完整藏文原文 · 德格版页 当前仅加载第 56 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་རོ། །བཟང་སྐྱོང་འདི་ལྟ་སྟེ་དཔེར་ན་གསེར་གྱི་གར་བུ་ཤིན་ཏུ་བསྲེགས་པ། ཤིན་ཏུ་བཙོས་པ་ལྕགས་ཀྱི་ཐུ་ལུམ་དང་འདྲ་བ་ནི་མཁས་པ་རྣམས་ཀྱིས་འཛིན་པར་མི་བྱེད་དོ། །བཟང་སྐྱོང་དེ་ཅིའི་ཕྱིར་ཞེ་ན། འདི་ལྟར་དེ་ནི་ཚ་བའི་བདག་ཉིད་དེ། བཟང་སྐྱོང་དེ་ནི་རིན་པོ་ཆེའི་མཆོག་
D133.056.0027a01.01གསེར་ཡིན་མོད་ཀྱི། འོན་ཀྱང་བཟང་སྐྱོང་འདི་ལྟ་སྟེ། ཤིན་ཏུ་ཚ་བའི་ཕྱིར་འཛིན་པར་མི་བྱེད་དོ། །བཟང་སྐྱོང་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཐོང་ན་མངོན་པར་ཞེན་པར་མི་བྱའོ། །
D133.056.0027a02.01གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་སུ་ཡང་མངོན་པར་ཞེན་པར་མི་བྱའོ། །ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བར་ཡང་མངོན་པར་ཞེན་པར་མི་བྱའོ། །སངས་
D133.056.0027a03.01རྒྱས་ཀྱི་ཆོས་ཐམས་ཅད་དུའང་མངོན་པར་ཞེན་པར་མི་བྱའོ། །རྣམ་པ་ཐམས་ཅད་དུའང་མངོན་པར་ཞེན་པར་མི་བྱའོ། །བཟང་སྐྱོང་དེ་ཅིའི་ཕྱིར་ཞེ་ན། འདི་ལྟར་མངོན་པར་ཞེན་པ་ནི་འཁོར་བའི་བདག་ཉིད་ཅན་སྡུག་བསྔལ་གྱི་ཆོས་ཐམས་ཅད་སྐྱེད་པའོ། །བཟང་སྐྱོང་འོན་ཀྱང་བྱང་ཆུབ་སེམས་
D133.056.0027a04.01དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཐོང་ན། འདི་ལྟར་ཡོན་ཏན་གྱི་ཆོས་རྨད་དུ་བྱུང་བ་དང་ལྡན་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་འདི་ལྟ་སྟེ། ཡེ་ཤེས་ཆེན་
D133.056.0027a05.01པོ་དང་། སངས་རྒྱས་ཀྱི་ཡེ་ཤེས་དང་། དེ་བཞིན་གཤེགས་པའི་ཡེ་ཤེས་དང་། རང་བྱུང་གི་ཡེ་ཤེས་དང་། མི་མཉམ་པ་དང་མཉམ་པའི་ཡེ་ཤེས་དང་། འཇིག་རྟེན་གསུམ་པོ་ཐམས་ཅད་ལས་ཁྱད་པར་དུ་འཕགས་པའི་ཡེ་ཤེས་ནི་ངོ་མཚར་ཆེའོ་ཞེས་དེ་ལྟར་ཡོན་ཏན་གྱི་ཆོས་ཁྱད་པར་དུ་
D133.056.0027a06.01འཕགས་པ་ལ་འདོད་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་འདི་ལ་འདོད་པར་བྱའི་ཡེ་ཤེས་དེ་ལ་མངོན་པར་ཞེན་པར་མི་བྱའོ། །བཟང་སྐྱོང་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་ལ་ཡང་མངོན་པར་ཞེན་པར་མི་བྱའོ། །དེ་ཅིའི་ཕྱིར་ཞེ་ན། བཟང་
D133.056.0027a07.01