完整藏文原文 · 德格版页 当前仅加载第 56 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དགེ་སློང་མ་གང་ཏིང་ངེ་འཛིན་འདི་ཐོས་ནས་ལུང་མནོད་པའམ། བསྒོམ་པར་འདོད་པ་དེས་སློབ་དཔོན་ལ་སྟོན་པའི་འདུ་ཤེས་བཞག་སྟེ་ཏིང་ངེ་འཛིན་འདི་ལུང་མནོད་པར་བྱའོ། །ཆོས་དེ་དག་ལ་གནས་ཏེ་ཏིང་ངེ་འཛིན་འདི་བསྒོམ་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་
D133.056.0032b01.01སུ་བཅད་པ་འདི་དག་གསུངས་སོ། །དགེ་སློང་མ་གང་ཏིང་འཛིན་འདི་འདོད་པས། །རྟག་ཏུ་གུས་བྱས་ཕྲག་དོག་ཁྲོ་བ་དང་། །ང་རྒྱལ་དེ་བཞིན་ཁེངས་པ་སྤང་བྱས་ན། །ཏིང་འཛིན་འདི་ནི་རྙེད་པར་དཀའ་མི་འགྱུར། །ཏིང་ངེ་འཛིན་འདི་ཚོལ་བར་གྱུར་ན་ནི། །བརྩོན་འགྲུས་བརྩམས་
D133.056.0032b02.01ཤིང་གཉིད་ནི་སྤང་བྱས་ལ། །ཚོལ་བ་ཐམས་ཅད་རྣམ་པར་སྤང་བྱས་ཏེ། །སྲོག་ལའང་མི་རྟེན་པར་ནི་ཆོས་འདོད་བྱོས། །གང་ཞིག་ཏིང་འཛིན་འདི་ནི་གཟུང་འདོད་པས། །ཉོན་མོངས་གཟིར་བས་འདོད་ཆགས་ཞེ་སྡང་དང་། །ལྡན་པའི་སེམས་དང་གནས་པར་མི་བྱ་ཞིང་། །ནམ་
D133.056.0032b03.01ཡང་བདུད་ཀྱི་ཞགས་པས་མི་ཟིན་བྱོས། །གང་ཞིག་ཏིང་འཛིན་འདི་ནི་གཟུང་འདོད་པས། །སྒྱུ་དང་ལྡན་པར་སྤྱད་པར་མི་བྱ་ཞིང་། །མཉེ་བ་དང་ནི་རྒྱན་དང་ཕྲ་མ་དང་། །ངོ་མི་རྟག་པ་ཐམས་ཅད་སྤང་བར་བྱ། །ལྷུང་བཟེད་ཕྱིར་དང་བསྔགས་པ་དག་གི་ཕྱིར། །སྐད་ཅིག་ཙམ་ཡང་རྣམ་པར་
D133.056.0032b04.01མི་རྟོག་གོ། །གང་ལས་ཉན་ལ་སྟོན་པར་འདུ་ཤེས་ཤིང་། །མཉམ་ཞིང་མཚུངས་པའི་འདུ་ཤེས་ཉེ་བར་ཞོག །བཟང་སྐྱོང་གིས་ཞུས་པའི་ཏིང་ངེ་འཛིན་གྱི་ལེའུ་སྟེ་བཅུ་པའོ།། །།དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་
D133.056.0032b05.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་ཁྱིམ་པར་གྱུར་པ་གོས་དཀར་པོ་འཚལ་ཞིང་ཁྱིམ་ན་གནས་པ་གང་ཏིང་ངེ་འཛིན་འདི་ཐོས་ནས་ཐ་ན་ཞག་གཅིག་གམ་ཞག་གཉིས་སུ་ལུང་མནོད་པའམ་བསྒོམ་པར་འཚལ་ན། བཙུན་པ་བཅོམ་
D133.056.0032b06.01ལྡན་འདས་དེས་ཆོས་གང་ལ་གནས་ཏེ་ཏིང་ངེ་འཛིན་འདི་ལུང་མནོད་པར་བགྱི། བསྒོམ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་དེ་བས་ན་བྱང་ཆུབ་སེམས་དཔའ་ཁྱིམ་པར་གྱུར་པ་གོས་དཀར་པོ་གྱོན་ཞིང་ཁྱིམ་ན་གནས་པ་གང་ཏིང་ངེ་འཛིན་འདི་ཐོས་ནས་ཐ་ན་ཞག་
D133.056.0032b07.01