完整藏文原文 · 德格版页 当前仅加载第 56 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཕྱེད་པའི་དང་བ་ཡིད་ལ་བྱེད་པ་དང་། ཆོས་ལ་གུས་ཤིང་ཉན་འདོད་པ་དང་། ཆོས་ཀྱི་རྗེས་སུ་འཐུན་པའི་ཚིག་བསྒྲུབ་པ་སྟེ། བཟང་སྐྱོང་ཆོས་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཏིང་ངེ་འཛིན་འདི་ཐོབ་པར་འགྱུར་བའོ། །བཟང་སྐྱོང་གཞན་ཡང་བྱང་
D133.056.0068a01.01ཆུབ་སེམས་དཔའ་རྣམས་ཏིང་ངེ་འཛིན་འདི་ཐོབ་པར་འགྱུར་བའི་ཆོས་བཞིའོ། །བཞི་གང་ཞེ་ན་འདི་ལྟ་སྟེ། ཡིད་ལ་ཕྱིན་ཅི་ལོག་མེད་པས་སངས་རྒྱས་ལ་དམིགས་པའི་སེམས་པ་དང་། ཆོས་ལ་ཐེ་ཙོམ་མེད་པས་དམིགས་པའི་ངོ་བོ་ཉིད་རང་བཞིན་གྱིས་དགེ་བ་ལ་རྟོག་པ་དང་། དངོས་པོ་ལ་
D133.056.0068a02.01མཁས་པ་ལ་རྟོག་པས་ངོ་བོ་ཉིད་ཀྱིས་སྟོང་པ། རང་བཞིན་གྱིས་སྟོང་པ། ཤིན་ཏུ་སྟོང་པའི་ཆོས་ཐམས་ཅད་ལ་ཡང་དག་པར་གཞོལ་བ་དང་། འདུ་ཤེས་རྣམ་པར་འཇིག་པ་ལ་མཁས་པ། ཡོངས་སུ་གཅོད་པ་ཤེས་པ་ལ་རྟོག་པས་དངོས་པོ་ཡ་མ་བརླ་རྣམ་པར་འཇིག་པ་སྟེ། བཟང་
D133.056.0068a03.01སྐྱོང་ཆོས་དེ་བཞི་ནི་བྱང་ཆུབ་སེམས་དཔའ་རྣམས་ཏིང་ངེ་འཛིན་འདི་འཐོབ་པར་འགྱུར་བའོ། །བཟང་སྐྱོང་གཞན་ཡང་བྱང་ཆུབ་སེམས་དཔའ་རྣམས་ཏིང་ངེ་འཛིན་འདི་འཐོབ་པར་འགྱུར་བའི་ཆོས་བཞིའོ། །བཞི་གང་ཞེ་ན། འདི་ལྟ་སྟེ། སངས་རྒྱས་ཐམས་ཅད་ཀྱིས་རྗེས་སུ་བཟུང་བ་དང་། དམ་པའི་
D133.056.0068a04.01ཆོས་འཛིན་པ་ལ་མཁས་ལ་དམ་པའི་ཆོས་བསྲུང་ཞིང་སྦེད་པ་དང་། སེམས་ཅན་ཐམས་ཅད་ལ་བདེ་བར་སྦྱོར་ཞིང་སེམས་ཅན་ཐམས་ཅད་ལ་སྙིང་བརྩེ་བའི་སེམས་དང་། སེམས་ཅན་གྱི་འདུ་ཤེས་རྣམ་པར་འཇིག་པ་ལ་མཁས་པ་སྟེ། བཟང་སྐྱོང་ཆོས་དེ་བཞི་ནི་བྱང་ཆུབ་སེམས་དཔའ་རྣམས་
D133.056.0068a05.01ཏིང་ངེ་འཛིན་འདི་ཐོབ་པར་འགྱུར་བའོ། །བཟང་སྐྱོང་དེ་བས་ན་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ་དམ་པའི་ཆོས་ཆེར་འཁྲུག་པའི་ཚེ། དེར་བྱང་ཆུབ་སེམས་དཔས་ལུས་དང་སྲོག་ཀྱང་ཡོངས་སུ་བཏང་བ་ལ་གནས་ཏེ། ཏིང་ངེ་འཛིན་འདི་གཟུང་བར་བྱའོ། །ཀུན་ཆུབ་པར་བྱའོ། །བཅང་
D133.056.0068a06.01བར་བྱའོ། །བཟང་སྐྱོང་ཆོས་ཐམས་ཅད་གཟུང་བ་ལ་མཁས་པ་ལ་བརྩོན་པའི་བྱང་ཆུབ་སེམས་དཔའ་རྣམས་ནི་དེ་བཞིན་གཤེགས་པ་རྣམས་ཀྱིས་བསྐལ་པ་བྱེ་བ་མཐའ་ཡས་པར་ཡང་དག་པར་བསྒྲུབས་པའི་ཆོས་རིན་པོ་ཆེའི་མཛོད་འདི་ཡུན་རིང་དུ་གནས་པར་བྱ་བའི་ཕྱིར་འཇོག་པར་འགྱུར།
D133.056.0068a07.01