完整藏文原文 · 德格版页 当前仅加载第 54 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །རབ་རབ་ཅེས་བྱ་བ་ནི་ཇི་ལྟར་ནམ་མཁའི་གོང་ན་ནམ་མཁའ་གཞན་ནམ་ནམ་མཁའ་ལས་ལྷག་པའི་ཆོས་གཞན་མེད་པ་དེ་བཞིན་དུ་ཐར་པའི་གོང་ན་ཐར་པའི་ཆོས་གཞན་མེད་དེ། ཐར་པ་གང་
D120.054.0073a01.01ཡིན་པ་དེ་ནི་དེ་བཞིན་གཤེགས་པའོ། །ཀུན་ཏུ་རབ་ཀུན་ཏུ་རབ་ཅེས་བྱ་བ་ནི་ཇི་ལྟར་{རི་དགས་,རི་དྭགས་}ཐམས་ཅད་ལས་འདས་པ་ནི་སེང་གེའི་ས་ཡིན་པ་དེ་བཞིན་དུ་ཐར་པ་ནི་ཆོས་ཐམས་ཅད་ལས་འདས་ཏེ་གཅིག་ཏུ་འོད་གསལ་བའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །
D120.054.0073a02.01བླ་མ་བླ་མ་ཞེས་བྱ་བ་ནི་ཇི་ལྟར་ཕྱོགས་ཐམས་ཅད་ཀྱི་ནང་ན་བྱང་ཕྱོགས་མཆོག་ཅེས་བྱ་བ་དེ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །བླ་ན་མེད་པ་བླ་ན་མེད་པ་ཞེས་བྱ་བ་ནི་ཇི་ལྟར་ཡུལ་ཐམས་ཅད་ཀྱི་ནང་ན་ནི་བྱང་ཕྱོགས་པ་ལ་ཡུལ་བླ་ན་
D120.054.0073a03.01མེད་པ་ཞེས་བྱ་བ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ངེས་པ་ངེས་པ་ཞེས་བྱ་བ་ནི་ཇི་ལྟར་ལྷ་རྣམས་དང་མི་རྣམས་ཀྱི་འཆི་བ་ནི་ངེས་ལ་སྲོག་ནི་མ་ངེས་པ་སྟེ། ཐར་པ་ནི་ལྷ་དང་མི་རྣམས་འཆི་བར་ངེས་པ་བཞིན་དུ་ངེས་པ་དང་
D120.054.0073a04.01གནས་པའི་ཆོས་ཅན་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །མི་བརྟན་པ་མ་ཡིན་པ་མི་བརྟན་པ་མ་ཡིན་པ་ཞེས་བྱ་བ་ནི་ཇི་ལྟར་འདམ་བུ་དང་། ཨེ་རཎྜ་བ་དང་། ལྦུ་བ་རྣམས་མི་བརྟན་པ་བཞིན་དུ་ཐར་པ་ནི་དེ་ལྟ་མ་ཡིན་ནོ། །མི་བརྟན་པ་ཞེས་བྱ་བ་ནི་མར་གྱི་སྙིང་ཁུ་
D120.054.0073a05.01ལྟ་བུའོ། །ཐར་པ་ནི་མི་བརྟན་པ་མ་ཡིན་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འཇིག་པའི་ཆོས་ཅན་མ་ཡིན་པ་འཇིག་པའི་ཆོས་ཅན་མ་ཡིན་པ་ཞེས་བྱ་བ་ནི་ཇི་ལྟར་རྩིག་ངོས་ལ་སྦྲང་བུ་འཁོད་པ་རྣམས་ཁ་ཅིག་ནི་འབྱར། ཁ་ཅིག་ནི་འཁོད། ཁ་ཅིག་ནི་
D120.054.0073a06.01འགྲོ། ཁ་ཅིག་ནི་རྩེ་བ་བཞིན་དུ་ཐར་པ་ནི་དེ་ལྟ་མ་ཡིན་ནོ། །འཇིག་པའི་ཆོས་ཅན་མ་ཡིན་པ་ཞེས་བྱ་བ་ནི་ཇི་ལྟར་རི་མོ་མཁན་གྱིས་རི་མོ་བྲིས་པའི་རྩིག་ངོས་ལ་དེ་དག་འཁོད་པར་མི་ནུས་ཤིང་འབྱར་བར་མི་འགྱུར་བ་དེ་བཞིན་དུ་ཐར་པ་ནི་ཉེས་པ་ཐམས་ཅད་ཀྱིས་མི་གོས་པ་སྟེ། ཐར་པ་གང་
D120.054.0073a07.01