完整藏文原文 · 德格版页 当前仅加载第 56 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཀྱི་སེམས་ཡོངས་སུ་ཚོལ་བ། ཕ་རོལ་ཏུ་ཕྱིན་པ་རྣམས་ལ་སེམས་མཉམ་པ། དེ་བཞིན་གཤེགས་པ་རྣམས་བལྟ་བ་ལ་ཡང་དག་པའི་མཐའ་དང་མཉམ་པ། སངས་རྒྱས་ཐམས་ཅད་ལ་ཡོན་ཏན་གྱི་ཆོས་ཐམས་ཅད་མཉམ་པ་འདི་ནི་བཟང་
D133.056.0011a01.01སྐྱོང་ད་ལྟར་གྱི་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་ཅེས་བྱའོ། །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་གཉིས་པའོ།། །།བཟང་སྐྱོང་ཆོས་དེ་རྣམས་ནི་ཏིང་ངེ་འཛིན་དེ་ཡོངས་སུ་སྐྱེད་པར་འགྱུར་ཏེ། བཟང་སྐྱོང་དེ་ལ་ཏིང་ངེ་འཛིན་
D133.056.0011a02.01གང་ཆོས་དེ་རྣམས་ཀྱིས་ཡོངས་སུ་སྐྱེད་པར་འགྱུར་བའི་ཏིང་ངེ་འཛིན་དེ་གང་ཞེ་ན། འདི་ལྟ་སྟེ། ད་ལྟར་གྱི་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་ཏོ། །བཟང་སྐྱོང་ད་ལྟར་གྱི་སངས་རྒྱས་མངོན་སུམ་དུ་བཞུགས་པ་ཞེས་བྱ་བའི་ཏིང་ངེ་འཛིན་དེ་ཡང་གང་ཞེ་ན།
D133.056.0011a03.01བཟང་སྐྱོང་དེ་ལ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་ཚུལ་ཁྲིམས་ཡོངས་སུ་རྫོགས་པར་སྤྱོད་པར་འགྱུར་ལ། དེས་གཅིག་པུ་དབེན་པར་སོང་སྟེ་འདུག་ནས་འདི་སྙམ་དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D133.056.0011a04.01པའི་སངས་རྒྱས་ཚེ་དཔག་མེད་དེ་ཕྱོགས་གང་རོལ་ན་གནས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཅིང་བཞུགས་སྙམ་དུ་སེམས་བསྐྱེད་པར་བྱའོ། །དེས་ཇི་སྐད་དུ་ཐོས་པའི་རྣམ་པས་སངས་རྒྱས་ཀྱི་ཞིང་འདི་ནས་ནུབ་ཕྱོགས་ལོགས་སུ་སངས་རྒྱས་ཀྱི་ཞིང་བྱེ་བ་ཕྲག་འབུམ་
D133.056.0011a05.01འདས་པ་ན་འཇིག་རྟེན་གྱི་ཁམས་བདེ་བ་ཅན་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་དེ། ད་ལྟར་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་མདུན་དུ་བདར་ཏེ་བཞུགས་སོ། །འཚོའོ་
D133.056.0011a06.01གཞེས་སོ། །ཆོས་ཀྱང་སྟོན་ཏོ་སྙམ་དུ་ཡིད་ལ་བྱེད་དེ། དེས་ཀྱང་སེམས་མ་གཡེངས་པས་དེ་བཞིན་གཤེགས་པ་ཡིད་ལ་བྱེད་དོ། །བཟང་སྐྱོང་འདི་ལྟ་སྟེ་དཔེར་ན་སྐྱེས་པའམ། བུད་མེད་གང་ལ་ལ་ཞིག་ཉལ་བའི་རྨི་ལམ་དུ་གཟུགས་ཀྱི་རྣམ་པ་མཐོང་སྟེ། དངུལ་ལམ། གསེར་
D133.056.0011a07.01