完整藏文原文 · 德格版页 当前仅加载第 56 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོ་སྤངས་ཏེ། །དེས་ནི་ཏིང་ངེ་འཛིན་འདི་ལུང་ནོད་བྱ། །དགེ་སློང་དེ་བཞིན་དགེ་སློང་མ་མཐོང་ན། །གུས་དང་བཅས་པས་ལངས་ཤིང་སྟན་འབུལ་བ། །ཆོས་འདོད་དགེ་བ་གང་ཞེས་ཚོལ་བྱེད་ཅིང་། །དེས་ནི་ཏིང་ངེ་འཛིན་འདི་ལུང་མནོད་བྱ། །བཟང་སྐྱོང་གིས་ཞུས་པའི་ཏིང་ངེ་འཛིན་ལས་
D133.056.0034b01.01དགེ་བསྙེན་མའི་ལེའུ་སྟེ་བཅུ་གཉིས་པའོ།། །།དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདི་ལྟར་དེ་བཞིན་གཤེགས་པ་དགྲ་བཅོམ་
D133.056.0034b02.01པ་ཡང་དག་པར་རྫོགས་པའི་སངས་རྒྱས་ཀྱིས། བྱང་ཆུབ་སེམས་དཔའ་ཁྱིམ་གྱི་གནས་ནས་མངོན་པར་བྱུང་བ་རྣམས་ཀྱི་ཆེད་དང་། བྱང་ཆུབ་སེམས་དཔའ་འདོད་ཆེན་པ་རྣམས་དང་། ལྷག་པའི་བསམ་པ་ཕུན་སུམ་ཚོགས་པ་རྣམས་དང་། བརྩོན་འགྲུས་བརྩམས་པ་རྣམས་དང་། བརྩོན་
D133.056.0034b03.01པ་མི་འདོར་བ་རྣམས་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་རྣམས་ཀྱི་ཆེད་དུ་ཆོས་གང་ལ་གནས་ན། ཏིང་ངེ་འཛིན་འདི་ལུང་མནོད་པར་བགྱི་བའམ། བསྒོམ་པར་བགྱི་བའི་ཆོས་རྒྱ་ཆེ་ཞིང་བཟང་བ་གསུངས་པ་ངོ་མཚར་ཏོ། །བཙུན་པ་བཅོམ་
D133.056.0034b04.01ལྡན་འདས་མ་འོངས་པའི་དུས་ན་དེ་བཞིན་གཤེགས་པ་མྱ་ངན་ལས་འདས་པ་དེའི་ཚེ། ཅི་ཏིང་ངེ་འཛིན་འདི་འཛམ་བུའི་གླིང་འདིར་སྤྱོད་པར་འགྱུར་ལགས་སམ། རྒྱས་པར་བགྱིད་པར་འགྱུར་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་ང་ཡོངས་སུ་མྱ་ངན་ལས་འདས་
D133.056.0034b05.01ནས་ལོ་བཞི་སྟོང་དུ་ཏིང་ངེ་འཛིན་འདི་འཛམ་བུའི་གླིང་ན་སྤྱོད་པར་འགྱུར་རོ། །རྒྱས་པར་བྱེད་པར་འགྱུར་རོ། །དེའི་འོག་ཏུ་སའི་ཁུང་དུ་སོང་བར་འགྱུར་རོ། །ཡང་དེ་ལོ་ལྔ་བརྒྱ་པ་ཐ་མ་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མར་གྱུར་པ། དམ་པའི་ཆོས་འཇིག་པར་གྱུར་པ། དགེ་སྦྱོང་འཇིག་
D133.056.0034b06.01པར་གྱུར་པ། དམ་པའི་ཆོས་སྤོང་བར་གྱུར་པ། སེམས་ཅན་འཇིག་པར་གྱུར་པ། རྒྱལ་སྲིད་འཁྲུག་པར་གྱུར་པ། ཚུལ་ཁྲིམས་དང་ལྡན་པའི་ཕྱོགས་དམས་པའི་དུས་ལ་བབ་པ། ཚུལ་ཁྲིམས་འཆལ་པའི་ཕྱོགས་འཕེལ་བའི་དུས་ལ་བབ་པ། དམ་པའི་ཆོས་ཀྱི་ཕྱོགས་
D133.056.0034b07.01