完整藏文原文 · 德格版页 当前仅加载第 56 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་བསྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་
D133.056.0050a01.01རྒྱས་བཅོམ་ལྡན་འདས་སུ་འགྱུར་རོ་ཞེས་ལུང་བསྟན་ཏོ། །བཟང་སྐྱོང་དེ་བས་ན་ཁྱེད་ཀྱིས་འཕགས་པ་བྱིས་པ་རྣམས་སྤངས་པ་མཚན་མ་ཐམས་ཅད་དང་བྲལ་བའི་ཆོས་འདི་ལ་བསླབ་པར་བྱའོ། །དེས་ན་ཁྱེད་ཏིང་ངེ་འཛིན་འདི་ལ་གནས་པ་རྣམས་བླ་ན་མེད་པ་ཡང་དག་པར་རྫོགས་པའི་
D133.056.0050a02.01བྱང་ཆུབ་མི་དཀའ་བར་རྙེད་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །སངས་རྒྱས་མར་མེ་མཛད་མཐོང་ནས། །ངས་ནི་ཏིང་ངེ་འཛིན་ཀྱང་བསྒོམ། །སངས་རྒྱས་མང་པོ་མཐོང་ནས་ཀྱང་། །མཆོག་གི་ཆོས་ཀྱང་ཐོབ་པར་གྱུར། །
D133.056.0050a03.01ཇི་ལྟར་བསོད་ནམས་བྱས་པ་དག །བསམ་པ་བཟང་པོ་འགྲུབ་པ་བཞིན། །ཁྱེད་ཀྱང་ཆོས་ལ་སྤྱོད་ཅིག་དང་། །བྱང་ཆུབ་མཆོག་ནི་ཐོབ་པར་འགྱུར། །སངས་རྒྱས་བྱེ་བ་བསམ་མི་ཁྱབ། །མཐའ་མེད་ཅིང་ནི་མུ་མེད་པ། །བྱང་ཆུབ་ཞི་བ་ཚོལ་བྱེད་ཅིང་། །གང་དག་ངས་ནི་སྔོན་བཀུར་
D133.056.0050a04.01བ། །བྱང་ཆུབ་དེ་ནི་ངས་རྙེད་དེ། །ཆོས་ཀྱི་འཁོར་ལོ་རབ་ཏུ་བསྐོར། །གང་དག་བྱང་ཆུབ་བཞག་པ་ནི། །སེམས་ཅན་བྱེ་བ་དུ་མའོ། །ལྷ་དང་ཀླུ་དང་གནོད་སྦྱིན་དང་། །དྲི་ཟ་མིའམ་ཅི་ཡི་རྣམས། །ཨེ་མའོ་སངས་རྒྱས་བསམ་ཡས་ཞེས། །མཆོད་པས་ང་ལ་མཆོད་པ་བྱེད། །
D133.056.0050a05.01མཁས་པའི་མི་ནི་གང་དག་ཀྱང་། །སངས་རྒྱས་ཆོས་ལ་སྟེན་འདོད་པས། །མང་དུ་ཐོས་པར་བྱ་བའི་ཕྱིར། །འདུན་པ་ཉིད་ནི་བསྟན་པར་བྱ། །སངས་རྒྱས་བྱེ་བ་ཕྲག་སུམ་ཅུ། །ཤཱཀྱ་སེང་གེ་མི་ཡི་མཆོག །བྱང་ཆུབ་ཞི་བ་ཚོལ་བྱེད་ཅིང་། །གང་དག་ངས་ནི་སྔོན་བཀུར་བ། །སངས་
D133.056.0050a06.01རྒྱས་བསམ་ཡས་དེ་དག་གིས། །དེར་ནི་ང་ལ་ལུང་མ་བསྟན། །དམིགས་སུ་མེད་པའི་ཡེ་ཤེས་ལ། །ང་ནི་གནས་པར་མ་གྱུར་ཏོ། །སངས་རྒྱས་གཙོ་བོ་སྐྱོབ་པའི་རྣམས། །དེ་བཞིན་བསྡུས་པར་ཤེས་པར་བྱ། །བྱེ་བ་ཁྲག་ཁྲིག་དུ་མའི་རྣམས། །གང་དག་ངས་ནི་སྔོན་བཀུར་བ། །
D133.056.0050a07.01