完整藏文原文 · 德格版页 当前仅加载第 56 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
རམ། མཛའ་བཤེས་སམ། ཉེ་དུའམ། སྣག་གི་གཉེན་མཚམས་སམ། མཛའ་བོའམ། ཡིད་དུ་འོང་བ་དང་། སྡུག་པ་དང་མི་འཐུན་པ་མེད་པ་དག་མཐོང་ལ། དེ་རྨི་ལམ་ན་དེ་དག་དང་ལྷན་ཅིག་ཏུ་རྩེ་ཞིང་དགའ་ལ་དགའ་དགུར་སྤྱོད་ཅིང་། སྨྲ་ཀུན་ཏུ་སྨྲ་བར་རྨིས་པ་ལས་
D133.056.0011b01.01དེ་སད་ནས་ཇི་ལྟར་མཐོང་བ་དང་། ཐོས་པ་དང་། བྱེ་བྲག་ཕྱེད་པ་དང་། རྣམ་པར་ཤེས་པ་དང་། སྨྲས་པ་དང་། ཀུན་ཏུ་སྨྲས་པ་དེ་ཐམས་ཅད་གཞན་དག་ལ་ཡང་བརྗོད་ཅིང་། དེ་རྨི་ལམ་གྱི་མཚན་མ་རྗེས་སུ་དྲན་པས་མཆི་མ་ཀློག་པར་བྱེད་པ་དེ་བཞིན་དུ། བཟང་སྐྱོང་བྱང་ཆུབ་
D133.056.0011b02.01སེམས་དཔའ་ཁྱིམ་པའམ། རབ་ཏུ་བྱུང་བ་ཡང་རུང་གཅིག་པུ་དབེན་པར་སོང་སྟེ་འདུག་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་ཇི་སྐད་དུ་ཐོས་པའི་རྣམ་པས་ཡིད་ལ་བྱས་ཏེ། ཚུལ་ཁྲིམས་ཀྱི་ཕུང་པོ་ལ་སྐྱོན་མེད་ཅིང་དྲན་པ་
D133.056.0011b03.01གཡེང་བ་མེད་པར་ཉིན་ཞག་གཅིག་གམ། གཉིས་སམ། གསུམ་མམ། བཞིའམ། ལྔའམ། དྲུག་གམ། ཉིན་ཞག་བདུན་དུ་ཡིད་ལ་བྱའོ། །དེ་གལ་ཏེ་ཉིན་ཞག་བདུན་དུ་སེམས་མི་གཡེང་བར་དེ་བཞིན་གཤེགས་པ་ཚེ་དཔག་མེད་ཡིད་ལ་བྱེད་ན་དེ་ཉིན་ཞག་བདུན་
D133.056.0011b04.01ཡོངས་སུ་ཚང་སྟེ་འདས་ནས། བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་མཐོང་ངོ་། །དེ་གལ་ཏེ་ཉིན་མོ་བཅོམ་ལྡན་འདས་དེ་མ་མཐོང་ན། དེ་ཉལ་བའི་རྨི་ལམ་དུ་བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་དེའི་ཞལ་སྟོན་ཏོ། །བཟང་སྐྱོང་འདི་ལྟ་སྟེ་དཔེར་ན་
D133.056.0011b05.01བུད་མེད་དམ་སྐྱེས་པ་ཉལ་བའི་རྨི་ལམ་ན་བདག་ཉིད་ཁྱིམ་ན་འདུག་པར་ཡང་མི་ཤེས། ཕྱོགས་ན་འདུག་པར་ཡང་མི་ཤེས་ཤིང་། དེའི་མིག་གི་དབང་པོ་ལ་རྩིག་པས་སྒྲིབ་པར་ཡང་མི་བྱེད། མུན་པ་དང་རབ་རིབ་ཏུ་ཡང་མི་བྱེད་པ་དེ་བཞིན་དུ། བཟང་སྐྱོང་བྱང་ཆུབ་སེམས་དཔའ་
D133.056.0011b06.01སེམས་དཔའ་ཆེན་པོ་དེ་ཡང་ཇི་ལྟར་འཇིག་རྟེན་གྱི་བར་དག་གིས་སྒྲིབ་པར་ཡང་མི་བྱེད། རིའི་རྒྱལ་པོ་རི་རབ་དང་། རིའི་རྒྱལ་པོ་ཁོར་ཡུག་དང་། ཁོར་ཡུག་ཆེན་པོ་དང་། དེ་བཞིན་དུ་གཞན་ཡང་རི་ནག་པོ་རྣམས་ཀྱིས་མིག་གི་དབང་པོ་ལ་སྒྲིབ་པར་མི་བྱེད་པ་དེ་ལྟ་དེ་ལྟར་སེམས་
D133.056.0011b07.01