完整藏文原文 · 德格版页 当前仅加载第 56 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཆོས་འདི་ལྟ་བུ་ཀུན་ཆུབ་པར་མ་བྱས་པའི་ཆོས་རྣམས་ཀུན་ཆུབ་པར་འགྱུར་བ་དང་། ཀུན་ཆུབ་པར་བྱས་པའི་ཆོས་རྣམས་གནས་པ་དང་། ཆུད་མི་ཟ་བ་དང་མེད་པར་མི་འགྱུར་བ་ནི་གནས་མ་ཡིན་ཏེ་སྐབས་མེད་དོ། །བྱང་ཆུབ་སེམས་དཔའི་ཐེག་པ་པའི་རིགས་
D133.056.0030a01.01ཀྱི་བུ་དེས་ཏིང་ངེ་འཛིན་འདི་འཐོབ་པ་དེ་ཡང་གནས་མེད་དོ། །བཟང་སྐྱོང་དེ་ཅིའི་ཕྱིར་ཞེ་ན། འདི་ལྟར་མ་གུས་པས་ནི་དམ་པའི་ཆོས་ནུབ་པར་འགྱུར་བའི་ཕྱིར་རོ། །བཟང་སྐྱོང་གལ་ཏེ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ་རིགས་ཀྱི་བུ་མོའམ། ཉན་ཐོས་དང་། རང་སངས་
D133.056.0030a02.01རྒྱས་ཀྱི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་ཆོས་འདི་ལྟ་བུ་འདི་དག་སྟོན་པར་བྱེད་པའི་དགེ་སློང་དང་། གང་ལ་ལས་ཆོས་ཀྱི་རྣམ་གྲངས་འདི་ལྟ་བུ་འདི་ཀུན་ཆུབ་པར་བྱེད་པར་འགྱུར་བ་དང་། ཀུན་ཆུབ་པར་བྱས་པ་དང་། གླེགས་བམ་དུ་བྲིས་པར་གྱུར་པ་དེ་དག་ལ་དགའ་བ་དང་།
D133.056.0030a03.01དང་བ་དང་གུས་པའང་སྐྱེད་ཅིང་། དགེ་བའི་བཤེས་གཉེན་གྱི་འདུ་ཤེས་དང་། སྟོན་པའི་འདུ་ཤེས་ཀྱང་ཉེ་བར་གཞོག་ན། བཟང་སྐྱོང་བྱང་ཆུབ་སེམས་དཔའི་ཐེག་པ་པའམ། ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་ཀུན་
D133.056.0030a04.01ཆུབ་པར་མ་བྱས་པའི་ཆོས་རྣམས་ཀུན་ཆུབ་པར་འགྱུར་བ་དང་། ཀུན་ཆུབ་པར་བྱས་པའི་ཆོས་རྣམས་གནས་པ་དང་། ཆུད་མི་ཟ་བ་དང་། མེད་པར་མི་འགྱུར་བའི་གནས་ཡིན་ཏེ། དེ་ནི་གནས་ཡོད་དོ། །བཟང་སྐྱོང་དེ་བས་ན་ཁྱོད་མོས་པར་བྱའོ། །ཁྱོད་ཀྱི་ཁོང་དུ་ཆུད་པར་བྱའོ། །འདི་ལྟར་
D133.056.0030a05.01ཆོས་འདི་ལྟ་བུ་སྟོན་པའི་དགེ་སློང་རྣམས་ལ་དགའ་བ་དང་དང་བ་དང་གུས་པ་བསྐྱེད་པར་བྱའོ། །དགེ་བའི་བཤེས་གཉེན་དུ་འདུ་ཤེས་པ་དང་། སྟོན་པར་འདུ་ཤེས་བསྐྱེད་པར་བྱ་སྟེ། འདི་ནི་ངའི་རྗེས་སུ་བསྟན་པ་ཡིན་ནོ། །བཟང་སྐྱོང་གཞན་ཡང་བྱང་ཆུབ་སེམས་དཔའ་ཁྱིམ་གྱི་གནས་ནས་
D133.056.0030a06.01མངོན་པར་བྱུང་བ་ཏིང་ངེ་འཛིན་འདི་ལུང་ནོད་པར་འདོད་པ་དང་། བསྒོམ་པར་འདོད་པ་དེས་འགྱོད་པ་དང་བྲལ་བར་བྱའོ། །དགོན་པ་ལ་དགའ་བ་དང་། དགོན་པ་ལ་གཞོལ་བ་དང་། དགོན་པ་ལ་འབབ་པ་དང་། དགོན་པ་ལ་བབ་པར་བྱའོ། །ལྗོངས་ཀྱི་ཕྱོགས་ལ་མངོན་པར་མི་དགའ་བར་བྱའོ། །
D133.056.0030a07.01