完整藏文原文 · 德格版页 当前仅加载第 56 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་ཚོལ། །དེ་དག་ཀུན་གྱིས་ལས་འདི་བྱས་པའི་ཕྱིར། །སྟོང་ཕྲག་དྲུག་ཅུ་རྩ་བརྒྱད་ཚང་བ་ཡི། །སངས་རྒྱས་མཐུ་ཆེན་རྣམས་ནི་མཉེས་པར་བྱས། །དེ་ལས་ཏིང་འཛིན་འདི་ནི་ཐོས་པར་གྱུར། །དེ་བས་བདེ་བར་གཤེགས་པ་གཞན་དག་ཀྱང་། །སྟོང་ཕྲག་དྲུག་ཅུ་རྩ་
D133.056.0064a01.01བརྒྱད་ཚང་བ་མཆོད། །བདེ་བར་གཤེགས་པ་སེང་གེའི་བློ་གྲོས་ལ། །བདག་ནི་རྗེས་སུ་ཡི་རང་བགྱིད་ཅེས་བརྗོད། །བསོད་ནམས་བྱས་པ་དེ་ཡིས་རྒྱལ་པོ་དེ། །བརྩོན་འགྲུས་བརྟན་པ་ཞེས་བྱའི་སངས་རྒྱས་གྱུར། །སྲོག་ཆགས་བྱེ་བ་ཁྲག་ཁྲིག་བསམ་མི་ཁྱབ། །ཐམས་ཅད་དེ་ཡིས་སྐྱེ་
D133.056.0064a02.01ཞིང་འཆི་ལས་བཀྲོལ། །སྟོང་དུ་ཚང་བའང་རྗེས་སུ་སློབ་སློབ་ནས། །སངས་རྒྱས་གྱུར་ཏེ་དཔའ་བརྟན་ཞེས་བྱ་བར། །ལྷར་བཅས་འཇིག་རྟེན་ལ་ནི་གྲགས་པར་གྱུར། །ཏིང་འཛིན་སྒྲས་ཀྱང་བྱང་ཆུབ་རེག་གྱུར་ན། །སྲིད་པ་ཐམས་ཅད་ལ་ནི་མི་བརྟེན་པར། །གང་ཞིག་ཏིང་འཛིན་འདི་ནི་རྒྱ་ཆེ་བར། །
D133.056.0064a03.01སྟོན་པ་དེ་དག་བྱང་ཆུབ་འགྱུར་བར་ནི། །སྨོས་ཅི་དགོས་ཏེ་ནམ་ཡང་ཐེ་ཙོམ་མེད། །སངས་རྒྱས་ཀྱིས་གསུངས་ཏིང་འཛིན་ཞི་བ་འདི། །དཔག་ཚད་བརྒྱ་ན་གལ་ཏེ་ཡོད་གྱུར་ཀྱང་། །བྱང་ཆུབ་དོན་དུ་གཉེར་བ་ཉིན་མཚན་དུ། །ནམ་ཡང་མི་འདུག་སོང་སྟེ་མཉན་པར་བྱ། །གལ་ཏེ་སོང་ནས་འདི་ནི་
D133.056.0064a04.01མ་རྙེད་ན། །འོན་ཀྱང་དེ་ཡི་བསོད་ནམས་ཚད་མེད་དེ། །དེ་ནི་དེ་ཡི་བྱང་ཆུབ་བསྐྱེད་ཡིན་ན། །གང་གིས་སོང་སྟེ་འདི་ཐོས་སྨོས་མི་དགོས། །དེ་ཕྱིར་གང་ཞིག་ཏིང་འཛིན་འདི་འདོད་པས། །དང་པོར་ཚངས་པས་བྱིན་དེ་དྲན་པར་བྱོས། །དགེ་སློང་གང་ལ་ཏིང་འཛིན་འདི་ཡོད་ལ། །སྐྱོ་བའི་
D133.056.0064a05.01སེམས་ནི་མེད་པར་བསྟེན་པར་བྱ། །རྗེས་སུ་དྲན་ཏེ་སྐྱེ་བ་སྔ་མ་ལ། །སྟོང་ཕྲག་སུམ་ཅུ་རྩ་དྲུག་ལོ་ཚང་བར། །ངས་ནི་ཆོས་སྨྲ་བ་ལ་རྟག་བརྟེན་ཀྱང་། །ཏིང་འཛིན་འདི་ནི་ནམ་ཡང་ཐོས་མ་གྱུར། །སྔོན་གྱི་སངས་རྒྱས་བདེན་པ་ཞེས་བྱ་བྱུང་། །དེ་ན་དགེ་སློང་གཞོན་ནུ་ཐོས་མང་ཞིང་། །བདེ་
D133.056.0064a06.01བར་གཤེགས་པའི་བསྟན་པ་ནུབ་འོག་ཏུ། །དེ་ཚེ་དེས་ནི་ཏིང་འཛིན་འདི་ཉིད་བཟུང་། །ང་ནི་དེ་ན་རྒྱལ་རིགས་རྒྱལ་པོ་སྟེ། །དགེ་སློང་ཆེ་གེ་མོ་ཞིག་ཏིང་འཛིན་འདི། །འཛིན་གྱིས་དྲུང་དུ་ལེགས་པར་ཉོན་ཅིག་ཅེས། །རྨི་ལམ་དུ་ནི་ཏིང་འཛིན་འདི་ཐོས་ནས། །མྱུར་དུ་ལངས་ཏེ་རིངས་པའི་ཚུལ་གྱིས་
D133.056.0064a07.01