完整藏文原文 · 德格版页 当前仅加载第 56 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ། །དེ་དག་དོན་དུ་བཤད་པར་བྱས། །དེ་དག་ཀྱང་ནི་ཆོས་འཛིན་ཤོག །བཟང་སྐྱོང་གིས་ཞུས་པའི་ཏིང་ངེ་འཛིན་ལས་ལྷག་པའི་ང་རྒྱལ་ཅན་གྱི་ལེའུ་སྟེ་དྲུག་པའོ།། །།བམ་པོ་གསུམ་པ། བཟང་སྐྱོང་ད་ལྟར་ང་ཏིང་ངེ་འཛིན་འདི་འཆད་པའི་ཚེ་གང་གིས་ང་ལ་མཉེས་པར་
D133.056.0021b01.01བྱེད་པ་དེ་དག་ནི་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་སྡིག་པའི་གྲོགས་པོའི་ལག་ཏུ་སོང་བའམ། དགེ་བའི་བཤེས་གཉེན་དང་བྲལ་བ་མ་གཏོགས་པར་ཏིང་ངེ་འཛིན་འདི་ཐོས་ནས་སྤོང་བའམ། སྨོད་པར་འགྱུར་བ་དེ་ནི་གནས་མ་ཡིན་ཏེ་སྐབས་མེད་དོ། །བཟང་སྐྱོང་འདི་ན་དགེ་བའི་བཤེས་
D133.056.0021b02.01གཉེན་གྱི་ལག་ཏུ་སོང་བ་ལས་ཀྱང་སྐྱེས་བུ་བླུན་པོ་ཁ་ཅིག་ཏིང་ངེ་འཛིན་འདི་ཐོས་ནས་མངོན་པར་དད་པར་མི་བྱེད། ཡིད་ཆེས་པར་མི་བྱེད། མོས་པར་མི་བྱེད་ན། གང་དག་སྡིག་པའི་གྲོགས་པོའི་ལག་ཏུ་སོང་བ་རྣམས་ལྟ་སྨོས་ཀྱང་ཅི་དགོས། བཟང་སྐྱོང་དེ་ཅིའི་ཕྱིར་ཞེ་ན། མང་དུ་ཐོས་པ་དེ་ནི་དེ་
D133.056.0021b03.01ལྟར་བསྒྲུབ་པར་དཀའོ། །སངས་རྒྱས་བལྟ་བ་དེ་ནི་དེ་ལྟར་རྙེད་པར་དཀའོ། །བཟང་སྐྱོང་སངས་རྒྱས་ཀྱི་ཆོས་རྣམས་ལ་མོས་པར་བྱ་བ་ནི་དེ་ལྟར་དཀའོ། །བཟང་སྐྱོང་སངས་རྒྱས་ཀྱི་ཆོས་ཐམས་ཅད་སྐྱེད་པར་བྱེད་པ་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་བྱང་ཆུབ་སེམས་དཔའི་ཏིང་ངེ་འཛིན་
D133.056.0021b04.01འདི་ཡང་དེ་ལྟར་བསྒྲུབ་པར་དཀའོ། །བཟང་སྐྱོང་བྱང་ཆུབ་སེམས་དཔའ་ཁྱིམ་པའམ་རབ་ཏུ་བྱུང་བ་གང་ལ་ལ་ཞིག་ཏིང་ངེ་འཛིན་འདི་ལྟ་བུ་འདི་ཐོས་ནས་མི་སྐྲག་མི་དངང་དངང་བར་མི་འགྱུར། གད་མོས་མི་འདེབས། འཕྱ་བར་མི་བྱེད། སྟིང་བར་མི་བྱེད། སྤོང་བར་མི་བྱེད་པའི་སྟེང་དུ་ཐོས་ནས་ཀྱང་
D133.056.0021b05.01རྗེས་སུ་ཡི་རང་བར་བྱེད། མངོན་པར་དད་པར་བྱེད། ཡིད་ཆེས་པར་བྱེད། འདུན་པར་བྱེད་ཅིང་ཏིང་ངེ་འཛིན་འདི་བསྟན་པ་དང་། གཟུང་བ་དང་། ཀུན་ཆུབ་པར་བྱ་བ་དང་། བཅང་བ་དང་། བཀླག་པ་དང་། ཡི་གེར་བྲི་བ་དང་། བཤད་པ་དང་། བསྒོམ་པའི་ཕྱིར་འདོད་པ་སྐྱེད་པ་ནི་བཟང་སྐྱོང་
D133.056.0021b06.01རིགས་ཀྱི་བུའམ། རིགས་ཀྱི་བུ་མོ་དེ་ལྟ་བུ་དེ་དག་ཐམས་ཅད་དེ་བཞིན་གཤེགས་པས་གཟིགས་སོ། །དེ་དག་ནི་དེ་བཞིན་གཤེགས་པས་མཁྱེན་ཏོ། །བཟང་སྐྱོང་སྐྱེས་བུ་དམ་པ་དེ་ལྟ་བུ་དེ་དག་ཇི་ལྟར་དེ་བཞིན་གཤེགས་པས་གཟིགས་ཤིང་། ཇི་ལྟར་དེ་བཞིན་གཤེགས་པས་མཁྱེན་ཅེ་ན།
D133.056.0021b07.01