完整藏文原文 · 德格版页 当前仅加载第 54 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པ་གླིང་བཞི་ན་གནས་པའི་དྲང་སྲོང་མངོན་པར་ཤེས་པ་ལྔ་དང་ལྡན་པ། ཐེག་པ་ཆེན་པོ་འདོད་པ་ཤ་སྟག་ལ། གང་གཱའི་ཀླུང་དཀྲིགས་ཀྱི་བྱེ་མ་སྙེད་རང་རང་གི་རྫུ་འཕྲུལ་གྱི་སྟོབས་ཀྱིས་ཡམ་སྲེག་ཤིང་དང་། ཞལ་ཟས་དག་ཁྱེར་ནས། བཅོམ་ལྡན་
D120.054.0013b01.01འདས་ལ་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་འོད་སྲུང་ཆེན་པོ་ལ་སོགས་པ་དགེ་སློང་གི་དགེ་འདུན་ཁ་ཅིག་དང་། གནས་བརྟན་ཀུན་དགའ་བོ་ལ་སོགས་པ་མ་གཏོགས་པར་ཡུལ་ཕྱོགས་ན་གནས་པའི་དགེ་སློང་དང་། དགེ་སློང་མ་
D120.054.0013b02.01ཇི་སྙེད་ཡོད་པ་དེ་དག་ཐམས་ཅད་ཀྱང་མ་ལུས་པར་དེར་ལྷགས་སོ། །གཞན་ཡང་དེའི་ཚེ་རི་རབ་ལ་སོགས་པ་རི་ཆེན་པོ་རྣམས་དང་། འཇིག་རྟེན་གྱི་བར་མཚམས་ཀྱི་རི་གང་གཱའི་ཀླུང་གྲངས་མེད་པའི་བྱེ་མ་སྙེད་ཀྱང་ཤིང་ལྗོན་པ་དང་། འཁྲི་ཤིང་མང་པོ་ཉི་ཚན་གྱི་གྲིབ་
D120.054.0013b03.01མ་བྱེད་པ་དང་། བྲག་ཟང་ཡག་གྲིབ་མ་ཆེ་བ་དང་། བྲག་ཁ་ནས་འབབ་པའི་ཆུས་གང་བ་དང་། སྨན་གཤོང་རྡོ་གུ་དང་། རྩ་བ་དང་། འབྲས་བུས་གང་བ་དག་ཀྱང་དེར་ལྷགས་སོ། །ལྷའི་བུ་མཐུ་བོ་ཆེའི་འདུན་མ་ཆེན་པོ་དག་ཀྱང་རི་རབ་དང་བཅས་ཏེ་མཆོད་པའི་
D120.054.0013b04.01ཕྱིར་ལྷགས་ནས། བཅོམ་ལྡན་འདས་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷའི་བུ་མཐུ་བོ་ཆེ་འོད་ཆེན་པོ་རྒྱ་མཚོ་ཆེན་པོ་བཞིའི་ནང་ན་གནས་པ་དང་། ཆུ་ཀླུང་ཆེན་པོ་དག་གི་ནང་ན་གནས་པ་གང་གཱའི་ཀླུང་གྲངས་མེད་པའི་བྱེ་མ་སྙེད་མཆོད་པ་སྔ་མ་
D120.054.0013b05.01བས་ཆེས་ཉིས་འགྱུར་གྱིས་མཛེས་པའི་མཆོད་པ་སྔོན་དུ་བཏང་ནས། ཉི་མའི་འོད་ཀྱིས་མར་མེའི་འོད་ཟིལ་གྱིས་མནན་པ་བཞིན་དུ་རང་རང་གི་འོད་ཀྱིས་ཉི་མའི་འོད་ཟིལ་གྱིས་མནན་ཏེ། ཉི་མ་འཆར་ཀའི་འོད་ཀྱིས་ཤིང་མྱ་ངན་འཚང་གི་ལོ་མ་ཐམས་ཅད་དམར་ལམ་མེར་
D120.054.0013b06.01སྣང་བར་བྱེད་པ། དེ་བཞིན་དུ་རང་རང་གི་འོད་ཀྱིས་ཆུ་ཀླུང་གསེར་ལྡན་གྱི་ཆུ་དམར་ལམ་མེར་སྣང་བར་བྱས་ནས། བཅོམ་ལྡན་འདས་ལ་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་གྲོང་ཁྱེར་ཀུ་ཤི་ནས་ཤིང་སཱ་ལ་ཟུང་གི་དྲུང་གི་བར་སྐབས་ཀྱི་བར་
D120.054.0013b07.01