完整藏文原文 · 德格版页 当前仅加载第 54 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་པ་རྣམས་ལ་ཡང་ཤའི་མིག་དང་ལྡན་པ་དག་ཡོད་མོད་ཀྱི། དེ་དག་ནི་སངས་རྒྱས་ཀྱི་སྤྱན་ཞེས་བྱ་བའི་གྲངས་སུ་གཏོགས་སོ། །དེ་ཅིའི་ཕྱིར་ཞེ་ན། ཐེག་པ་ཆེན་པོ་སངས་རྒྱས་ཀྱི་ཐེག་པའི་མདོའི་དེ་ཁོ་ན་ཉིད་འཛིན་པའི་ཕྱིར་རོ། །རིགས་ཀྱི་བུ་གཞན་ཡང་དཔེར་ན་མི་དཔའ་བོ་ཡུལ་ཕྱོགས་སུ་
D120.054.0081b01.01གྲགས་པ་སྙིང་སྟོབས་ཅན་རྟུལ་ཕོད་པ་འགའ་ཞིག་ཡོད་ལ། དེ་ལ་མི་སྡར་མ་འགའ་ཞིག་རྟེན་ཏེ་སྡར་མ་དེ་དཔའ་བོ་དེ་ལ་དཔའ་སློབ་པ་ན་དེ་ལ་བསྒོ་བ། ཀྱེ་མི་ཁྱོད་དཔའ་བོར་འགྱུར་བར་འདོད་ན་རལ་གྲིའི་སོ་གཏམས་པའི་སྟེང་དུ་འགྲོ་བར་གྱིས་ཤིག །གང་དང་གང་གི་ཚེ་འཐབ་པ་
D120.054.0081b02.01དེ་དང་དེའི་ཚེ་སུས་ཀྱང་མི་འཇིགས་པར་གྱིས་ཤིག །ལྷ་ཡང་རུང་། གཏུམ་པོ་ཡང་རུང་སྟེ། རྩྭ་ཙམ་དུ་ལྟོས་ཤིག །སྙིང་སྟོབས་དང་། རྟུལ་ཕོད་པ་ལ་བརྩོན་པར་གྱིས་ཤིག །རུ་པ་ངན་པ་ཁ་ཅིག་དཔའ་བོའི་ཆ་ལུགས་སུ་བསྒྱུར་ནས་དཔའ་བོའི་མཚོན་ཆ་ཐོགས་
D120.054.0081b03.01ཏེ་ཨུར་མོའི་རལ་གྲི་ཤུབས་ནས་ཕྱུང་ནས། ཕྱེ་མར་རློག་པ་ལྟར་བྱེད་ཅིང་འོང་ལ་རལ་གྲི་གཅིག་ལ་གཅིག་བརྡབས་པ་ལས་མེ་སྟག་འཕྲོ་བར་བྱེད། ཁུས་འདེབས་ཤིང་ཁྲོམ་གྱི་ནང་དུ་འོང་བ་དེ་ལྟ་བུ་དག་མཐོང་ན་མ་འབྲོས་ཤིག་དང་། རུ་པ་ངན་པ་གང་ཡིན་པ་དེ་དག་གིས་
D120.054.0081b04.01དེ་དག་མཐོང་ནས་འདི་དག་ནི་དཔའ་བོ་ཡིན་ནོ་སྙམ་དུ་རིག་ནས་ཁྱི་རྐུན་བཞིན་དུ་འབྱེར་བར་འགྱུར་ལ། རུ་པ་བཟང་པོ་གང་ཡིན་པ་དེ་དག་ནི་ཁྲེལ་གྱིས་དོགས་ཏེ་ཐེན་པར་བྱེད་དོ། །རུ་པ་ངན་པ་དེ་དག་ནི་དེ་དག་གིས་སྐྲག་ནས་འབྱེར་བར་འགྱུར་བ་དེ་བཞིན་དུ་དེ་བཞིན་གཤེགས་པ་ཡང་
D120.054.0081b05.01ཉན་ཐོས་ཀྱི་ཐེག་པ་པ་རྣམས་དཔའ་བོ་སློབ་པར་མཛད་དེ་ཁྱེད་བདུད་སྡིག་ཅན་རུ་པ་སྡར་མ་ལྟ་བུས་མ་འཇིགས་པར་དཔའ་སློབ་པ་བཞིན་དུ་རྟུལ་ཕོད་པར་གྱིས་ཤིག་དང་། བདུད་ཡིད་མི་བདེ་བར་འགྱུར་རོ་ཞེས་སྟོན་ཏོ། །རིགས་ཀྱི་བུ་གཞན་ཡང་རིགས་ཆེན་པོ་དཔའ་བོའམ། དཔའ་
D120.054.0081b06.01བོའི་བུ་ལ་ལ་ཞིག་སུ་ལ་ཡང་དཔའ་མ་བསླབས་ཏེ་དེ་སློབ་དཔོན་སུ་ཡང་མེད་བཞིན་དུ་དེ་རང་བཞིན་གྱིས་དཔའ་ལ་རིགས་ཀྱི་བུ་ཆོས་ལུགས་སུ་གྱུར་པ་རང་གི་དཔའ་རིགས་ཀྱི་རྐྱེན་དུ་འཚམ་པར་དཔའ་བ་དེ་བཞིན་དུ། ཐེག་པ་ཆེན་པོ་པ་སྐྱེས་པའམ། བུད་མེད་དམ། ཁྱེའུ་
D120.054.0081b07.01