完整藏文原文 · 德格版页 当前仅加载第 54 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སོང་ན་ཚིག་པ་བཞིན། །འདོད་ཆེན་པ་ལོང་བ་གཅིག་པུ་དགྲ་བཅོམ་པ་ཡིན་པར་འདོད་པ་ནི་ལམ་མི་ཟད་པ་ཆེན་པོར་འགྲོ་འདོད་དོ། །བྱམས་པ་དང་ལྡན་པའི་དགྲ་བཅོམ་པ་ཡིན་པར་འདོད་ལ་ཤིན་ཏུ་རྒྱས་པ་སུན་དབྱུང་བར་འདོད་དེ། དགྲ་བཅོམ་པ་
D120.054.0130a01.01ཡིན་པར་འདོད་ཅིང་ཉན་ཐོས་ཀྱི་ཐེག་པ་སུན་ཕྱུང་ནས་ང་ནི་བྱང་ཆུབ་སེམས་དཔའ་སྟེ། ཤིན་ཏུ་རྒྱས་པ་སྟོན་པ་ཡིན་ནོ། །སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོའི་ཡོན་ཏན་རྣམས་ཡོད་དོ། །སངས་རྒྱས་ཡོད་དོ་ཞེས་ཟེར་ཞིང་སངས་རྒྱས་སུ་ལུང་སྟོན་པར་
D120.054.0130a02.01བྱེད་དེ། ང་དང་ཁྱེད་ཀྱིས་ཉོན་མོངས་པའི་རྣམ་པ་ཆུའི་བུམ་པ་བཞིན་དུ་གཞོམ་པར་བྱའོ། །ཐེ་ཚོམ་མེད་པར་བྱང་ཆུབ་བསྒོམ་པར་བྱ་སྟེ། མདོ་སྡེའི་མན་ངག་ནི་དེ་ལྟ་བུ་ཡིན་ནོ་ཞེས་ཟེར་རོ། །དཔེར་ན་རྒྱལ་པོའི་ཕོ་ཉ་གཙང་ཞིང་སྙིང་ཉེ་ལ་སྨྲ་མཁས་ཤིང་གཟི་བྱིན་ཆེ་བ།
D120.054.0130a03.01དགྲའི་ནང་དུ་རང་གི་སྲོག་དང་བསྡོས་ཏེ་རྒྱལ་པོ་ལ་ཚིག་རྫོགས་པར་སྨྲ་བ་དེ་བཞིན་དུ་ཤེས་རབ་ཅན་ཤིན་ཏུ་རྒྱས་པ་གཅེས་པར་འཛིན་པ་ནི་བྱིས་པ་རྣམས་ཀྱི་ནང་དུ་རང་གི་སྲོག་དང་བསྡོས་ནས་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་པས་སངས་རྒྱས་སུ་ལུང་
D120.054.0130a04.01སྟོན་པར་བྱེད་དོ། །དགོན་པ་པ་མདོ་སྡེ་སྤོང་བ། བྱིས་པ་བླུན་པོ་དགྲ་བཅོམ་པ་ཡིན་པར་འདོད་པ་གང་ཡིན་པ་དེ་ལ་དགྲ་བཅོམ་པ་དང་འདྲ་བར་ལྟ་ཞིང་སེམས་ཅན་ཆེན་པོ་དང་འདྲ་བར་ལྟ་སྟེ། འདོད་ཆེན་པ་དགེ་སློང་སྡིག་ཅན་དེ་དགོན་པ་ན་གནས་ཤིང་བདག་ཉིད་དགྲ་བཅོམ་པ་དང་
D120.054.0130a05.01འདྲ་བར་རྩི་བར་བྱེད་དེ། དགོན་པ་ན་གནས་པའི་དགེ་སློང་རྣམས་གཞན་གྱིས་བོས་པ་མི་བཟོད་ལ་རྐྱེན་བཞི་ལས་ཤིན་ཏུ་རྒྱས་པ་ནི་བདུད་ཀྱིས་སྨྲས་པ་ཡིན་ནོ། །བཅོམ་ལྡན་འདས་ནི་མི་རྟག་གོ། །ཆོས་དང་དགེ་འདུན་ཡང་མེད་པར་འགྱུར་རོ། །དམ་པའི་ཆོས་མེད་པར་འགྱུར་
D120.054.0130a06.01བའི་ལྟས་དེ་ལྟ་བུ་དག་ཀྱང་སྣང་ངོ་ཞེས་བྱ་བ་འདི་ཐེག་པ་ཆེན་པོ་ལས་ལེགས་པར་བཤད་དོ་ཞེས་ཟེར་ཏེ། དེ་སྐད་དུ་དམ་པའི་ཆོས་མ་ཡིན་པར་སྨྲ་བ་ནི་འོ་མ་བཞིན་དུ་མོད་ལ་ལྡང་བར་མི་འགྱུར་ཏེ། མེ་ཐལ་བས་བཀབ་པ་ལ་བབ་པ་བཞིན་དུ་བྱིས་པ་འདོད་ཆེན་པ་རྣམས་ཕྱིས་ཚིག་པར་འགྱུར་
D120.054.0130a07.01