏文原文 · 德格版页 当前仅加载第 56 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དམ་པའི་ཆོས་ཡོངས་སུ་གཟུང་བར་བགྱིའོ། །དམ་པའི་ཆོས་ཀྱི་སྣོད་དུ་གྱུར་པ་གཞན་དག་ཀྱང་དམ་པའི་ཆོས་དཀོན་མཆོག་འདིས་ཕན་གདགས་པར་བགྱིའོ། །བཅོམ་ལྡན་འདས་ཏིང་ངེ་འཛིན་འདི་སྐྱེས་བུ་དམ་པ་འདི་དག་ལ་གཏད་པར་གསོལ། བཅོམ་ལྡན་འདས་ཏིང་ངེ་
D133.056.0036b01.01འཛིན་འདི་སྐྱེས་བུ་དམ་པ་འདི་དག་ལ་གདམས་པར་གསོལ། དེ་ནས་དེའི་ཚེ་བཅོམ་ལྡན་འདས་ཀྱིས་གསེར་གྱི་ཁ་དོག་ལྟ་བུའི་འཛུམ་པ་མཛད་དེ། དེས་འཇིག་རྟེན་གྱི་ཁམས་མཐའ་ཐུག་པ་མེད་པ་རྣམས་འོད་ཀྱིས་ཁྱབ་པར་བྱས་ཏེ། ཚངས་པའི་འཇིག་རྟེན་གྱི་བར་དུ་
D133.056.0036b02.01མངོན་པར་བྱུང་ནས་ཉི་མ་དང་ཟླ་བའི་འོད་ཀྱང་ཟིལ་གྱིས་མནན་ཏེ་སླར་ལྷགས་ནས། བཅོམ་ལྡན་འདས་ལ་གཡས་ཕྱོགས་ནས་ལན་གསུམ་དུ་བསྐོར་བ་བྱས་ཏེ། བཅོམ་ལྡན་འདས་ཀྱི་དབུའི་གཙུག་གི་མཚམས་སུ་ནུབ་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་
D133.056.0036b03.01ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འཐུན་པའི་ཚིགས་སུ་བཅད་པ་འདི་ལྟ་བུ་དག་གིས་མངོན་པར་བསྟོད་དོ། །ཚུལ་ཁྲིམས་
D133.056.0036b04.01རྣམ་དག་སྤྱོད་ཡུལ་ཡོངས་སུ་དག །མཐུ་ཆེ་བ་ཡི་ནང་ནའང་རྫུ་འཕྲུལ་ཆེ། །སྐྱེ་དགུ་ཀུན་ལས་མཆོག་ཏུ་འཕགས་གྱུར་པ། །དྲི་མ་བྲལ་བའི་ཉི་མ་བཞིན་དུ་མཛེས། །མ་ཆགས་མཁྱེན་ལྡན་ཤིན་ཏུ་རྣམ་གྲོལ་ཐུགས། །ཀ་ལ་པིང་ཀའི་གསུངས་ལྡན་ལྷ་ཡི་ལྷ། །ཕས་ཀྱི་རྒོལ་
D133.056.0036b05.01བ་ཀུན་གྱིས་མི་བསྐྱོད་པ། །འཛུམ་པ་འདི་མཛད་རྒྱུ་རྐྱེན་ཅི་ཞིག་ལགས། །ཕན་ཕྱིར་ཐུགས་བརྩེ་རྐང་གཉིས་ནང་ན་གཙོ། །དོན་དམ་གསལ་བས་ལུང་ནི་བསྟན་པར་གསོལ། །ཁྱོད་ཀྱི་གསུང་སྒྲ་ཡིད་དུ་འོང་ཐོས་ན། །འཕགས་པའི་དགའ་བ་ཟང་ཟིང་མེད་པ་འཐོབ། །རྒྱལ་
D133.056.0036b06.01མཆོག་རྣམ་པར་འདྲེན་པ་རྒྱུ་མེད་པར། །གང་ཟག་མཆོག་ནི་འཛུམ་པ་མི་མཛད་ན། །འཛུམ་པ་འདི་མཛད་རྒྱུ་རྐྱེན་ཅི་ཞིག་ལགས། །འཇིག་རྟེན་ཕན་ཕྱིར་ཐུགས་བརྩེ་ཁྱོད་ལ་ཞུའོ། །འཇིག་རྟེན་མགོན་པོ་འཛུམ་པ་མཛད་པ་ལས། །དེ་རིང་སུ་ཡི་དགོས་པ་རྒྱ་ཆེར་འབྱུང་། །སུ་ཞིག་
D133.056.0036b07.01