完整藏文原文 · 德格版页 当前仅加载第 54 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱིན་པར་བྱེད། །འཇིག་རྟེན་ཀུན་ན་རྟག་པ་ཅི་ཡང་མེད། །དབང་ཕྱུག་མི་རྟག་ཚེ་ཡང་མི་རྟག་སྟེ། །སྐྱེ་བོ་སྡུག་བསྔལ་འཁོར་ལོར་རྟག་ཏུ་འཁོར། །འཇིག་རྟེན་གསུམ་ན་བརྟན་པོ་ཅི་ཡང་མེད། །སྲིད་པ་དག་ན་འགྲོ་ཀུན་སྲོག་ཏུ་འདུག །
D120.054.0023a01.01སྲིད་པ་འཇིག་པའི་ཆོས་ཅན་རབ་གཡོ་བ། །འདི་དག་ན་ནི་བདེ་བ་ཅི་ཡང་མེད། །རྒ་དང་འཆི་དང་ནད་དང་རྒུད་རྣམས་ཀྱི། །འཇིགས་པས་རྟག་ཏུ་ཀུན་ནས་གཙེ་བར་བྱེད། །སྲིད་པ་མཐའ་མེད་མི་བརྟན་སྙིང་པོ་མེད། །ཐམས་ཅད་དགྲ་དང་འཁུ་བར་ཤེས་པར་
D120.054.0023a02.01གྱིས། །དེ་ན་འཁོར་ཞིང་ཉོན་མོངས་དྲ་བ་ཡིས། །འཇིག་རྟེན་དཀྲིས་ཏེ་དར་གྱི་སྲིན་བུ་བཞིན། །འཇིག་རྟེན་དག་ན་ཐེར་ཟུག་གནོད་པའི་གཞི། །རྟག་ཏུ་འབྲས་ལྟར་སྡུག་བསྔལ་འབྲེལ་པ་གང་། །མི་གཙང་ལུས་དང་འདོད་པ་དེ་དག་ལ། །ཕན་འདོད་སྡུག་བསྔལ་
D120.054.0023a03.01བསལ་འདོད་སུ་ཞིག་དགའ། །མི་རྟག་འདོད་པ་རྣམས་ལ་ཆགས་པ་མེད། །ཚུལ་བཞིན་རྟོག་པས་འདོད་ཆགས་འབྲལ་བར་འགྱུར། །དེ་ནས་ཡང་དག་མཐོང་ན་འདོད་ཆགས་འབྲལ། །དེ་དག་སྤངས་བཅད་གྲོལ་བ་ཉིད་དུ་འགྱུར། །ང་ནི་སྲིད་པའི་ཆུ་ཆེན་ལེགས་
D120.054.0023a04.01པར་རྒལ། །ང་ནི་སྡུག་བསྔལ་རྣམས་འདས་བདེ་བར་ཞུགས། །དེ་ཕྱིར་ངས་ནི་མཐའ་ཡས་སྤྲོས་མེད་པ། །ཆགས་པ་ཀུན་བསལ་ཐར་པ་ཐོབ་པར་གྱུར། །ང་ལ་རྒ་དང་ན་དང་འཆི་བ་མེད། །ང་ལ་རྟག་ཏུ་ཚེ་ཡང་ཟད་པ་མེད། །ང་ནི་མེ་ལྟར་འབར་ཏེ་འགྲོ་
D120.054.0023a05.01འགྱུར་གྱིས། །ཁྱོད་ཀྱིས་ང་ནི་མེད་འགྱུར་མ་སེམས་ཤིག །དེ་བཞིན་གཤེགས་ཉིད་ལྷུན་པོ་འདྲ་བར་ལྟོས། །ང་དེང་ཡང་དག་མྱ་ངན་འདའ་བར་འགྱུར། །བདེ་མཆོག་དེ་ནི་ང་ཡིས་ཆོས་ཉིད་དེ། །རྒྱལ་རྣམས་སྤྱོད་ཡུལ་ཡིན་གྱིས་ཁྱོད་མ་ངུ་། །དེ་ནས་བཅོམ་
D120.054.0023a06.01ལྡན་འདས་ལ་མགར་བའི་བུ་སྐུལ་བྱེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ནི་དེ་ལགས་སོ། །དེ་ནི་དེ་ལགས་ཏེ། མྱ་ངན་ལས་འདས་པ་ནི་བདག་གིས་ཀྱང་བསམ་གྱིས་མི་ཁྱབ་ལགས་ན། སྦྲང་བུ་དང་འདྲ་བའི་སེམས་ཅན་ཐེག་པ་དམན་པ་
D120.054.0023a07.01