完整藏文原文 · 德格版页 当前仅加载第 56 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་སྐྱོང་ཁྱོད་གང་ན་བ་དེར་སོང་ནས་ཕྱིན་པ་དང་ཏིང་ངེ་འཛིན་འདི་བརྗོད་དོ། །བཟང་སྐྱོང་དེ་ལ་ཁྱོད་ཀྱིས་ཅི་ནས་ཀྱང་བྱང་ཆུབ་སེམས་དཔའ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དེ་ལྟ་དེ་ལྟར་ཆོས་སྟོན་ཏོ། །དེ་ལ་ངས་ཀྱང་སྐྱེས་བུ་དེ་ནི་མ་འོངས་
D133.056.0013b01.01པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པ་རྙེད་པ་ཞེས་བྱ་བར་འགྱུར་རོ་ཞེས་ལུང་སྟོན་ཏོ། །བཟང་སྐྱོང་ཁྱོད་ཉིད་དང་གནས་བརྟན་འོད་སྲུང་ཆེན་པོ་དང་། བྱང་ཆུབ་སེམས་དཔའ་དབང་པོས་བྱིན་དང་། བྱང་ཆུབ་སེམས་དཔའ་
D133.056.0013b02.01མཚམས་{བཟངས་,བཟང་}དང་། གཞན་ཡང་བྱང་ཆུབ་སེམས་དཔའ་གང་གིས་ཏིང་ངེ་འཛིན་འདི་ཐོབ་པ་རྣམས་ཏིང་ངེ་འཛིན་འདི་ལས་དབང་དུ་གྱུར་པ་ཡིན་ཏེ། བཟང་སྐྱོང་སྔོན་བྱུང་བ་འདས་པའི་དུས་ན་སྐྱེས་བུ་གཅིག་ཅིག་དགོན་པའི་མྱ་ངམ་ཞིག་ཏུ་སོང་བ་དང་། དེ་བཀྲེས་ཤིང་སྐོམས་ནས་
D133.056.0013b03.01རྨུགས་པ་དང་གཉིད་ཀྱིས་ནོན་ཏེ་དེ་ཉལ་བ་དང་། རྨི་ལམ་ན་བཟའ་བ་དང་། བཏུང་བ་མང་པོ་ཞིག་རྙེད་དོ། །རྙེད་ནས་ཀྱང་ཇི་ཙམ་ཆོག་པར་ཟོས་ཏེ། བཀྲེས་པ་དང་སྐོམ་པ་དེ་དག་ཀྱང་མེད་པར་གྱུར་ཏོ། །དེ་སད་པ་དང་ཡང་ལུས་དང་ལྟོ་མ་རྒྱས་པར་གྱུར་ནས། དེ་འདི་སྙམ་དུ་
D133.056.0013b04.01འདི་ལྟ་སྟེ། རྨི་ལམ་དང་འདྲ་བ་དེ་ལྟ་བུའི་ཆོས་ཤིག་ཡོད་དོ་སྙམ་སྟེ། དེ་དེ་ལྟར་རྟོགས་པས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པར་གྱུར་ཏོ། །བཟང་སྐྱོང་དེ་བཞིན་དུ་བྱང་ཆུབ་སེམས་དཔའ་
D133.056.0013b05.01ཁྱིམ་པའམ་རབ་ཏུ་བྱུང་བ་ཡང་རུང་། ཕྱོགས་གང་དང་གང་ན་དེ་བཞིན་གཤེགས་པ་བཞུགས་པར་ཐོས་པའི་ཕྱོགས་དེ་དང་དེ་ལོགས་སུ་དེ་བཞིན་གཤེགས་པ་དེ་ཡིད་ལ་བྱས་ན་དེས་སངས་རྒྱས་མཐོང་བ་ཐོབ་པོ། །དེས་དངོས་པོའི་འདུ་ཤེས་སུ་མི་བྱའི་ནམ་མཁའི་འདུ་ཤེས་སུ་
D133.056.0013b06.01བྱ་སྟེ། དེ་ནམ་མཁའི་འདུ་ཤེས་ལ་ཤིན་ཏུ་གནས་ཤིང་སངས་རྒྱས་ཀྱི་འདུ་ཤེས་སུ་ཤིན་ཏུ་ཡིད་ལ་བྱས་པས། དེ་བཞིན་གཤེགས་པ་བཻདཱུརྱའི་སྐུ་གཟུགས་ལྟ་བུ་བཟང་པོ་བྱང་ཆུབ་སེམས་དཔའ་དེས་མངོན་སུམ་དུ་མཐོང་བར་འགྱུར་ཏེ། བྱང་ཆུབ་སེམས་དཔའ་དེས་དེ་བཞིན་
D133.056.0013b07.01