完整藏文原文 · 德格版页 当前仅加载第 56 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དང་ལྡན་པའི་རྣམ་པར་རྟོག་པ་རྣམ་པར་བརྟག་པར་ནི་མི་བྱའོ། །ཆོས་ལ་ཆོས་ཀྱི་རྗེས་སུ་བལྟ་བར་བྱ་སྟེ། ཆོས་དང་ལྡན་པའི་རྣམ་པར་རྟོག་པ་རྣམ་པར་བརྟག་པར་ནི་མི་བྱའོ། །བཟང་སྐྱོང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། བྱང་
D133.056.0043b01.01ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ་རྣམས་དང་། ཉན་ཐོས་ལུས་མངོན་སུམ་དུ་བྱེད་པ་རྣམས་མ་གཏོགས་པར་ཏིང་ངེ་འཛིན་འདི་ལ་སུ་ཞིག་མངོན་པར་དད་པར་འགྱུར། བཟང་སྐྱོང་དེ་ཅིའི་ཕྱིར་ཞེ་ན། ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་བྱང་ཆུབ་སེམས་
D133.056.0043b02.01དཔའི་ཏིང་ངེ་འཛིན་འདི་ལ་བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ནི་འཁྲུལ་ཏོ། །བཟང་སྐྱོང་དེ་ཅིའི་ཕྱིར་ཞེ་ན། ཆོས་དེ་དག་ཉིད་ཡིད་ལ་བྱ། ཆོས་དེ་དག་ཉིད་ལ་བལྟ་བར་བྱ། སངས་རྒྱས་བཅོམ་ལྡན་འདས་དག་ཀྱང་ཡིད་ལ་བྱ། དེ་བཞིན་གཤེགས་པ་རྣམས་ཀྱང་བལྟ་བར་བྱ། ཆོས་ཀྱང་
D133.056.0043b03.01མཉན་པར་བྱ་སྟེ་མངོན་པར་ཞེན་པར་ནི་མི་བྱའོ། །བཟང་སྐྱོང་དེ་ཅིའི་ཕྱིར་ཞེ་ན། ཆོས་འདི་དག་ཐམས་ཅད་ནི་རང་བཞིན་གྱིས་སྟོང་པ། རང་བཞིན་གྱིས་ཡོངས་སུ་དག་པ་སྟེ། ཐོག་མ་ཉིད་ནས་ཉེ་བར་ཞི་བའོ། །བཟང་སྐྱོང་ཆོས་འདི་དག་ཐམས་ཅད་ནི་དམིགས་པའི་དབང་དུ་གྱུར་པས་
D133.056.0043b04.01དམིགས་སུ་མེད་པའོ། །ཆོས་འདི་དག་ཐམས་ཅད་ནི་ཡིད་ལ་བྱ་བ་དེ་ཉིད་ཀྱིས་དབེན་པའོ། །ཆོས་འདི་དག་ཐམས་ཅད་ནི་རང་བཞིན་གྱིས་དམིགས་སུ་མེད་པས་གཟུང་དུ་མེད་པའོ། །ཆོས་འདི་དག་ཐམས་ཅད་ནི་ནམ་མཁའ་དང་འདྲ་བས་མི་ཆགས་པའོ། །ཆོས་འདི་དག་ཐམས་ཅད་ནི་བདག་
D133.056.0043b05.01དང་སེམས་ཅན་གྱི་འདུ་ཤེས་དང་བྲལ་བའི་ཕྱིར་ཤིན་ཏུ་རྣམ་པར་དག་པའོ། །ཆོས་འདི་དག་ཐམས་ཅད་ནི་རྒྱུའི་དབང་ལས་གྱུར་པས་ཉོན་མོངས་པ་མེད་པའོ། །ཆོས་འདི་དག་ཐམས་ཅད་ནི་སྲོག་དང་གང་ཟག་མི་དམིགས་པའི་ཕྱིར་བགྲང་དུ་མེད་པའོ། །ཆོས་འདི་དག་ཐམས་ཅད་ནི་རང་བཞིན་གྱིས་
D133.056.0043b06.01འོད་གསལ་བས་མྱ་ངན་ལས་འདས་པ་དང་མཉམ་པའོ། །ཆོས་འདི་དག་ཐམས་ཅད་ནི་དངོས་པོ་མི་དམིགས་པའི་ཕྱིར་ཉེ་བར་གྱུར་པའོ། །བཟང་སྐྱོང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཏིང་ངེ་འཛིན་འདི་བསྒོམ་པར་འདོད་པར་གྱུར་ན། དེས་ཅི་ནས་ཀྱང་སངས་རྒྱས་བཅོམ་ལྡན་འདས་
D133.056.0043b07.01