完整藏文原文 · 德格版页 当前仅加载第 56 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོང་ཆོས་འདི་དག་ནི་མངོན་པར་ཞེན་པ་མེད་པའི་མངོན་སུམ་དུ་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །མེ་ལོང་ཕྱིས་པའམ་འབྲུ་མར་སྣོད་དག་ལ། །བུད་མེད་བརྒྱན་པས་བཞིན་ནི་བལྟས་བྱས་ཏེ། །དེ་ལ་དེ་ནི་འདོད་ཆགས་སྐྱེས་གྱུར་ནས། །
D133.056.0027b01.01འདོད་པ་ཚོལ་ཞིང་ཀུན་ཏུ་རྒྱུག་པར་བྱེད། །མེད་པའི་ཆོས་ལ་བུད་མེད་ཕྱིན་ཅི་ལོག །མི་བཟད་གདུངས་ཤིང་འདོད་པས་གཟིར་གྱུར་པ། །བུད་མེད་རང་གི་ལུས་ཀྱིས་བསླུས་གྱུར་པ། །ཆོས་འདི་རྣམས་ནི་གསོག་ཏུ་མི་ཤེས་ལྟར། །བྱང་ཆུབ་འཚང་རྒྱ་བདུད་རྩི་རིག་འགྱུར་ཞིང་། །སྡུག་
D133.056.0027b02.01བསྔལ་གཟིར་བའི་སེམས་ཅན་དགྲོལ་འགྱུར་སྙམ། །བྱང་ཆུབ་སེམས་དཔའ་སེམས་ནི་དེ་བཞིན་ཏེ། །མི་ཤེས་པས་ནི་སེམས་ཅན་ཞེས་ཀྱང་བྱ། །དོན་དམ་ལ་ནི་གང་ཞིག་སྐྱེ་འཆི་དང་། །མྱ་ངན་འདའ་བའི་སེམས་ཅན་འགའ་མི་དམིགས། །ཆོས་རྣམས་གཟུང་མེད་ནམ་མཁའི་ཟླ་
D133.056.0027b03.01བ་འདྲ། །བྱང་ཆུབ་བཙལ་ཀྱང་རྙེད་པར་མི་འགྱུར་ཏེ། །གཟུགས་བརྙན་ལྟ་བུ་ནམ་མཁའི་ཟླ་བ་འདྲ། །སྒྱུ་མ་ལྟ་བུ་སྟོང་པ་སྨིག་རྒྱུ་འདྲ། །ཆོས་རྣམས་དངོས་པོ་མེད་ཅིང་རང་བཞིན་སྟོང་། །དེ་ལ་བྱིས་པ་རྟག་ཏུ་ཡོད་འདུ་ཤེས། །འདི་ལ་མི་ནི་ཉོན་མོངས་འགའ་མེད་པར། །བྱང་ཆུབ་
D133.056.0027b04.01མཁས་པ་གང་གིས་ཤེས་གྱུར་ཅིང་། །འཇིག་རྟེན་འཁྲུལ་བར་དོན་དམ་ཤེས་གྱུར་ན། །དེ་ནི་འཇིག་རྟེན་གཙོ་བོ་སངས་རྒྱས་འགྱུར། །སངས་རྒྱས་བྱང་ཆུབ་སེམས་ཀྱིས་བརྟགས་པ་ཡིན། །སེམས་ཀྱང་རྣམ་དག་རང་བཞིན་འོད་གསལ་ཞིང་། །རྙོག་མེད་འགྲོ་བ་ཀུན་དང་མ་འདྲེས་པར། །གང་
D133.056.0027b05.01གིས་ཤེས་པ་བྱང་ཆུབ་མཆོག་འཚང་རྒྱ། །ཆོས་ཀུན་ཟག་པ་མེད་ཅིང་གཟུགས་མེད་ལ། །དབེན་ཞིང་སྟོང་པར་རྣམ་པར་མི་རྟོག་པར། །འདོད་ཆགས་བྲལ་ཞིང་སེམས་ནི་རྣམ་གྲོལ་ཏེ། །གང་གིས་ཤེས་པས་ཏིང་འཛིན་འདི་ཐོབ་བོ། །རྒྱལ་བའི་སྐུ་ལ་དམིགས་པར་བྱས་ནས་སུ། །རང་
D133.056.0027b06.01བཞིན་རྣམ་དག་ཆོས་ནི་མཉན་པར་བྱོས། །སྒོམ་དང་རྣམ་སྒོམ་{ཆུང་ཟད་,ཅུང་ཟད་}འདིར་མ་བྱེད། །ཏིང་འཛིན་འདི་ནི་རྙེད་པར་དཀའ་མི་འགྱུར། །ནམ་མཁའི་འདུ་ཤེས་ལ་ནི་གནས་བྱས་ན། །ཕྲ་རབ་རྡུལ་གྱི་འདུ་ཤེས་འགག་པར་འགྱུར། །རྟོག་པ་མེད་ཅིང་མ་བྱས་ཞིག་མེད་པར། །གང་གིས་ཤེས་
D133.056.0027b07.01