完整藏文原文 · 德格版页 当前仅加载第 56 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་མཆོག་དག་ནི། །མཁའ་ལ་འཕུར་ན་དཀར་ཞིང་རྣམ་དག་མཛེས། །དེ་ལྟར་བདེ་བར་གཤེགས་པ་གསེར་གྱི་མདོག །བདེ་གཤེགས་སྲས་ཀྱི་ཐུ་བོ་རྣམས་ཀྱང་དྲན། །ཇི་ལྟར་རི་རྒྱལ་གངས་ཅན་ལྷམ་མེ་ཞིང་། །ལྷག་གེ་བ་དང་རྒྱལ་རིགས་རྒྱལ་པོ་འམ། །
D133.056.0053a01.01ཇི་ལྟར་ཀ་བ་རིན་ཆེན་སྣ་ཚོགས་བརྒྱན། །དེ་ལྟར་རྒྱལ་བ་མཚན་གྱིས་བརྒྱན་པར་བལྟ། །མི་གཡོ་མ་རལ་ཇི་ལྟར་རྡོ་རྗེ་འདྲ། །ཁོར་ཡུག་རི་ནི་རླུང་གི་བུ་སྐྱེས་འཛིན། །དེ་ལྟར་བདེ་གཤེགས་བསྐལ་པ་ཕྱོགས་འཛིན་ཅིང་། །ཕན་དང་ལྡན་ཞིང་བྱམས་ལྡན་ཆོས་ཀྱང་ཆེ། །ཇི་ལྟར་ཆུ་ལ་ས་དག་
D133.056.0053a02.01རྟེན་པ་དང་། །ཇི་ལྟར་རླུང་ལ་ཆུ་ཡང་རྟེན་པ་དང་། །ཇི་ལྟར་ནམ་མཁའ་ལ་ནི་རླུང་རྟེན་པ། །དེ་ལྟར་རྒྱལ་བ་ཡོན་ཏན་ཀུན་ལ་བཞུགས། །ཇི་ལྟར་སུམ་ཅུ་རྩ་གསུམ་རི་རབ་རྒྱལ། །ལྷན་ནེ་ལྷག་གེ་ཐམས་ཅད་ཡོངས་སུ་རྒྱས། །དེ་ལྟར་བདེ་གཤེགས་རི་རབ་ལྟ་བུ་ཡང་། །རིན་ཆེན་
D133.056.0053a03.01ཚོགས་ཀྱི་ནང་ན་བཞུགས་པ་མཛེས། །མ་ཆགས་སེམས་ལྡན་རྒྱལ་བ་དྲན་བྱེད་ན། །མུན་དང་བྲལ་ཞིང་མི་སྣང་མེད་པ་ཡི། །ཏིང་འཛིན་རྡུལ་བྲལ་རྣམ་དག་དེ་མིག་འགྱུར། །དེ་ནི་དངོས་པོའི་འདུ་ཤེས་ཀུན་དང་བྲལ། །རྒྱལ་བ་རྣམ་དག་སེམས་ནི་དྲན་བྱེད་ན། །རྡུལ་དང་དྲི་མ་བྲལ་
D133.056.0053a04.01ཞིང་ཁྲོ་བ་སྤངས། །མ་རིག་བྲལ་ཞིང་དེ་ཡི་ཡེ་ཤེས་དག །དེ་ཡི་ཡེ་ཤེས་རྡུལ་བྲལ་འབྱུང་བར་འགྱུར། །རྒྱལ་བ་ཚུལ་ཁྲིམས་རྣམ་དག་དྲན་བྱེད་ན། །དེ་ཡི་ཡེ་ཤེས་རབ་རིབ་བྲལ་ཞིང་དག །ང་དང་བདག་ལྟ་དེ་ལ་ཕྱིས་ཀྱང་མེད། །དངོས་པོའི་འདུ་ཤེས་ནམས་ཀྱང་འབྱུང་མི་
D133.056.0053a05.01འགྱུར། །དེ་ནི་སྲིད་པའི་རྒྱུད་ལ་ལྟ་དང་བྲལ། །ཐེ་ཚོམ་ལམ་བྲལ་ཡེ་ཤེས་རྣམ་པར་དག །ནམས་ཀྱང་གཟུགས་ཀྱི་འདུ་ཤེས་མི་འགྱུར་ཞིང་། །ཞི་ལམ་བསིལ་བའི་དངོས་པོའི་ཆོས་ཀྱང་ཉན། །ས་དང་ཆུ་དང་མེ་དང་རླུང་དག་ནི། །རང་གི་དངོས་པོ་མེད་ཅིང་ཐམས་ཅད་སྟོང་། །རྒྱལ་
D133.056.0053a06.01བ་མཆོག་རབ་བསྟན་པ་ཐོས་ནས་ཀྱང་། །དེ་ནི་དངོས་པོའི་འདུ་ཤེས་མི་འབྱུང་ངོ་། །དངོས་སུ་ཤེས་པ་ཐམས་ཅད་ཚར་བཅད་ཅིང་། །འགྲོ་བ་ཐམས་ཅད་སྟོང་པར་རིག་ནས་ཀྱང་། །ཇི་ལྟར་འདབ་ཆགས་ནམ་མཁར་མི་ཆགས་བཞིན། །ནམས་ཀྱང་ཡིད་ནི་ཆགས་པར་མི་འགྱུར་རོ། །མཆོག་
D133.056.0053a07.01