完整藏文原文 · 德格版页 当前仅加载第 56 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྨྲ་བས་གང་ལ་སངས་རྒྱས་ཀྱི་རིགས་སོ། །ཆོས་ཀྱི་རིགས་སོ། །དགེ་འདུན་གྱི་རིགས་སོ། །སངས་རྒྱས་ཀྱི་སའོ། །ཐོས་པའི་རིགས་སོ། །ཐོས་པ་རྒྱ་མཚོ་ལྟ་བུའོ། །ཐོས་པ་བསགས་པའོ། །ཐོས་པའི་གཞིའོ། །ཡོན་ཏན་བསགས་པའོ། །བཟོད་པ་སྐྱེད་པའོ། །
D133.056.0043a01.01བྱམས་པ་སྐྱེད་པའོ། །སྙིང་རྗེ་ཐོབ་པའོ། །བྱང་ཆུབ་སྐྱེད་པའི་ཆོས་སོ་ཞེས་སྨྲ་བ་དེ་དག་ནི་བཟང་སྐྱོང་ཏིང་ངེ་འཛིན་འདི་ལ་ཡང་དག་པར་སྨྲ་བས་སྨྲ་བ་ཡིན་ནོ། །ཡང་བཟང་སྐྱོང་ཡང་དག་པར་སྨྲ་བས་གང་ལ་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་མུན་པ་སེལ་བར་བྱེད་པའི་ཆོས་
D133.056.0043a02.01སོ། །སྣང་བ་ཆེན་པོ་བྱེད་པའི་ཆོས་སོ་ཞེས་སྨྲ་བ་དེ་དག་ནི་བཟང་སྐྱོང་ཏིང་ངེ་འཛིན་འདི་ལ་ཡང་དག་པར་སྨྲ་བས་སྨྲ་བ་ཡིན་ནོ། །ཡང་བཟང་སྐྱོང་ཡང་དག་པར་སྨྲ་བས་གང་ལ་དེ་བཞིན་གཤེགས་པའི་སྟོབས་བཅུ་དང་། དེ་བཞིན་གཤེགས་པའི་མི་འཇིགས་པ་བཞི་དང་། སོ་སོ་ཡང་དག་
D133.056.0043a03.01པར་རིག་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་སྐྱེད་པར་བྱེད་པའི་ཆོས་སོ་ཞེས་སྨྲ་བ་དེ་དག་ནི་བཟང་སྐྱོང་ཏིང་ངེ་འཛིན་འདི་ལ་ཡང་དག་པར་སྨྲ་བས་སྨྲ་བ་ཡིན་ནོ། །བཟང་སྐྱོང་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དག་འདི་ཉིད་ན་འདུག་བཞིན་དུ། འཇིག་རྟེན་
D133.056.0043a04.01གྱི་ཁམས་གཞན་དག་གི་སངས་རྒྱས་ཀྱང་ལྟ། ཆོས་ཀྱང་ཉན། དགེ་འདུན་ཡང་ལྟ་བར་བྱེད་པའི་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་བྱང་ཆུབ་སེམས་དཔའི་ཏིང་ངེ་འཛིན་འདི་ཇི་ཙམ་དུ་རྒྱ་ཆེ་བ་ལ་ལྟོས། བཟང་སྐྱོང་དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་
D133.056.0043a05.01འཛིན་རིན་པོ་ཆེ་འདི་སྒྲུབ་པར་འདོད་པས། དྲན་པ་ཉེ་བར་གཞག་པ་བཞི་ལ་བརྟུལ་བ་བརྟན་པར་བྱའོ། །བཟང་སྐྱོང་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་དྲན་པ་ཉེ་བར་གཞག་པ་བཞི་ལ་བརྟུལ་བ་བརྟན་པར་བྱ་ཞེ་ན། བཟང་སྐྱོང་འདི་ལ་བྱང་ཆུབ་སེམས་དཔའ་སེམས་དཔའ་ཆེན་
D133.056.0043a06.01པོས་ལུས་ལ་ལུས་ཀྱི་རྗེས་སུ་བལྟ་བར་བྱ་སྟེ། ལུས་དང་ལྡན་པའི་རྣམ་པར་རྟོག་པ་རྣམ་པར་བརྟག་པར་ནི་མི་བྱའོ། །ཚོར་བ་ལ་ཚོར་བའི་རྗེས་སུ་བལྟ་བར་བྱ་སྟེ། ཚོར་བ་དང་ལྡན་པའི་རྣམ་པར་རྟོག་པ་རྣམ་པར་བརྟག་པར་ནི་མི་བྱའོ། །སེམས་ལ་སེམས་ཀྱིས་རྗེས་སུ་བལྟ་བར་བྱ་སྟེ།
D133.056.0043a07.01