完整藏文原文 · 德格版页 当前仅加载第 56 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
མཛའ་བོའི་ཁྱིམ་དང་ཟས་སྦྱིན་པའི་ཁྱིམ་མི་འདོད་པས་སྲོག་ལ་མི་ལྟ་བར་བྱའོ། །ལུས་གཏོང་བས་ལུས་ལ་མི་ཆགས་པ་དང་། དགོན་པའི་འདུ་ཤེས་ཐོབ་པར་བྱའོ། །རྙེད་པ་དང་བཀུར་སྟི་དང་ཚིགས་སུ་བཅད་པ་ལ་མི་བརྟེན་པ་དང་། དམ་པའི་ཆོས་རབ་ཏུ་གཟུང་བར་བྱའོ། །ལྷུང་བཟེད་
D133.056.0030b01.01དང་ཆོས་གོས་ལ་མི་ཆགས་པ་དང་མི་{སྩོགས་,སོགས་}པར་བྱའོ། །མགྲོན་དུ་གཉེར་མི་དགོས་པར་བསོད་སྙོམས་སྤྱད་པར་བྱའོ། །འཛེམ་ཞིང་འགྱོད་པ་དང་ལྡན་པར་བྱའོ། །གསེར་བདག་གིར་མི་བྱེད་པར་བྱའོ། །ཀུན་ནས་ལྡང་བ་མེད་པས་འགྱོད་པ་དང་བྲལ་བར་བྱའོ། །ཁོང་ཁྲོ་བ་སྤངས་པས་
D133.056.0030b02.01བྱམས་པ་ལ་གནས་པར་བྱའོ། །འཚེ་བ་སྤངས་པས་སྙིང་རྗེ་ལ་གནས་པར་བྱའོ། །མངོན་པར་མི་དགའ་བ་སྤངས་པས་དགའ་བ་ལ་གནས་པར་བྱའོ། །མཚན་མ་ཐམས་ཅད་སྤངས་པས་བཏང་སྙོམས་ལ་གནས་པར་བྱའོ། །བརྩོན་འགྲུས་བརྩམས་པས་བསླབ་པ་འདོད་པར་བྱའོ། །རྨུགས་
D133.056.0030b03.01པ་དང་གཉིད་ཀྱིས་མི་ནོན་པར་འཆག་པ་ལ་ཞུགས་པར་བྱའོ། །བཟང་སྐྱོང་དེ་བས་ན་བྱང་ཆུབ་སེམས་དཔའ་ཁྱིམ་གྱི་གནས་ནས་བྱུང་བ་ཏིང་ངེ་འཛིན་འདི་ཐོས་ནས་ལུང་མནོད་པ་དང་། བསྒོམ་པར་འདོད་པ་དེས་ཆོས་དེ་དག་ལ་གནས་ཏེ། ཏིང་ངེ་འཛིན་འདི་ལུང་མནོད་པར་བྱའོ། །བསྒོམ་པར་
D133.056.0030b04.01བྱའོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདི་ལྟར་རྒྱ་ཆེ་ཞིང་བཟང་བའི་ཆོས་འདི་དག་དེ་བཞིན་གཤེགས་པས་བསྟན་ཅིང་གསུངས་པ་ནི་ངོ་མཚར་ཏོ། །
D133.056.0030b05.01བཙུན་པ་བཅོམ་ལྡན་འདས་བྱང་ཆུབ་སེམས་དཔའ་ལེ་ལོ་ཅན་གང་དག་འབྱུང་བ་དེ་དག་ནི་ཏིང་ངེ་འཛིན་འདི་ཐོས་ནས། སྐྲག་པར་འགྱུར། དངང་བར་འགྱུར། དངང་བར་བགྱིད་པར་འགྱུར་རོ། །ཆོས་དེ་ལྟ་བུར་བཟང་བ་དེ་དག་འཆད་པ་ལ་ཡང་དགའ་བ་དང་། མགུ་བ་དང་། དང་བ་རྒྱ་ཆེན་
D133.056.0030b06.01པོ་མི་འཐོབ་ཅིང་དེ་དག་འདི་སྙམ་དུ་བདག་ཅག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཞན་ལས་ཏིང་ངེ་འཛིན་འདི་བསྒྲུབ་པར་བྱའོ། །ད་ལྟར་ནི་བདག་ཅག་ལུས་སྐེམ་ཞིང་ནད་མང་ངོ་སྙམ་དུ་སེམས་པར་འགྱུར་ཏེ། དེ་དག་ད་ལྟར་གྱི་སངས་རྒྱས་མངོན་
D133.056.0030b07.01