完整藏文原文 · 德格版页 当前仅加载第 56 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཏིང་འཛིན་འདི་ཐོབ་པོ། །གཟུགས་ཀུན་རྟོག་པ་མེད་པར་ཤེས་བྱས་ནས། །མིག་གིས་གང་དུ་བལྟས་ཀྱང་མི་ཆགས་ཤིང་། །འཇིག་རྟེན་འདིར་ནི་ཉི་མ་བདུན་ཤར་བ། །དེ་ལྟར་དེས་ནི་སངས་རྒྱས་མཐོང་བར་འགྱུར། །མིག་ཀྱང་རྣམ་དག་རྣ་བའང་ཡོངས་དག་ཅིང་། །
D133.056.0028a01.01བརྩོན་འགྲུས་བརྩམས་ལ་དྲན་ལྡན་ཤེས་བཞིན་གྱིས། །ཏིང་འཛིན་འདི་ནི་ལེགས་པར་བསྒོམ་བྱས་ཏེ། །མང་དུ་ཐོས་པ་བསམ་གྱིས་མི་ཁྱབ་འཛིན། །མི་མཐོང་ཏིང་འཛིན་དེ་ནི་གང་ཡིན་དང་། །སེམས་ཅན་ཀུན་གྱི་ཏིང་འཛིན་གང་ཡིན་ཏེ། །གང་གིས་མི་མཐོང་གང་གིས་རྣམ་མི་མཐོང་། །
D133.056.0028a02.01འདིར་ནི་མུ་སྟེགས་མང་པོ་གཞན་བརླག་འགྱུར། །མཚན་མའི་འདུ་ཤེས་དག་ནི་བསལ་བྱས་ན། །དེ་ནི་སེམས་ཀྱང་རྣམ་དག་སངས་རྒྱས་མཐོང་། །མཐོང་བར་གྱུར་ནས་ཕྱིར་ཡང་མི་མཐོང་ལ། །དེ་ནི་འཇིག་རྟེན་གཙོ་བོ་སངས་རྒྱས་འགྱུར། །དེ་ཡི་མདུན་ན་ས་མེད་ཆུ་ཡང་མེད། །མེ་ཡང་མེད་
D133.056.0028a03.01ཅིང་རླུང་མེད་ནམ་མཁའ་འང་མེད། །དེས་ཀྱང་སངས་རྒྱས་རྣམས་ནི་བཞུགས་གྱུར་ཅིང་། །དམ་པའི་ཆོས་འཆད་པ་ནི་དམིགས་པར་འགྱུར། །ཇི་ལྟར་ང་ནི་ཆོས་འཆད་འདུག་པ་ལ། །གང་དག་ཆོས་འདོད་པ་རྣམས་ལྟ་བ་བཞིན། །སངས་རྒྱས་དེ་བཞིན་ཆོས་མཆོག་མ་གཏོགས་པར། །དེ་ལ་
D133.056.0028a04.01དམིགས་པ་གཞན་ནི་མི་འབྱུང་ངོ་། །དེ་ལྟ་བུ་དང་ལྡན་པ་དག་ལ་ནི། །ཏིང་འཛིན་རྡུལ་བྲལ་འདི་ནི་ལེགས་བཟུང་བའི། །སངས་རྒྱས་མང་པོ་འཆད་པ་མ་གཏོགས་པར། །ཉན་སྟོན་གཞན་ནི་གང་ཡང་མི་དམིགས་སོ། །གང་ཞིག་ཏིང་འཛིན་ཞི་བ་འཕགས་པ་འདི། །མ་བཤད་པ་དང་འཆད་པར་
D133.056.0028a05.01མི་འགྱུར་བའི། །སངས་རྒྱས་སྔར་འདས་གང་ཡང་མ་བྱུང་ཞིང་། །མ་བྱོན་པ་དང་གང་ཡང་མི་བཞུགས་སོ། །སྲོག་ཆགས་དག་ལ་ཕན་ཕྱིར་འཇིག་རྟེན་དུ། །ད་ལྟར་མི་ཡི་མཆོག་ཏུ་ང་བྱུང་བའང་། །སངས་རྒྱས་འདྲེན་འདི་རྗེས་སུ་དྲན་གྱུར་ཏེ། །ཏིང་འཛིན་ཞི་བ་ལྟ་དཀའ་འདི་འཆད་དོ། །ལུས་དང་དེ་
D133.056.0028a06.01བཞིན་སྲོག་ལའང་མི་ལྟ་ཞིང་། །སངས་རྒྱས་ཡོན་ཏན་རྣམས་ནི་ཚོལ་འདོད་པས། །ཏིང་འཛིན་འདི་ལ་གནས་པར་བྱས་ནས་ནི། །སངས་རྒྱས་བྱང་ཆུབ་རྙེད་པར་མི་དཀའོ། །རང་བཞིན་གཅིག་པའི་མི་མཆོག་མང་པོ་དག །མཁས་པ་གང་གིས་མཐོང་ནས་ཞུ་འདོད་པ། །དེས་ནི་རིངས་ཤིང་རིངས་པར་མྱུར་ཚུལ་དུ། །
D133.056.0028a07.01