完整藏文原文 · 德格版页 当前仅加载第 56 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ། བསྟན་དུ་མེད་པ། མི་སྣང་བ། རྣམ་པར་རིག་པར་བྱེད་པ་མ་ཡིན་ལ། སྒྱུ་མ་ལྟ་བུའི་སེམས་ཀྱིས་གཟུགས་མེད་པ། བསྟན་དུ་མེད་པ། མི་སྣང་བ། རྣམ་པར་རིག་པར་བྱེད་པ་མ་ཡིན་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཇི་ལྟར་འགྱུར་སྙམ་དུ་བསླབ་
D133.056.0025a01.01པར་བྱའོ། །བཟང་སྐྱོང་དེ་ལ་བྱང་ཆུབ་སེམས་དཔའས་འདི་ལྟར་བསླབ་པར་བྱ་སྟེ། ལུས་ཀྱིས་བྱང་ཆུབ་མངོན་པར་རྫོགས་པར་འཚང་མི་རྒྱའོ། །སེམས་ཀྱིས་བྱང་ཆུབ་མངོན་པར་རྫོགས་པར་འཚང་མི་རྒྱའོ། །སེམས་ཀྱིས་སེམས་མེད་པ་ཡང་བྱང་ཆུབ་མངོན་པར་རྫོགས་པར་འཚང་མི་
D133.056.0025a02.01རྒྱའོ། །གཟུགས་ཀྱིས་གཟུགས་མེད་པ་ཡང་བྱང་ཆུབ་མངོན་པར་རྫོགས་པར་འཚང་མི་རྒྱའོ། །སེམས་ཀྱིས་སེམས་ཀྱང་བྱང་ཆུབ་མངོན་པར་རྫོགས་པར་འཚང་མི་རྒྱའོ། །གཟུགས་ཀྱིས་གཟུགས་ཀྱང་བྱང་ཆུབ་མངོན་པར་རྫོགས་པར་འཚང་མི་རྒྱའོ་སྙམ་དུ་བསླབ་པར་བྱའོ། །བཟང་
D133.056.0025a03.01སྐྱོང་དེ་ཅིའི་ཕྱིར་ཞེ་ན། དེ་བཞིན་གཤེགས་པའི་སྐུ་ནི་མཐར་འཛིན་པ་ཐམས་ཅད་རྣམ་པར་སྤངས་པ་སྟེ། དེས་ན་དེ་བཞིན་གཤེགས་པ་ལུས་ལ་ལུས་ཀྱི་རྗེས་སུ་གཟིགས་ཤིང་སྤྱོད་དོ། །སེམས་ལ་སེམས་ཀྱི་རྗེས་སུ་གཟིགས་ཤིང་སྤྱོད་དོ། །བཟང་སྐྱོང་ཤེས་རབ་གང་ཆོས་ཐམས་
D133.056.0025a04.01ཅད་རབ་ཏུ་ཤེས་པར་བྱེད་པའི་ཤེས་རབ་གཟུགས་མེད་པ། བསྟན་དུ་མེད་པ། མི་སྣང་བ། རྣམ་པར་རིག་པར་བྱེད་པ་མ་ཡིན་པ། ཟག་པ་མེད་པ་དེ་ཡང་མངོན་པར་རྫོགས་པར་འཚང་རྒྱ་བར་ཡང་མི་འགྱུར་རོ། །མངོན་པར་རྫོགས་པར་འཚང་མི་རྒྱ་བར་ཡང་མི་འགྱུར་རོ། །དེ་ཅིའི་ཕྱིར་
D133.056.0025a05.01ཞེ་ན། འདི་ལྟར་དེ་བཞིན་གཤེགས་པ་རྣམས་ཀྱི་སྐུ་ཟག་པ་མེད་པ། དེ་བཞིན་གཤེགས་པ་རྣམས་ཀྱི་ཐུགས་ཟག་པ་མེད་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་གཟུགས་ཀྱང་ཟག་པ་མེད་པ། དེ་བཞིན་གཤེགས་པ་དགྲ་བཅོམ་
D133.056.0025a06.01པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་ཀྱང་ཟག་པ་མེད་པ་ཡིན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཚུལ་ཁྲིམས་སམ། ཏིང་ངེ་འཛིན་ཏམ་
D133.056.0025a07.01