完整藏文原文 · 德格版页 当前仅加载第 56 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་
D133.056.0018a01.01བ་ཡོངས་སུ་རྫོགས་པར་འགྱུར་རོ། །བྱང་ཆུབ་སེམས་དཔའི་ཡོན་ཏན་ཐམས་ཅད་ཡོངས་སུ་རྫོགས་པར་འགྱུར་རོ། །བླ་ན་མེད་པའི་ཤེས་རབ་ཀྱི་དབང་པོ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་རྫོགས་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་
D133.056.0018a02.01ཀྱིས་ཚིགས་སུ་བཅད་པ་འདི་དག་གསུངས་སོ། །དཔེར་ན་མིག་ལྡན་མི་ཞིག་མཚན་མོ་དབེན་པའི་དུས། །ནམ་གྱི་གུང་ཐུན་ལྡང་བྱས་ནམ་མཁའ་རྣམ་དག་ལ། །དེས་ནི་སྐར་མ་མང་པོ་བརྒྱ་སྟོང་མཐོང་གྱུར་ཏེ། །དྲན་ལྡན་བསམས་ན་ཉིན་པར་དུ་ཡང་དྲན་པར་འགྱུར། །དེ་ལྟར་བྱང་
D133.056.0018a03.01ཆུབ་སེམས་དཔས་ཏིང་འཛིན་འདི་ཐོབ་ནས། །སངས་རྒྱས་དཔའ་བོ་མང་པོ་བརྒྱ་སྟོང་མཐོང་བར་འགྱུར། །དེ་ལས་ལངས་པའི་དུས་དེ་ན་ཡང་དྲན་འགྱུར་ཞིང་། །འཁོར་ལ་འཇིག་རྟེན་མགོན་པོ་འདི་འདྲའོ་ཞེས་ཀྱང་སྨྲ། །ཇི་ལྟར་ངའི་མིག་སངས་རྒྱས་སྤྱན་དེ་རྣམ་དག་ལ། །རབ་རིབ་
D133.056.0018a04.01མེད་ཅིང་ཡོངས་དག་དེས་ནི་འཇིག་རྟེན་ལྟ་བ་ལྟར། །དེ་ལྟར་རྒྱལ་སྲས་བྱང་ཆུབ་སེམས་དཔའ་རྣམས་ཀྱི་སྤྱན། །རྡུལ་མེད་ཏིང་འཛིན་འདི་ཡིན་དེས་ནི་མི་དབང་མཐོང་། །སྟོབས་བཅུ་རྐང་གཉིས་དབང་པོ་འཇིག་རྟེན་གཙོ་ལྟའི་ཚེ། །ཐུབ་རྣམས་དངོས་པོའི་འདུ་ཤེས་ནམ་ཡང་མི་སྐྱེད་དོ། །
D133.056.0018a05.01དུག་བཅོམ་ཡོངས་དག་དངོས་པོའི་འདུ་ཤེས་མེད་པ་ཡི། །བྱང་ཆུབ་སེམས་དཔའ་གཙོ་བོའི་ཡོན་ཏན་ཁྱད་པར་ཉོན། ཆོས་མཆོག་བསིལ་བ་དེ་དག་ཀྱང་ནི་མཉན་པར་བྱོས། །སྟོང་པ་ཉིད་ཆོས་བདེ་བ་མྱུར་དུ་དྲན་པར་བྱོས། །ངས་ཀྱང་རྒྱལ་བའི་བྱང་ཆུབ་རྙེད་ནས་སྐྱེ་དགུ་ལ། །སྐྱེ་
D133.056.0018a06.01བོ་མང་ལ་བདེ་བའི་ཆོས་འདི་བཤད་པར་བྱ། །ཇི་ལྟར་བྱང་ཆུབ་སེམས་དཔའ་ཚེ་དཔག་མེད་སྐྱེས་ནས། །འཇིག་རྟེན་མགོན་པོ་བརྒྱ་སྟོང་མང་པོ་མཐོང་གྱུར་པ། །དེ་ལྟར་བྱང་ཆུབ་སེམས་དཔའི་ཏིང་འཛིན་འདི་ཐོབ་ན། །སངས་རྒྱས་དཔའ་བོ་མང་པོ་བརྒྱ་སྟོང་མཐོང་བར་འགྱུར། །ཇི་ལྟར་
D133.056.0018a07.01